NTE

THU INCHHÂNG

THU INCHHÂNG BU THAR

SYNOD LITERATURE & PUBLICATION BOARD

ii

Published
by
Synod Literature & Publication Board
for
The Mizo Sunday School Union

Chhut khatna 1990

Chhut hnihna 1993
Chhut thumna 1995
Chhut lina 1997
Chhut ngana 2003
Chhut rukna 2006
Chhut sarihna 2007
Chhut riatna 2009 (Revised)
Chhut kuana 2014
Chhut sâwmna 2016

Copies - 2,000
(All Rights Reserved)

Printed
at
Synod Press
Aizâwl - 796001
Mizoram
 iii

A CHHÛNGA THU AWMTE

PART – I
BEGINNER PÂWL
Bung 1. Pathian chungchâng 1
2. Thil siam chungchâng 2
3. Mihring chungchâng 3
4. Mihring sualna 4
5. Isua Krista 5
6. Chhandamna 6
7. Kristian naupangte tih tûr 7
8. Naupang chi hnih 8

PART – II
PRIMARY PÂWL
Bung 1. Pathian chungchâng 9
2. Thil siam chungchâng 10
3. Mihring chungchâng 11
4. Mihring sualna chungchâng 12
5. Isua Krista chungchâng - I 13
6. Isua Krista chungchâng - II 14
7. Isua Krista leh a thiltih 15
8. Chhandamna leh Kristian nun 16
9. Bible-a mi chi hrang hrangte - I 17
10. Bible-a mi chi hrang hrangte - II 18
11. Thu sâwm pêk 19
12. Pathian rorêl ni chungchâng 20

PART – III
JUNIOR PÂWL
Bung 1. Pathian chungchâng 21
2. Mihring leh sual chungchâng 22
3. Isua Krista chungchâng 23
4. Chhandamna chungchâng 24
iv

5. Bible chungchâng 26
6. Bible chungchâng : Thuthlung Hlui 28
7. Bible chungchâng : Thuthlung Thar 30
8. Bible hriatna - I 32
9. Bible hriatna - II 34
10. Bible hriatna - III 36
11. Sunday School chungchâng 38
12. Kristian Nun 40

PART – IV
INTERMEDIATE & SACRAMENT PÂWL
Bung 1. Pathian chungchâng 42
2. Chhandam ngai mihring 44
3. Chhandamna chungchâng 46
4. Isua Krista chungchâng - I 47
5. Isua Krista chungchâng - II 49
6. Kohhran chungchâng 51
7. India ram Presbyterian Kohhran 53
8. Thurin chungchâng 55
9. Bible hriatna 57
10. |awng\ai chungchâng 59
11. Kristiante awm dân tûr 61
12. Kristian puitlinna 63

PART – V
|AWNG|AINA CHI HRANGTE
Bung 1. Lalpa |awng\aina 65
2. Zîng lam |awng\aina 65
3. Chaw malsâwm |awng\aina 66
4. Tlai lam |awng\aina 66
5. Malsâwmna 66
6. Lalpa Zanriah kîltute |awng\aina 67
 v

CHHUT SÂWMNA THUHMA

Naupang lam Sunday School tân Thu Inchhâng hi zirlai

pakhat anga hman reng a ni \hîn a. Kristian thurin leh Bible
hriat nân a \angkai hle a ni.

Hun lo danglam zêlah a hmangtute nêna inrem zâwk

tûra thil tihthar hi a \ûl \hîn a. Chuvângin, Naupangte Thu
Inchhâng Bu pawh hi buatsaih thar a \ûl ve ta zêl a. Tûna kan
hman mêk ‘Naupangte Thu Inchhâng’ pawh hi MSSU
Committee chuan ennawn ngaiin a hria a, a \ûl anga belh leh
siam rem a ni.

Tin, Sunday School Committee-in a rêl tawh angin

‘Sande Sikul’ tih \hin chu ‘Sunday School’ tih a ni a.
Department hming sawi nân ‘Sacrament’ tia dah a ni bawk.
Amaherawhchu, Lalpa Zanriah Sakramen sawi nân chuan kan
hman dân pângngai ‘Sakramen’ tia hman zêl a ni.

He lehkhabu hmangtu apiangten an hlâwkpui theih nân

Lalpan malsâwm rawh se.

(REV. P.C. PACHHÛNGA)

Executive Secretary
i/c MSSU, etc.
vi

Naupangte Thu Inchhâng Bu Hman dân tûr

Naupang lam Department tinte hian thla

thum chhûng zir an nei a. Beginner hi kum hnih
zir a nih avângin thla thum chhûng zir vawi riat a
awm a. Primary, Junior leh Senior Department-te
hi kum thum chhûng zir vek an nih avângin thla
thum chhûng zir vawi sâwm leh pahnih nei an ni
a; chuvângin, zir tûr sâwm leh pahnih a awm a.
Intermediate leh Sacrament Department hi
Inkhâwmpuinaah an inkawp avângin
‘Intermediate leh Sacrament Department’ zir atân
pawh hian vawi sâwm leh pahnih zir tûr dah a ni
bawk. Hêngte hi thla thum chhûng zir hunah zirtîr
ngei ni sela. A indawta zirtîr kim a nih chuan a
manhla hle ang. A tâwpah hian \awng\aina chi
hrang hrang dah a ni a, hêngte pawh hi a remchân
ang zêla naupangte thiamtîra hmantîr nghâl tûr a
ni e.
 1

PART I
BEGINNER PÂWL

Bung 1

PATHIAN CHUNGCHÂNG

1. Tuin nge siam che?

Pathianin.
2. Pathian chu eng nge ni?
Thlarau.
3. Pathian eng zât nge awm?
Pakhat chauh.
4. Pathian chu khawiah nge a awm?
Vânah.
5. Khawi dangah mah a awm lo em ni?
Awm e, hmun tinah a awm.

6. Pathianin engkim a hria em?

Aw, engkim a hria a, rilru pawh a hria.

7. Pathian chu a \ha em?

Aw, mi tin tân Pathian a \ha.

8. Lei leh vân hi tu ta nge?

Lei leh vân hi Pathian ta a ni.

9. Pathian duh zâwng eng nge ni?

Thil \ha tih.

10. Pathian huat zâwng eng nge ni?

Thil sual tih.
2

Bung 2

THIL SIAM CHUNGCHÂNG

1. Lei leh vân hi tuin nge siam?

Pathianin.

2. Engtin nge Pathianin lei leh vân a siam?

‘Awm rawh se,’ a ti a, a awm ta mai.

3. A thil siam chu Pathianin \ha a ti em?

Aw, a en a, \ha a ti êm êm.

4. Ni eng zât chhûngin nge Pathianin thil a siam?

Ni ruk chhûngin.

5. A ni khat niah eng nge a siam?

Êng.

6. A ni hnih nîah eng nge a siam?

Vân a siam.

7. A ni thum nîah eng nge a siam?

Khawvêl leh tuifinriat.

8. A ni li nîah eng nge a siam?

Ni te, thla te, arsi te.

9. A ni nga nîah eng nge a siam?

Sangha te, sava te.

