Tionscal
Raon comhlachtaí a tháirgeann is a sholáthraíonn ábhair nó seirbhísí is ea tionscal.
![](http://upload.wikimedia.org/wikipedia/commons/thumb/b/b9/Industrial_factory_2.png/220px-Industrial_factory_2.png)
Rangaítear tionscail i saghsanna áirithe. Tá na príomhthionscail ann, atá bunaithe ar an talamh, á saothrú (mar shampla, talmhaíocht, foraoiseacht, iascaireacht) nó ag eastóscadh amhábhar aisti (mar shampla, mianadóireacht, cairéalú).
Sna tionscail thánaisteacha (mar shampla, déantúsaíocht) déantar earraí do thomhaltóirí nó comhbhaill as amhábhair.
![](http://upload.wikimedia.org/wikipedia/commons/thumb/a/ad/Ipsen_Industrial_Furnaces_-_Factory_In_Kleve.jpg/220px-Ipsen_Industrial_Furnaces_-_Factory_In_Kleve.jpg)
Roinntear iad seo i dtionscail throma — ina mbíonn fearas trom is innealra, an-chuid fostaithe is earraí táirgthe, go léir ar scála mór (mar shampla, iarann is cruach, innealra, stroighin)—agus tionscail éadroma ina mbíonn an táirgeadh ar scála níos lú (mar shampla, fabraicí, leictreonaic, próiseáil bia). Sna tionscail déantúsaíochta luaitear comhlachtaí a ghineann leictreachas.
![](http://upload.wikimedia.org/wikipedia/commons/thumb/c/c7/Ireland%3B_industrial_and_agricultural_%281902%29_%2814763029604%29.jpg/220px-Ireland%3B_industrial_and_agricultural_%281902%29_%2814763029604%29.jpg)
Ní dhéanann na tionscail threasacha earraí, ach tacaíonn siad le hearnálacha eile san eacnamaíocht (mar shampla, baincéireacht, an dlí, ospidéil, árachas, cosaint) nó caighdeán beatha (mar shampla, oideachas, turasóireacht, siamsaíocht).[1]
Tagairtí
cuir in eagar- ↑ Hussey, Matt (2011). "Tionscal". Fréamh an Eolais. Coiscéim. p. 664.
Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |