上海市肺科医院
上海市肺科医院（上海市职业病防治院、同济大学附属上海市肺科医院），来勒上海市杨浦区政民路507号，是三级甲等医院。
历史
[编辑]1930年代，中国结核病高发，国立上海医学院院长颜福庆为咾隻结核病医院多方奔走募资。1933年2月份，颜福庆向伊学生仔叶子衡（叶澄衷个儿子）讲到上海医学院想筹建一所肺结核病医院，叶子衡就拿自家个私人花园叶家花园捐畀上海医学院建立第二实习医院，专收肺科病人。1933年6月15号，澄衷医院国立上海医学院肺病疗养院成立，是上海医学院第二实习医院，颜福庆是首任院长[1][2][3]。
1934年4月份，中华慈善协会来勒医院里向增造为儿童专设个肺病疗养机构[1]。抗日战争个辰光畀日本人占领，結束後上海医学院收回来。[4]
1950年11月份，划拨畀上海市卫生局领导，名字改成功“上海市立澄衷肺结核病防治院”。1953年7月份，再改成“上海市立肺结核病防治院”。1957年10月份，改叫“上海市立结核病防治院”。1958年4月份，改叫“上海市第一结核病防治院”。1959年，中华人民共和国卫生部指定伊是全国进修教育基地之一。1964年6月份，箇医院头一趟来勒针刺麻醉下头成功实施肺切除手术，是中华人民共和国国内最早开展针刺麻醉手术个临床研究单位[1]。
1984年11月份，改叫上海市结核病防治中心（上海市结核病防治中心第一防治院）。1987年10月份，改叫上海市结核病防治中心第一防治院（上海市第一肺部肿瘤防治院）。1989年12月份，改叫上海市第一肺科医院。1995年，评为全国第一批三级甲等医院。1998年12月份，上海市卫生局决定组建上海市疾病控制中心，拿上海市结核病中心防治所、上海市职业病防治院（临床部分）个业务功能进行整合，箇家医院改名上海市肺科医院（上海市职业病医院）。2003年1月份，成功实施亚洲第一例老年人同种异体肺移植手术。2005年3月份，增设第三冠名“同济大学附属上海市肺科医院”。2013年9月份，第二冠名从上海市职业病医院改成“上海市职业病防治院”[1][2]。