10. A ni ruk nîah eng nge a siam?

Ran te, rannung te, ramsate leh mihring.
 3

Bung 3

MIHRING CHUNGCHÂNG

1. Pathianin mihring eng angin nge a siam?

Amah angin.

2. Mihring hi bung eng zât nge ni?

Bung thum.

3. Chûng chu engte nge ni?

Taksa, rilru leh thlarau.

4. Pathian thil siam ropui ber eng nge ni?

Mihring.

5. Mihring hmasa ber tu nge ni?

Adama.

6. Hmeichhe hmasa ber tu nge ni?

Evi.

7. Nupa hmasa ber tute nge?

Evi leh Adama.

8. Evi leh Adama chu a tîrin khawiah nge an awm?

Eden huanah.

9. Eden huanah chuan eng nge an tih?

Huan an enkawl.

10. Thil dang eng mah an ti lo em ni?

Ti e, Pathian nên an inkâwm \hîn.
4

Bung 4

MIHRING SUALNA CHUNGCHÂNG

1. Mihring hmasa berte chu Eden huanah an awm reng em?

Awm reng lo, Pathianin a hnawt chhuak.

2. Eng vângin nge a hnawh chhuah?

Pathian thupêk an bawhchhiat avângin.

3. Mihring chu Pathian ang a ni zêl em?

Ni zêl lo.

4. Eng vângin nge?

Thil an tihsual avângin.

5. Mihring dangten thil an tisual ve em?

Aw, mi zawng zawngin thil an tisual.

6. Mi \ha pakhat tal an awm em?

Awm lo, mi zawng zawng mi sual an ni.

7. Sual man eng nge ni?

Thihna.

8. Thihna eng nge ni?

Thlarau thihna.

9. Mi zawng zawng thih Pathianin \ha a ti em?

Ti lo.

10. Mihringte chu Pathianin a thlahthlam ta em ni?

Thlahthlam lo ve, a ngaihsak zui zêl.
 5

Bung 5

ISUA KRISTA CHUNGCHÂNG

1. Mahni kan inchhamdam thei em?

Thei lo.

2. Min chhandam thei an awm em?

Aw, Isua Krista.

3. Isua Krista tu nge ni?

Pathian Fapa.

4. Isua khawi khuaah nge a pian?

Bethlehem-ah

5. Isua khawi khuaah nge a sei len?

Nazareth-ah

6. Isuan khawiah nge rawng a bâwl?

Judai leh Galili ramah.

7. Isua khawiah nge a thih?

Kalvari tlângah.

8. Engtin nge a thih?

Kraws-ah an khêng bet.

9. Tute tân nge Isua a thih?

Kan tân a thi.

10. Isua a thi hlen em?

Thi hlen lo, a tho leh ta.
6

Bung 6

CHHANDAMNA CHUNGCHÂNG

1. Mihringin thlarau a nei em?

Aw, mi tinin thlarau an nei.

2. Thih hnuah thlarau kalna hmun eng zât nge awm?

Thlarau kalna hmun hnih a awm.

3. Chungte chu engte nge?

Vânram leh Hremhmun.

4. Vânramah tute nge kai ang?

Pathian thu âwihte.

5. Hremhmunah tute nge kal ang?

Pathian thu âwih lote.

6. Hremhmun chu eng nge ni?

Meidîl, Setana leh a hote awmna.

7. Vânram chu eng nge ni?

Pathian leh a mi thianghlimte awmna khawpui.

8. Vânram kai theihna eng nge ni?

Isua rin.

9. Engtin nge Isua kan rin ang?

A thu kan zâwm ang.

10. Isuan tute nge a chhandam?

Amah ringtute.
 7

Bung 7

KRISTIAN NAUPANGTE TIH TÛR

1. Kristian naupang tih tûr eng nge ni?

Pathian thu âwih.

2. Pathian thu âwih dân eng nge ni?

Nu leh pa thu âwih.

3. Mi dangte thu an âwih tûr a ni em?

Aw, zirtîrtute thu an âwih tûr a ni.

4. Pathian thu âwih tûrin naupangten eng nge an tih ang?

Pathian biak te, a thu zir te.

5. Naupangten engtin nge Pathian an biak ang?

|awng\ai leh inkhâwmin.

6. Khawiah nge naupangte an \awng\ai ang?

Mahni inah te, school-ah te leh Biak Inah te.

7. |awng\ai eng nge ni?

Pathian hnêna thu sawi.

8. Naupangten khawiah nge Pathian thu an zir ang?

Sunday School-ah.

9. Pathian thu zir dân dang a awm em?

Aw, Bible chhiar.

10. Naupangten Bible an zir ve tûr em ni?

Aw, Isua pawhin a zir \hîn.
8

Bung 8

NAUPANG CHI HNIH

1. Naupang chi eng zât nge awm?

Chi hnih.

2. Engte nge?
Naupang \ha leh naupang sual.

3. Naupang eng ang nge inkhâwm \hîn?

Naupang \ha.

4. Tute nge Sunday School kai \hîn?

Naupang \ha.

5. Tute nge nu leh pa thu âwih?

Naupang \ha.

6. Tute nge nu leh pa thu âwih lo?

Naupang sual.

7. Tute nge inkhâwm duh lo?

Naupang sual.

8. Tute nge vânramah kai ang?

Naupang \ha.

9. Tute nge hremhmunah kal ang?

Naupang sual.

10. Naupang eng ang nge kan nih ang?

Naupang \ha.
 9

PART II
PRIMARY PÂWL

Bung 1

PATHIAN CHUNGCHÂNG

1. Pathian pakhat aia tam a awm em?

Awm lo, Pathian chu pakhat chauh a ni.

2. Pathian chu eng nge a nih?

Pathian chu thlarau, mahnia awm a ni.

3. Pathianin awm \an nî a nei em?

Nei lo, Pathian chu chatuan mi a ni.

4. Pathianin rilru a nei em?

Nei e, a finzia hriat phâk a ni lo.

5. Engtin nge Pathian kan hriat?

Amah a inpuan avângin Pathian kan hria.

6. Engtin nge Pathian a inpuan?

Thil siamah leh mihring rilruah a inpuang.

7. Pathianin a bîka inpuanna a nei em?

Nei e, Isua Kristaah.

8. Pathian inpuanna thu khawiah nge kan hmuh?

Bible-ah Pathian inpuanna thu ziak a ni.

9. Pathian chu eng ang mi nge a nih?

Thianghlim, fel leh khawngaihna ngah tak a ni.

10. Pathian chu engtin nge kan koh vang?

‘Kan Pa,’ tiin zah takin kan ko vang.
10

Bung 2

THIL SIAM CHUNGCHÂNG

1. Lei leh vân hi tuin nge siam?

Pathianin lei leh vân a siam.

2. A siam zawhin Pathianin a kalsan ta em ni?

Kalsan lo ve, Pathian thlarauvin a awp reng.

3. Siam tirh laiin lei leh vân hi a fel sa vek em ni?

Fel sa lo ve, Pathianin a tifel a ni.

4. Kan hmuh theih bâk hi Pathian siam a awm em?

Awm e, lei leh vânah tam tak a awm.

5. Thil siamte hian eng nge a entîr?

Pathian ropuizia a entîr.

