Reykjavíkurkjördæmi norður
![]() | |
Þingmenn
|
|
---|---|
Mannfjöldi | 134.010 (Í Reykjavík allri, 2021) |
Sveitarfélög | 1 (að hluta) |
Kjósendur
|
|
Kjörsókn | 78,8% (2021) |
Núverandi þingmenn | |
Reykjavíkurkjördæmi norður er eitt af kjördæmum Íslands. Það hefur 11 sæti á Alþingi, þar af tvö jöfnunarsæti. Kjördæmið var búið til með nýrri kjördæmaskipan árið 2000 með því að skipta upp Reykjavíkurkjördæmi. Fyrst var kosið samkvæmt þessari nýju kjördæmaskipan í Alþingiskosningum 2003.
![](http://upload.wikimedia.org/wikipedia/commons/thumb/7/7e/Reykjav%C3%ADk_n%C3%A6rmynd.svg/220px-Reykjav%C3%ADk_n%C3%A6rmynd.svg.png)
Í stjórnarskrá Íslands er mælt fyrir um að mörk kjördæma eigi að skilgreina í lögum en að heimilt sé að fela Landskjörstjórn afmörkun á kjördæmamörkum í Reykjavík og nágrenni. Í kosningalögunum er mælt fyrir um að skipta skuli Reykjavíkurborg frá austri til vesturs í norðurkjördæmi og suðurkjördæmi. Landskjörstjórn afmarkar kjördæmin og miðar þar við þjóðskrá fimm vikum fyrir kjördag, reynt er að gæta þess að álíka margir búi í hvoru kjördæmi og að þau myndi sem samfelldasta heild. Mörk kjördæmanna liggja í grófum dráttum meðfram Hringbraut, Miklubraut og Vesturlandsvegi og svo um Grafarholtshverfi þar sem skiptingin hefur færst lítillega til við hverjar kosningar eftir því hvernig íbúaþróun er í hverfum borgarinnar. Grafarholt var þannig allt í norðurkjördæminu við kosningarnar 2003 en við kosningarnar 2021 var hverfið að mestu komið yfir í suðurkjördæmið. Hinn forni Kjalarneshreppur fellur innan marka norðurkjördæmisins þannig að það er mun víðfeðmara en suðurkjördæmið þó að íbúafjöldi sé sambærilegur.
Þrátt fyrir skiptingu Reykjavíkur í tvö kjördæmi hafa flestir stjórnmálaflokkar áfram skipulagt starf sitt í Reykjavík sem einni heild. Þeir flokkar sem halda prófkjör hafa t.d. iðulega haldið sameiginlegt prófkjör fyrir bæði Reykjavíkurkjördæmin þar sem sigurvegari prófkjörsins tekur fyrsta sætið á lista í öðru kjördæminu og sá sem lendir í öðru sæti tekur fyrsta sætið í hinu kjördæminu.
Í þeim sjö kosningum sem haldnar hafa verið frá því að núgildandi kjördæmaskipan var tekin upp hefur Sjálfstæðisflokkurinn fimm sinnum átt fyrsta þingmann kjördæmisins en Samfylkingin tvisvar.
Kosningatölfræði
[breyta | breyta frumkóða]Kosningar | Kjósendur á kjörskrá |
Breyting | Greidd atkvæði |
Kjörsókn | Utankjörfundar- atkvæði |
Þingsæti | Kjósendur á hvert þingsæti |
Vægi[1] | |
---|---|---|---|---|---|---|---|---|---|
Fjöldi | Hlutfall greiddra | ||||||||
2003 | 42.812 | á ekki við | 36.615 | 85,5% | 3.971 | 10,8% | 11 | 3.892 | 86% |
2007 | 43.756 | ![]() |
35.625 | 81,4% | 4.942 | 13,9% | 11 | 3.978 | 88% |
2009 | 43.767 | ![]() |
36.440 | 83,3% | 4.938 | 13,6% | 11 | 3.979 | 91% |
2013 | 45.523 | ![]() |
35.969 | 79,0% | 6.424 | 17,9% | 11 | 4.138 | 91% |
2016 | 46.051 | ![]() |
35.864 | 77,9% | 5.807 | 16,2% | 11 | 4.186 | 93% |
2017 | 46.073 | ![]() |
36.744 | 79,8% | 6.473 | 17,6% | 11 | 4.188 | 94% |
2021 | 45.368 | ![]() |
35.728 | 78,8% | - | - | 11 | 4.124 | 98% |
[1] Vægi atkvæða í þessu kjördæmi miðað við vægi atkvæða á landsvísu. | |||||||||
Heimild: Hagstofa Íslands |