ചക്കരശലഭം

ഇംഗ്ലീഷ് വിലാസം

https://ml.wikipedia.org/wiki/Crimson_Rose

ചക്കരശലഭം
വെയിൽ കായുന്ന ചക്കര ശലഭം
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Arthropoda
Class:	Insecta
Order:	Lepidoptera
Family:	Papilionidae
Genus:	Atrophaneura
Subgenus:	(Pachliopta)
Species:	A. (P.) hector
Binomial name
Atrophaneura (Pachliopta) hector (Linnaeus, 1758)
Synonyms
Pachliopta hector

ഭാരതത്തിലും ശ്രീലങ്കയിലും കാണപ്പെടുന്ന ഒരു ചിത്രശലഭം. കിളിവാലൻ ശലഭങ്ങളുടെ കൂട്ടത്തിൽപ്പെടുന്നു.'ചക്കരറോസ്, ചക്കരപാറ്റ്]] എന്നും അറിയുന്നു.ഇംഗ്ളീഷ് ഭാഷയിൽ crimson rose എന്ന് പേരുള്ള ഈ ശലഭത്തിന്റെ ശാസ്ത്രനാമം Pachilopta hector എന്നാണ്.

കേരളത്തിൽ സുലഭമായിക്കണ്ടുവരുന്നുണ്ടെങ്കിലും 1972 ലെ ഇന്ത്യൻ വന്യജീവിസംരക്ഷണനിയമത്തിന്റെ ഒന്നാം പട്ടികയിലാണ് ഇതിന്റെ സ്ഥാനം.

ദേശാടന സ്വഭാവമുള്ളവയാണ്.

ജീവിതരീതി

കേരളത്തിലെ നാട്ടിൻപുറങ്ങളിലുള്ള കുന്നിൻപുറങ്ങളിലും കുറ്റിക്കാടുകളിലും സാധാരണയായി കാണപ്പെടുന്നു.അരിപ്പൂവ്, കൃഷ്ണകിരീടം, വട്ടപ്പെരുവലം,ചെത്തി, കൊങ്ങിണി എന്നീ ചെടികൾ പൂത്തുനിൽക്കുന്നയിടത്ത് ചക്കരപ്പാറ്റ എന്നുകൂടി അറിയപ്പെടുന്ന ഇവയെ ധാരാളം കാണാം.ഉറിതൂക്കി(ഈശ്വരമുല്ല), അല്പം എന്നീ സസ്യങ്ങളിലാണ് മുട്ടയിടുന്നത്.ഈ ചെടികളിൽ ഉള്ള വിഷാംശം ഈ പൂമ്പാറ്റകളുടെ ശരീരത്തിൽ എത്തുന്നതിനാൽ മറ്റ് പക്ഷികൾ ഇവയെ പൊതുവെ ആഹാരമാക്കാറില്ല.

രൂപവിവരണം

ചുവപ്പുശരീരവും പിൻചിറകുകളിൽ കാണപ്പെടുന്ന തിളങ്ങുന്ന ചുവന്ന പൊട്ടുകളും ഇവയെ എളുപ്പം തിരിച്ചറിയാൻ സഹായിക്കുന്നു. പിൻചിറകുകളിൽ പതിമൂന്ന് പൊട്ടുകളുള്ളതിൽ പിൻനിരയിലുള്ളവ അർദ്ധചന്ദ്രാകൃതിയിലുള്ളവയാണ്.

പ്രജനനം

ഗരുഡക്കൊടി(Aristochia indica), അൽപ്പം(thottea sliliquosa) എന്നീ ചെടികളിലാണ് മുട്ടയിടുന്നത്. മുട്ടയ്ക്ക് തവിട്ടുകലർന്ന ഓറഞ്ച് നിറമാണ്.ശലഭപ്പുഴുവിന് ഇരുണ്ട കരിംചുവപ്പ് നിറവും ദേഹത്ത് മുള്ളുകൾ പോലെ തോന്നുന്ന അറ്റം കൂർത്ത മുഴകൾ ഉണ്ട്. പുഴുപ്പൊതി(pupa)യ്ക്ക് ഉണങ്ങിയ ഇലയുടെ നിറമാണ്.

ചിത്രങ്ങൾ

• 
  ചിറകിന്റെ മുകൾവശം
• 
  ചിറകിന്റെ താഴെവശം
• 
  ചക്കരശലഭം
• 
  ചക്കര ശലഭം
• 
  ‌ലാർവ
• 
  ലാർവ
• 
  സമാധിയിലേക്ക് പ്രവേശിക്കുന്നതിന് മുന്നെ
• 
  പ്യൂപ്പ
• 
  പ്യൂപ്പയുടെ മുൻവശം

അവലംബം

• കേരളത്തിലെ ചിത്രശലഭങ്ങൾ 2003ജൂൺ ജാഫർ പാലോട്ട്,വി സി ബാലകൃഷ്ണൻ,ബാബു കാമ്പ്രത്ത്.