6. Thil dang entîr a nei em?

Nei e, Pathian \hatzia a entîr bawk.

7. Mihring siam hmain Pathianin eng nge a siam?

Lei leh vân leh a chhûnga thil awmte a siam.

8. Eng vângin nge Pathianin mihring a siam hnuhnûn?

An mamawh tinrêng lo siam hmasak a duh avângin.

9. Thil siam dangte hi engtin nge kan tih ang?

Duat takin kan enkawl tûr a ni.

10. Thil siam zîngah eng nge ropui ber?

Pathianin ama anpuia a siam mihring.
 11

Bung 3

MIHRING CHUNGCHÂNG

1. Eng atân nge Pathianin mihring a siam?

|hian atân leh amah tihlim tûrin a siam.

2. Engtin nge mihring chu a lo nun?

Pathianin a thâwk khum a, mi nung a lo ni.

3. Mipa leh hmeichhia a rualin a siam em ni?

Siam lo ve, mipa a siam hmasa.

4. Eng atân nge hmeichhia a siam?

Mipa \anpui tûr leh a kawppui atân.

5. Inneihna hi mihring ruat chawp em ni?

Ni lo ve, Pathian ruat a ni.

6. Pathianin inneihna a ruat chhan eng nge ni?

Fa hringa, Pathian duh zâwnga chhûngkua din tûrin.

7. Nupui leh pasal eng zât nge neih tûr?

Mipa tân pakhat, hmeichhe tân pakhat.

8. Mihring tih tûr Pathianin eng nge a ruat?

Amah biak leh a thil siamte enkawl.

9. Mihring hnênah Pathianin eng nge a phût?

Pathianin thu âwihna famkim a phût.

10. Mihringin Pathian thu a zâwm zêl em?

Zâwm zêl lo, mi zawng zawngin thil an tisual.
12

Bung 4

MIHRING SUALNA CHUNGCHÂNG

1. Engtikah nge khawvêlah sual a lo awm?

Mihring hmasa berte hunah.

2. Sual eng nge ni?

Pathian thupêk âwih loh.

3. Tuten nge thil tisual hmasa ber?

Mihring hmasa berten.

4. Khawi hmunah nge thil an tihsual?

Eden huanah thil an tisual.

5. Engtin nge thil an tihsual?

Pathian phal loh thil an ti.

6. Tu thuin nge an tihsual?

Anmahni thu ngeiin an tisual.

7. Eng vângin nge thil an tihsual?

Pathian an ringhlel a, amah tluka ropui an duh bawk.

8. Thil tisual lo pakhat tal an awm em?

Awm lo, pakhat mah an awm hauh lo.

9. Mihring sualna vângin engte nge lo awm?

Tuarna leh chatuana boralna.

10. Pathianin mihringte chu a haw ta em ni?

Haw lo ve; mahse, sual chu a haw êm êm.
 13

Bung 5

ISUA KRISTA CHUNGCHÂNG - I

1. Isua Krista hi tu nge ni?

Pa Pathian Fapa mal neih chhun a ni.

2. Isua Krista hi Pathian nge a nih mihring?

Pathian mihringa lo chang a ni.

3. Engtikah nge Isua Krista chu mihringah a lo chan?

A hun takah. Chu chu Kaisara Augusta lal laiin a ni.

4. Isua hming awmzia eng nge ni?

‘Chhandamtu’ tihna a ni.

5. ‘Krista’ tih hi eng tihna nge ni?

‘Hriak thih,’ ‘Pathian mi ruat,’ tihna a ni.

6. Isua hming dang engte nge?

Maka, Remruattua, Chatuan Pa, Remna Lal.

7. Isuan hming dang a la nei em?

Nei e, hming dang tam tak a nei.

8. Baptistu Johanan Isua a sawi dân eng nge ni?

‘Pathian Berâmno, khawvêl sual kalpuitu,’ a ti.

9. A zirtîrten Isua engtin nge an koh?

‘Zirtîrtu leh Lalpa,’ an ti.

10. Isuan a thih hmain engtin nge a insawi \hin?

‘Mihring Fapa,’ tiin a insawi \hîn.
14

Bung—6

ISUA KRISTA CHUNGCHÂNG - II

1. A naupan laiin Isua engtin nge a awm?

Nu leh pa thu zâwmin a awm.

2. Isuan a naupan laiin Pathian thu a zir \hîn em?

Aw, inah te, Sunagog-ah te, Temple-ah te a zir \hîn.

3. Rawng a bâwl hmain Isuan eng nge a tih?

A chhûngte \anpuiin hna a thawk \hîn.

4. Rawng a bâwl dâwnin Isuan eng nge a tih?

Johana hnênah baptisma a chang.

5. Baptisma a chan laiin a chungah eng nge lo thleng?

Pa Pathianin a Fapa duh tak a ni tih a puang.

6. Baptisma a chan zawhah eng nge a tawh?

Thlalêrah thlêmna a tâwk.

7. Thlêmtuin kawng eng zâtin nge Isua a thlêm?

Kawng thumin a thlêm.

8. Thlêmtuin Isua a thlêm thlu thei em?

Thei lo, Isuan a hneh.

9. Eng hmangin nge Isuan thlêmtu a hneh?

Pathian thu hmangin a hneh.

10. Isua hi kan entawn tûr a ni em?

Aw, kawng tinrêngah kan entawn tûr a ni.
 15

Bung 7

ISUA KRISTA LEH A THILTIH

1. Isua Krista lo kal chhan eng nge ni?

Mihringte chhandamna hna thawk tûrin a lo kal.

2. Isuan engtikah nge rawngbâwlna a \an?

Baptisma a chan zawhah.

3. Engtin nge rawng a bâwl?

A tîrah zirtîr sâwm leh pahnih a thlang.

4. A hnuah engte nge a tih?

Thuhrilin a zin vêl a, damlote a tidam.

5. Isuan thu hril leh zirtîr nân eng nge a hman?

Tehkhin thu mawl tê tê a hmang.

6. Eng vângin nge Isuan thil mak a tih \hin?

Mite a khawngaih vâng leh Pathian ropuizia tihlan nân.

7. Tuten nge Isua mantîr?

A hun laia Juda hotuten.

8. Tu thupêkin nge Isua an khenbeh?

Pontia Pilata thupêkin.

9. Isuan sual a nei ve em?

Nei ve lo, mi dik leh thianghlim a ni.

10. Tute sual mawh phurin nge Isua a thih?

Kan zaa sual mawh phurin a thi.
16

Bung 8

CHHANDAMNA LEH KRISTIAN NUN

1. Mihring hi amah maiin chhandam a ni thei ang em?

Ni thei lo vang, mi zawng zawng hi mi sual kan ni.

2. Chhandam nih theihna eng nge ni?

Isua Krista rin leh a thu âwih.

3. Engtin nge Isua kan rin ang?

A thu âwih leh a thu anga awmin.

4. Isua rin chu eng nge ni?

Isua thu âwih hi a ni.

5. Chhandamna chu engtikah nge kan chan ang?

Tûnah leh kan thih hnuah.

6. Isua ringtute chu eng nge an nih?

Pathian fate an ni.

