Kósovó

Kosovë / Kosova (albanska) Косово (serbneska)
Fáni	Skjaldarmerki
Kjörorð: ekkert
Höfuðborg	Pristína
Opinbert tungumál	albanska og serbneska
Stjórnarfar	Lýðveldi
Fulltrúi S.þ. Forseti Forsætisráðherra	Joachim Rücker Fatmir Sejdiu Hashim Thaçi
Sjálfstæði
• Yfirlýst	17. febrúar 2008
Flatarmál  • Samtals	10.908 km²
Mannfjöldi  • Samtals (2005)  • Þéttleiki byggðar	-. sæti 2.200.000 220/km²
VLF (KMJ)	áætl. ?
• Samtals	? millj. dala (?. sæti)
• Á mann	? dalir (?. sæti)
Gjaldmiðill	Evra € ²
Tímabelti	UTC+1 (UTC+2 á sumrin)
Þjóðarlén	.rs
Landsnúmer	++381

Kosóvó er landsvæði á Balkanskaga í suðaustur Evrópu. Það á landamæri að Serbíu, Svartfjallalandi, Albaníu og Makedóníu. Kosóvó lýsti einhliða yfir sjálfstæði undan Serbíu 17. febrúar 2008 en hafði þá aðeins verið hluti af Serbíu að nafninu til síðan í Kosóvóstríðinu 1999 en eftir það tóku Sameinuðu þjóðirnar við stjórn þess. Sjálfstæðisyfirlýsingin var mjög í óþökk Serba sem líta eftir sem áður á Kosóvó sem hluta af Serbíu. Þær þjóðir sem eru meðlimir í sameinuðu þjóðunum skiptast í tvær nokkurn veginn jafn stórar fylkingar hvað þetta varðar: 90 meðlimsríki viðurkenna fullveldi Kosóvó en 93 meðlimsríki líta á Kosóvo sem hluta Serbíu. Ísland viðurkennir fullveldi Kosóvó. Af 27 aðildaríkjum ESB viðurkenna 22 fullveldi Kosóvó, en 5 (Spánn, Slóvakía, Grikkland, Kýpur og Rúmenía) líta á Kosóvó sem hluta Serbíu.

Íbúar Kosóvó eru rúmar tvær milljónir, þar af eru langflestir Albanir en einnig eru þar Serbar, Tyrkir, Bosníumenn og Sígaunar. Pristína er höfuðborg landsins og stærsta borg þess.