7. Isua ringtute awm dan tûr eng nge ni?

Isua Krista duh zâwnga nun a ni.

8. Isua ringtute chu engah nge an awm ang?

Ringtu apiang kohhranah an awm tûr a ni.

9. Isua ringtute tih tûr langsâr eng nge ni?

Inkhâwm te, \awng\ai te, thawhlâwm thawh te.

10. Isua ringtute tih tûr dang engte nge?

Thu âwih te, taihmâk te, thil \ha apiang tih te.
 17

Bung 9

BIBLE-A MI CHI HRANG HRANGTE - I

1. Nupa hmasa ber fapate kha tute nge?

Kaina leh Abela.

2. Martar hmasa ber tu nge ni?

Abela.

3. Tu nge dam rei ber?

Mathusela.

4. Eng vângin nge Pathianin tui a lêttîr?

Mihringte sualna avângin.

5. Tuilêt laiin tute nge thi ve lo?

Nova leh a chhûngte.

6. Pathian hnam thlan bulpui tu nge ni?

Abrahama.

7. Israel hnam sâwm leh pahnihte pa tu nge ni?

Jakoba, a hming thar Israela.

8. Israel fate tuin nge bâwihah siam?

Aigupta lal Pharaoa.

9. Aigupta ram a\anga Israel-te hruai chhuaktu tu nge ni?

Mosia.

10. Kanaan rama Israel-te hruai lûttu tu nge ni?

Josua.
18

Bung 10

BIBLE-A MI CHI HRANG HRANGTE - II

1. Josua thih hnuah tuten nge Israel-te chungah rorêl?

Rorêltuten.

2. Rorêltute chu tu ruat nge?

An mamawh ang zêlin Pathianin a ruat.

3. Rorêltu hmasa ber tu nge ni?

Othniel-a

4. Rorêltu hnuhnûng ber tu nge ni?

Samuela.

5. Rorêltute hnuah tuten nge Israel-te enkawl?

Pathian ruat lalten.

6. Israel lal hmasa ber tu nge ni?

Kisa fapa lal Saula.

7. Juda leh Israel ram pum chunga lal hmasa ber kha tu nge ni?
Lal Davida.

8. Pathianin mite hnêna thu sawi tûrin tute nge a hman \hin?
Zâwlneite.

9. Baal puithiamte hnehtu zâwlnei huaisen tak kha tu nge ni?

Zâwlnei Elija.

10. Hmeichhe rinawm, Davida thlahtute zînga mi kha tu nge ni?

Moab mi Ruthi.
 19

Bung 11

THU SÂWM PÊK

1. Thupêk hmasa ber eng nge ni?

Keimah lo chu Pathian dang nei suh.

2. Thupêk pahnihna eng nge ni?

Milem be suh

3. Thupêk pathumna eng nge ni?

Lalpa i Pathian hming a narânin sawi suh.

4. Thupêk palina eng nge ni?

Chawlhni serh rawh.

5. Thupêk pangana eng nge ni?

I nu leh i pa chawimawi rawh.

6. Thupêk parukna eng nge ni?

Tual that suh.

7. Thupêk pasarihna eng nge ni?

Uire suh.

8. Thupêk pariatna eng nge ni?

Rûkru suh.

9. Thupêk pakuana eng nge ni?

I vêngte hêk suh.

10. Thupêk sâwmna eng nge ni?

I vêngte ta awt suh.
20

Bung 12

PATHIAN ROREL NI CHUNGCHÂNG

1. Rorel nî a awm dâwn em?

Awm dâwn e.

2. Eng tikah nge a lo awm ang?

He khawvêl tâwpah hian.

3. Rorêltu tu nge ni ang?

Isua Krista.

4. Tute nge a ngaihtuah ang?

Mi zawng zawng.

5. Keini min ngaihtuah dâwn em?

Aw, keini pawh min ngaihtuah dâwn.

6. Eng dânin nge min ngaihtuah ang?

Pathian thu dânin.

7. Mi zawng zawngin thiam an chang ang em?

Thiam chang leh thiam loh chang an awm ang.

8. Rorel nî chu a hlauhawm ang em?

Ring lote tân a hlauhawm hle ang.

9. Tuten nge thiam loh chang ang?

Isua ring lotuten.

10. Tuten nge thiam chang ang?

Isua ringa a duh zâwng tituten.
 21

PART III
JUNIOR PÂWL
Bung 1
PATHIAN CHUNGCHÂNG
1. Pathian chu eng nge ni?
Pathian chu thlarau a ni a, chatuan mi, danglam thei lo,
mi famkim a ni.
2. Pathian eng zât nge awm?
Pathian tak pakhat chauh a awm:
“Keimah lo chu Pathian dang nei suh.”
3. Pathianah chuan Mi nung eng zât nge awm?
Pathum, Pa leh Fapa leh Thlarau Thianghlim.
4. Pathiana Mi nung pathum awm chu engtin nge kan hriat?
Bible-ah kan hmu a, Pathian inpuan chhuah dân a ni.
5. Chu chu Pathian pathum tihna a ni lo vem ni?
Ni lo ve, Mi nung pathumte hi Pathian pakhat, nihna
leh ropuinaa intluk an ni.
6. He thurin hi Kristian zawng zawngin an pawm vek em?
Kristian kohhran lian zawng zawngin an pawm a, pawm
ve lo tlem tê an awm.
7. He thurin pawm hi a \hatna eng nge ni?
Bible sawi dân pawm hi kan tân a \ha a ni.
8. Pathiana Mi nung pathum chu a ruala awm an ni em?
Aw, Pa leh Fapa leh Thlarau Thianghlim chu chatuan
ata chatuan thlengin a ruala awm an ni.
9. Pathian mizia eng ang nge?
Pathian chu khawngaihnaa khat, sualte ngaidam \hîn a
ni; thîkthuchhia, dikna leh thianghlimna ngaina a ni bawk.
10. Pathian mize hriat hi eng nge a \angkaina?
Pathian duh zâwng leh a duh loh zâwng hriat hi a duh
zâwnga nun theih nân a \angkai a ni.
22

Bung 2
MIHRING LEH SUAL CHUNGCHÂNG

1. Pathianin eng angin nge mihring a siam?

Pathianin ama anpuiin mihring a siam a, mipaah leh
hmeichhiaah a siam.
2. Engahte nge mihringin Pathian a an?
Duhthlan theihnaah te, hriatnaah te, \hatnaah te,
thianghlimnaah te.
3. Engkimah mihring chu Pathian ang a ni em?
Ni lo ve, kawng tam takah Pathian aiin a nêp zâwk a ni.
4. Thil siam dangte neih loh mihringin eng nge a neih?
Mihring chuan thlarau a nei a, Pathian a pâwl thei a,
hmasawn tûrin a rilru a hmang thei.
5. Mihring awm chhan eng nge ni?
Pathian pâwl leh a duh zâwng tih te, thianghlim taka
chi thlah zêl te, mi dangte nêna inrem taka chênho leh
thil siam dangte enkawl.
6. Mihring chu a awm chhan angin a awm zêl em?
Awm zêl lo. Thlêmtu a lo kal a, a thlêm a. Pathian
ringhlelin thil sual a ti ta.
7. A tira mihring sualna chu eng nge ni?
Pathian rinhlelhna leh Pathian tluka awm duhna a ni.
8. A tihsual avângin mihringin eng nge a hloh?
Pathian anna te, Pathian a pâwlna te, a vânneihna
zawng zawng a hloh.
9. Mihring sualna avângin eng nge lo awm ta?
Tuarna te, indona leh inrem lohna te, sual avânga tuarna
zawng zawng hi a lo awm.
10. Sual thuah mihringin mi dang a mawhchhiat thei em?
Thei lo. Ama duh thu ngeia Pathian dân bawhchhiain,
thiam lohna leh chhiatnaah a tâl lût ta a ni.
 23

Bung 3

ISUA KRISTA CHUNGCHÂNG

1. Isua Krista leh Pa Pathian inzawmna eng nge ni?

Pa leh Fapa angin an inzawm. Isuan Pa Pathian chu,
“Ka Pa,” tiin a sawi \hîn.
2. Tisa dânin Isua chu tu thlah nge a nih?
Jakoba fapa sâwm leh pahnihte zînga mi Juda thlah a ni.
3. Isua Krista chu Pathian nge a nih mihring?
Isua Krista chu Pathian a ni a, mihring famkim a ni bawk.
4. Mi dangte laka Isua Krista danglamna eng nge ni?
Pathian Fapa mal neih chhun a nihna leh mihring famkim
a nihna chu tu ma neih ve loh a ni.
5. Isua Krista chanchina thil mak ropui ber eng nge ni?
Pathian meuh si, thil siam tlâwm tak mihringa a lo
channa hi a ni.
6. Isua Krista hming awmzia eng nge ni?
Chhandamtu leh Mi ruat tihna a ni. Pathian hriak thih
an ti bawk.
7. Hriak thih leh Mi ruat a nihna chu eng nge ni?
Khawvêl chhandamtu atân Pa Pathianin a lo ruat lâwk
tihna a ni.
8. A rawngbâwl dân atân Isuan eng kawng nge a thlan?
A pian a\anga a thih thlengin chhiahhlawh kawng a
thlang.
9. Mi dangte aia Isua Krista ropuina eng nge ni?
A sawi angin a nung a, kan zalên nân a tuar a, kan nun
theih nân a thi.
10. Isua inpêkna kan chhawr dan tûr engtin nge?
Amah ringin chhandam kan ni thei a, Amah entawnin
kan nung ve ang.
24

Bung 4

CHHANDAMNA CHUNGCHÂNG

1. Mihring suala tlu chu Pathianin a thlahthlam ta em ni?

Thlahthlam lo ve. A hnêna an awm leh theih nân kawng
hrang hrangin hna a thawk \hîn.

2. Pathianin mihring chhandam a duh tih kan hriat

hmasakna eng nge ni?
An bihrûkna hmunah a kal a, kawrfual a siamsak a,
Chhandamtu pêk a tiam nghal bawk.

3. Pathianin mihring chhandam nâna a thiltih chu eng

nge ni?
“Pathianin khawvêl a hmangaih êm êm a; chutichuan, a
Fapa mal neih chhun a pe a.”

4. Eden huan a\anga hnawh chhuah khân eng nge a entîr?

Mihring chu Pathian lak ata \henin a awm tih leh, a
dinhmun a chang pha ta lo tih a entîr.

5. Mihringin a dinhmun hloh hnu a chang leh thei em?

Thei e, Pathian khawngaihna avâng chauhvin a chang
leh thei.

6. Mihringin eng kawngahte nge chhandam a mamawh?

Thlarau lamah te, taksa lamah te, rilru lamah te leh
nungchang thuah te chhandam a mamawh.

7. Chhandamna hna chu tuin nge thawk?

Pathianin. Pathianin a Fapa Isua Krista hmangin mihring
chhandamna hna a thawk.
 25

8. Pathianin mi zawng zawng chhandam a duh em?

Aw, mi zawng zawng hi chhandama awmah leh thutak
hriaah a duh.

9. Chhandamna chang tûrin mihringin mawh a phur em?

Phur e. “Lalpa Isua ring la; tichuan, chhandamin i awm
ang.”

10. Chhandamna chu mihringin engtin nge a neih hlen

theih ang?
“Nimahsela, a tâwp thlenga tuar peih apiang, chu mi
ngei chu chhandamin a awm ang,” Lalpan a ti.
26

Bung 5

BIBLE CHUNGCHÂNG

1. Khawvêla lehkhabu ropui ber eng nge ni?

Pathian lehkhabu thianghlim, Bible hi a ni.

2. Bible-ah chuan hlâwm hrang eng zât nge awm?

Hlâwm hrang pahnih - Thuthlung Hlui leh
Thuthlung Thar a awm.

3. Bible-ah chuan lehkhabu eng zât nge awm?

Bu hrang sâwmruk leh paruk a awm. Thuthlung Hluiah
sawmthum leh pakua, Thuthlung Tharah sawmhnih leh
pasarih.

4. Lehkhabu dangte aia Bible ropui bîkna eng nge ni?

Bible hi Pathian inpuanna thu ziakna a ni.

5. Pathian inpuanna bu a ni tih engtin nge kan hriat?

Pathian thâwk khuma mi hrang hrang ziak a ni.

6. Thlarau thâwk khum chu eng tihna nge?

Ziaktu hrang hrangten Thlarau thuhmun kaihhruaiin an
ziak tihna a ni.

7. Thlarau thâwk khum a ni tih engtin nge kan hriat?

Ziaktu tam takin hmun hrang leh hun hrangah ziak mah
se, an tum a thuhmun vek avângin.

8. Bible a\angin eng thute nge kan hriat?

Thil siam thu te, mihring bawhchhiatna thu te leh
Pathian hmangaihna thu te.
 27

9. Bible thupui ber eng nge ni?

Mihring chhandam tûra Pathianin a beih nasatzia.

10. Engtikah nge Bible kan chhiar ang?

Zîngah te, chhûnah te, zânah te Bible kan chhiar \hîn
tûr a ni.
28

Bung 6

BIBLE CHUNGCHÂNG : THUTHLUNG HLUI

1. Thuthlung Hlui hi eng nge ni?

Isua Krista lo kal hmaa Pa Pathianin a mite hnêna a thu
sawi, Thuthlung hmasa chu a ni.

2. Thuthlung Hlui bu hi hlâwm hrang eng zâtah nge an \hen?

A tlângpuiin hlâwm thumah an \hen. Chûngte chu: dân
bu te, zâwlnei bute leh thuziak te a ni.

3. Dân buah eng thute nge kan hmuh ber?

Aigupta a\anga Kanaan ram pana Israel-te an kal laia
an chanchin leh an hnêna dân pêkte kan hmu.

4. Zâwlnei buah eng thute nge kan hmuh?

Pathianin a zâwlnei thianghlimte hmanga a mite hnêna
a thusawi - hrilh lâwkna te, a hnêna kîr leh tûra sâwmna
te leh vaukhânna te kan hmu.

5. Thuziak buah eng thute nge kan hmuh?

Hmânlaia Israel-ho chanchin te, thufing te leh fakna
hla ropui tak tak te kan hmu.

6. Thuthlung Hlui bute hi a tîrah tute lehkhabu nge a nih?

Thuthlung Hlui bute hi a tîrah chuan Juda-te Pathian
lehkhabu a ni.

7. Thuthlung Hlui buah eng thute nge kan hmuh?

Thil siam thu te, mihring sual thu te, Pathian hmangaihna
thu te, dân pêk thu te, chanchin ziakna te, zâwlnei thu
leh fakna hlate kan hmu.
 29

8. Thuthlung Hlui bu hi eng vângin nge Kristiante Bible-ah

an pawm?
Pathian Thlarau thâwk khuma ziak a ni a. Thuthlung
Thar thute nên a inpumkhat tlat avângin.

9. Thuthlung Hlui bua mi pawimawh zual tute nge?

Puithiam te, zâwlneite leh lalte.

10. Thuthlung Hlui bute hi tuten nge ziak?

A tîrah Mosian a ziak a, a hnuah dân thiam mi te,
lehkhaziaktu te, hla phuah thiam te, chanchin chhui
miten an ziak.
30

Bung 7

BIBLE CHUNGCHÂNG : THUTHLUNG THAR

1. Thuthlung Thar bute hi tuten nge ziak?

Isua Krista ringtu tirhkoh huaisenten Pathian Thlarau
hruaiin an ziak.

2. Thuthlung Thar bute hi hlâwm hrang eng zât nge?

A tlângpuiin hlâwm hrang paliah a \hen theih. Chûngte
chu: Chanchin |ha bu te, chanchin ziakna te,
lehkhathawn te leh inlarna bu te an ni.

3. Thuthlung Thar bu hmasa palite hi eng nge an vuah?

Lal Isua rawngbâwlna chanchin ziakna bîk a nih avângin
Chanchin |ha bute an ti.

4. Thuthlung Thar bua bu ngana hi eng nge ni?

Tirhkohte Thiltih a ni a. Kohhran lo indin dân leh
tirhkohte rawngbâwlna chanchin ziakna bu a ni.

5. Tirhkohte Thiltih bu dawtah eng bute nge awm?

Tirhkoh Paula lehkhathawn te. Hêng hi a vaiin lehkhabu
hrang sâwm leh pathum a ni.

6. Paula lehkhathawn dawtah eng bute nge awm?

Mi hrang hrang lehkhathawn a awm a. A vaiin lehkhabu
hrang pariat a ni.

7. Thuthlung Thar bu tâwp berah eng bu nge awm?

Thupuan bu. Inlârna bu a ni a, hun kal tawh leh lo la
thleng tûr leh fuihna thu ziakna bu a ni.
 31

8. Thuthlung Thar bu zirtîr ber eng nge ni?

Isua chanchin leh a chhandamna thu te, chhandamna
changtute awm dan tûr te leh hun hnuhnûng thute a ni
ber.

9. Thuthlung Thar thute hian Thuthlung Hlui thute hi a

hnâwl ta em ni?
Hnâwl lo ve. Thuthlung Thar thute hian Thuthlung Hlui
thute chu a tifiah a, a tifamkim a ni.

10. Engtin nge Pathian aw kan hriat ang?

Bible hi Pathianin thu a sawina a ni. Ni tinin Bible chhiar
la, Pathian aw i hre \hîn ang.
32

Bung 8

BIBLE HRIATNA - I

1. Bible-ah Pathianin mihringte a hremna langsâr hmasa

engte nge?
Tuilêt leh \awng tihhransak.

2. Eng vângin nge Pathianin tui a lêttîr?

Mihring sualna a nasa ta êm êm a, mi sualte tihboral
nân Pathianin tui a lêttîr a ni.

3. Eng vângin nge tuilêtah Nova leh a chhûngte an boral ve

loh?
Nova leh a chhûngte chuan Pathian an rina a thupêk an
awih avângin.

4. Nova rualin thil siam dang engte nge him ve?

Thil nung dang tinreng; a nu leh a pa kawp khat zêl, chi
thlah tûrin Novân lawngah a dah ve a ni.

5. Eng vângin nge Pathianin mihringte \awng a tihhransak?

Mihringte an chapo va, an hming tihthan nân Babel in
sâng an sa a. Chapona hi Pathian huat zâwng a ni.

6. Hmânlaiin Pathian ngaihsak an awm em?

Awm e. Abela te, Enoka te, Nova te, Abrahama te chu
Pathian \hiante an ni.

7. Eng vângin nge Pathianin Aigupta ram a\anga Israel-te

a hruai chhuah?
A chi thlan Abrahama thlahte an ni a, an tuarna avângin
a khawngaih a, a ram tiama hruai luh a duh avângin.
 33

8. Eng vângin nge ram tiam kawngah kum sawmli lai an

thang?
Israel mipuiten Pathian an tilâwm lo va, Pathianin hrem
pahin a zirtîr a ni.

9. Ram tiam chu awlsam takin an luah ta em ni?

Luah lo ve, indona tam tak an bei a, an hneh chin apiang
an luah ta a ni.

10. Israel-te chanchin hriat hi kan tân eng nge a sâwtna?

Pathian duh zâwng leh duh loh zâwng hriat nân te, a
duh zâwnga kan nun theih nân te a \angkai.
34

Bung 9

BIBLE HRIATNA - II

1. Israel-te hnênah Pathianin khawi ram nge pêk a tiam?

Kanaan ram, Palestina ram an ti bawk a. Khawizu leh
hnutetui luanna ram an ti bawk \hîn.

2. Israel mipuite chu tu rorêlna hnuaiah nge an awm?

Pathian rorêlna hnuaiah rorêltute leh lalte hmangin
Pathianin ro a rêlsak \hîn.

3. Rorêltute zînga mi chak hmingthang kha tu nge ni?

Mano-a fapa Samsona, Nazarit mi ni tûra a pain a dîl
chhuah chu.

4. Samsona tlûk chhiat chhan eng nge ni?

Pathian tak be lo Philistia hnam nula a ngaizâwng a, a
chakna thurûk a hrilh avângin.

5. Eng vângin nge Israel lal hmasa ber Saula lalna chu
Pathianin a tihtâwpsak?
Pathian thupêk zâwm lova, indonaa râllâk thilte
inthawina atâna a hawn avângin.

6. Davidan mi lian Goliatha a hneh theih chhan eng

nge ni?
Goliatha chapo vâng leh Davidan Pathian a rin avângin:
“Sipaihote Lalpa, i chova hmingin ka bei dâwn che.”

7. Lal ropui Solomonan eng nge a tihsual?

Rim takin mipui a chhawr a, milem bia nupui tam tak a
nei bawk.
 35

8. Juda leh Israel-te kha sawrkâr pakhatah an awm

reng em?
Awm reng lo. Solomona fapa Rehoboama lal laiin
sawrkâr hrangah an in\hen ta.

9. Juda lal ram leh Israel lal ramte chu an ding zêl em?
Ding zêl lo. Israel lal ram chu Assuria sawrkârin a tichhia
a, Juda lal ram chu Babulon sawrkârin a tichhia.

10. Eng vângin nge Israel leh Juda lal ramte chu a lo tlûk
chhiat?
Lal leh mipui tam ber an dik lo va, zâwlneiten awm dân
tûr an hrilh chu an âwih loh avângin.
36

Bung 10

BIBLE HRIATNA - III

1. Juda leh Israel lal ram tlûk chhiat hnu khân engtin nge
an awm?
Babulon ramah kum tam tak sala an awm hnuin
Pathianin a chhuahtîr leh ta.

2. Saltâng kîr leh hruaitu pawimawh tute nge?

Jerubabelan a hruai hâwng a, Nehemia leh Ezra-ten
khawpui leh khawtlâng siam \hat hna an thawk.

3. Zâwlnei zîngah tute nge Isua chanchin sawi lâwk?

Chiang taka sawitute chu Mika leh Isaia an ni. Mikan a
pianna hmun tûr a sawi a, Isaian a pian dân tûr leh a
thih dân tûr a sawi.

4. Isua kawng lo buatsaih lâwktu kha tu nge ni?

Zakaria leh Elizabeth-i fapa Johana, Baptistu an tih
kha.

5. Johanan Isua a baptis khân eng nge lo thleng?

A lu chungah Thlarau Thianghlim \huro angin a fu a. Pa
Pathianin A Fapa duh tak a ni tih a rawn puang.

6. Lal Isuan thupêk ropui ber a tih chu eng nge ni?
“Lalpa i Pathian chu i thinlung zawng zawngin, i thlarau
zawng zawngin, i rilru zawng zawngin, i chakna zawng
zawngin i hmangaih tûr a ni,” tih hi.
 37

7. Lal Isua an khen beh kha a tho leh tih engtin nge kan
hriat?
A zirtîrte leh mi dang tam tak hnênah a inlâr a. Amah
ringtu kohhran ropui tak a lo ding ta bawk a.

8. Vâna a lâwn dâwnin Isuan eng thu nge a sawi?

Lei leh vâna thuneitu a nih thu a sawi a. Khawvêl puma
a thu puang darh tûrin amah ringtute thu a pe.

9. Kohhran din tirhin kohhran rorêl hna tuten nge thawk?

A tîrin Tirhkohten an thawk a, a hnuah mipui zînga mi
hming\ha Kohhran Upa pasarihten an thawk.

10. Upate chuan kohhran rorêlna chauh em ni an thawh?

Ni lo ve. Tirhkohte nên ro an rêl ho va, thuhril pawh an
ti ho a ni.
38

Bung 11

SUNDAY SCHOOL CHUNGCHÂNG

1. Eng atân nge Sunday School kan neih?

Kohhran mite leh a duh apiangten Pathian thu kan zir
theih nân Sunday School kan nei.

2. Sunday School chuan thiltum a nei em?

Nei e. Thiltum pawimawh tak tak paruk a nei.

3. Sunday School thiltumte chu engte nge?

A hmasa palite chu hengte hi a ni: Pathian hriatna leh
rinna dik tak nei tûra kaihhruai leh \anpui te, Pathian
thu (Bible) zirtîr te, Kristian thurin zirtîr te, Pathian
biak zirtîr te hi.

4. A dang pahnihte chu engte nge ni?

Kohhran mi \ha tak leh khua leh tui \ha tak ni tûra
buatsaih leh, Kristian tih tûr leh awm dan tûr zirtîr te
hi a ni.

5. Hêng thiltumte hi pawimawh bîk a awm em?

Awm lo ve. A vai hian an pawimawh vek a, tihhlawhtlin
vek tûr a ni.

6. Sunday School pakhatah eng pâwlte nge awm tûr?

Beginner pâwl te, Primary pâwl te, Junior pâwl te,
Intermediate pâwl te, Sacrament pâwl te, Senior pâwlte
leh Puitling pâwlte.
 39

7. Sunday School pâwl tina kai tûr engtin nge an \hen?

Kum upat dân indawtin an \hen. Kum 4 chin chu Sunday
School kai tûra ngaih an ni.

8. Sunday School \hat nân kohhranin engte nge a tih?

Kai \ha lâwmman pêk te, exam buatsaih leh lâwmman
pêk te, chawimawina chi hrang hrang pêk te.

9. Sunday School pakhat hotu engte nge?

Superintendent te, zirtîrtu te, ziaktute leh
committee hotute.

10. Naupang \ha nih theih dân eng nge ni?

Sunday School kai fo leh rinawm taka Pathian thu zir
hi a ni.
40

Bung 12

KRISTIAN NUN

1. Kristian tih hi eng tihna nge?

Kristian chu Krista zuitu tihna a ni a, amah ringa a duh
zâwnga titute hi Kristian an ni.

2. Kristian chu amahin a awm mai tûr em ni?

Ni lo ve. Isua ringtute awm khâwmna kohhranah a tel
ngei ngei tûr a ni.

3. Kohhran chu eng nge ni?

Kohhran chu Krista taksa leh Krista mo a ni a. Pathian
be tûr leh Chanchin |ha hril tûra pâwl thianghlim a ni.

4. Kristianin kohhrana a tih tûr eng nge ni?

Inkhâwm te, \awng\ai te, Pathian hla sak te, kohhran
hna \ul thawh te, thawhlâwm thawh te hi a ni.

5. Eng vângin nge kohhranho an inkhâwm \hin?

Pathian be tûr te, mite dîlsak tûr te, Pathian thu ngaithla
tûr te, intichak tawn tûr tein kohhranho an inkhâwm
\hîn.

6. Mahni chhûngkuaa Kristian awm dân tûr engtin nge?

Chhûngkuaa Pathian biak te, inhmangaih tawn te,
inkawmngeih te, tih tûr \ul apiang tih te hi a ni.

7. Mahni \hiante hnêna Kristian awm dan tûr eng nge ni?
Induhsak te, in\anpui te, sual laka invên te, Biak Ina
kal tûra insâwm \hin te hi a ni.
 41

8. Mahni \henawmte chunga Kristian awm dan tûr eng

nge ni?
Inkawmngeih te, mamawh inpêk tawn te, lâwmna
inlâwmpui leh mangan laia in\anpui te hi a ni.

9. Mahni khuaa Kristian awm dân tûr eng nge ni?

Mi dang tibuaitu nih loh te, pawi khawih loh te, mahni
khaw \hat nâna thil \ha tih te hi a ni.

10. Zirna hmuna Kristian awm dân tûr eng nge ni?
Sikul kai taihmâk te, zir taihmâk te, hotute zah leh
\hiante tihbuai loh te, sikul tihming\ha tûra beih te hi
a ni.
42

PART IV
INTERMEDIATE & SACRAMENT PÂWL

Bung 1

PATHIAN CHUNGCHÂNG

1. Pathian chu eng nge ni?

Pathian chu thlarau a ni. Engkim siamtu leh mi zawng
zawng Pa, chhûngkaw tinrêng hming chawi chhan a ni.

2. Pathian rilru kan hre thei em?

Kan hre vek thei lo va. Mahse, Isua Krista nun a\ang
te, Bible a\angte leh thil siam a\angtein tam tak kan
hre thei.

3. Mihringte awm dân tûra Pathian duh zâwng eng nge ni?
A Fapa Isua Krista ringa a duh zâwng ti tûrin a duh a,
mi zawng zawng hi inrem tak leh thlamuang taka awm
ho dial dial tûrin a duh.

4. Mihringte leh thil siam dang aia Pathian danglamna eng

nge ni?
Pathian chu engkim ti thei, engkim hria, hmun tina awm,
chatuan mi, thianghlim famkim a ni.

5. Pathian ze ropui langsâr zual engte nge?

Pathian chu ‘hmangaihnaa khat’ a ni a; Pathian fel,
thianghlim, thîkthuchhia a ni bawk.
 43

6. Pathian chu eng kawngin nge hmangaihnaa khat a nih?

Siamtu leh enkawltu a nihnaah te, mi zawng zawng
\hatna duhsaktu a nihnaah te leh, mi zawng zawng
chhandam a duhnaah te.

7. Pathian chu eng kawngah nge Pathian fel a nih?

Amah a thianghlim anga thianghlimna a duhnaah te, sual
rêng rêng a ngaihtheih lohnaah te leh sual sim a
ngaihdamnaah te.

8. Pathian kan biak dan tûr eng nge ni?

Kan nuam tih zâwng ni lovin, a zahawmzia hre rengin
kan be tûr a ni. ‘Pathian chu thlarau a ni a, a chibai
bûktuten thlarau leh tih tak zetin chibai an bûk tûr
a ni.’
44

Bung 2

CHHANDAM NGAI MIHRING

1. Siam tirh laiin mihringin chhandam a mamawh em?

Mamawh lo ve. Pathian anpuia siam a ni a, a thianghlim
a, hlim tak leh thlamuang takin Pathian hnênah a awm
\hîn.

2. Eng vângin nge mihring chu chhandam a lo \ûl tâk?

Ama duh thu ngeia thil a tihsual tâk avângin Pathian
hnênah a awm thei ta lo va. Pathian hnêna a awm leh
theih nân chhandam a mamawh ta a ni.

3. Thil sual a tih hnua mihring rilru awm dân eng ang nge?
A rilru chuan sual lam a hawi ta a. Mahni hmasialna te,
chapona te, pawi khawih châkna te a lo nei ta.

4. Mihringin thil a tihsual hnua khawvêl awm dân eng ang

nge?
Unau an inthat a, hnam hrang inkârah indona a lo awm
a, inpâwngnêkna leh inhnehchhiahna a lo awm a;
khawvêl hi a lo hrehawm zo ta a ni.

5. Chhandamtu awm lo se mihring chan tûr eng nge ni?

Mihringin a dam chhûngin lungawina a hmu thei lo vang
a, rilru hahchawlhna a hmu lo vang a, a thlarau chu
chatuan hremhmunah a kal bawk ang.
 45

6. Chhandamtu awm lo se khawvêl awm dân tûr eng ang

nge ni ang?
Inpâwngnêknain a khat ang a, a huai huai an lal ang a,
mi narân tân humhimna a awm lo vang a, khawvêl hi
chênna tlâk a ni lo vang.

7. Thil sual a tih hnuin mihring rilruah \ha lam duhna a bo

vek em ni?
Bo vek lo ve. Mihring rilru chhûngrilah \ha lam duhna a
awm reng a; mahse, sual lam a langsâr zâwk a, thil \ha
a ti hlei thei lo a ni.

8. Sual a tih hnuin mihringin Pathian a theihnghilh \hak

em ni?
Theihnghilh \hak lo ve. A ngaihtuah dân te, a nun dân
te chu \ha a ti lo va. Mahse, \ha a tih angin a nung
thei lo va. A rilruin Pathian a ngai êm êm a ni.
46

Bung 3
CHHANDAMNA CHUNGCHÂNG

1. Suala tlu tawh mihring mamawh ber eng nge ni?

Suala tlu tawh mihring mamawh ber chu a tlûksan
Pathian hnêna awm leh theihna a ni a. Chu chu sual
laka chhandamna a ni.
2. Sual laka chhandamna chu eng nge ni?
Pathian nêna inrem lehna a ni a. Ngaihtuah dân leh
nungchangte chhandamin a awm a. Thih hnuah thlarau
chhandamin a awm bawk ang.
3. Chhandamna changtuah thil danglam engte nge lo awm?
A thinlung hah tak kha a lo châwl a, a thla a muang a, a
ngaihtuah dân a lo \ha a, Isua a lo hmangaih a,
nungchang mawi tak a lo nei \hîn.
4. Pathian nêna inrem lehna chu eng nge ni?
Pathian chu Pa tak taka neih theihna a ni a. Chumi
azârah mihringpuite nêna inrem theihna a lo awm \hîn.
5. Chhandamna chu chhâwng eng zâtin nge an sawi \hin?
Chhâwng thumin: ‘Chhandam tawh, chhandam mêk,
chhandam tûr,’ tiin an sawi \hîn.
6. ‘Chhandam tawh,’ tih chu eng tihna nge?
Isua Krista hnathawh zawh diam tawh hriatna leh rinna
avânga chhandamna chan hi a ni.
7. ‘Chhandam mek,’ tih chu eng tihna nge ni?
Sual leh a thiltihtheihna laka ni tina chhandamna chan
zêl hi a ni a. Rilru leh nungchang lama ni tina
tihthianghlim zêlna hi a ni.
8. ‘Chhandam tûr,’ tih hi eng tihna nge?
Chhandamna chang tawh leh chang mêktuten hun
hnuhnûnga chhandamna famkim an la chan tûr chu
a ni.
 47

Bung 4

ISUA KRISTA CHUNGCHÂNG - I

1. Isua Krista chu Pathian Fapa a ni tih hi eng nge a

awmzia?
Pa Pathian nêna an inzawmna sawi fiah dân awm chhun
a ni a. Isua chu Pa Pathian nên pumkhat an nihzia sawina
a ni.

2. Isua Krista Pathian Fapa tih hi mite sawi dân mai

em ni?
Ni lo ve. Pa Pathianin a mite hnêna a puan chhuah a ni
a. Amah ngei pawhin, “Ka Pa ina ka awm tûr in hre lo
em ni?” a tih kha.

3. Isua leh Pa Pathian inpumkhatzia Johanan engtin nge a

sawi?
“A tîrin Thu a awm. Thu chu Pathian hnênah a awm.
Thu chu Pathian a ni. Thu chu tisaah a lo chang a, Pa Fa
mal neih ropui angin a ropuizia kan hmu,” tiin.

4. Isuan sual chungchâng engtin nge a sawi?

Mi zawng zawng hi mi sual, chhandam ngai a ti a. Mite
chu an sual sim tûrin a sâwm \hîn.

5. Isuan zâwlnei sawi lâwk tu nge nia a inhriat?

Pathian mi ruat, Chhandamtu lo kal tûra chu niin a inhria
a. Mite tuarsaka chhandamtu, tuartu chhiahhlawh niin
a inhria.
48

6. Isuan eng nên nge a intehkhin?

Grep kûngpui te, khawvêl êntu te, chhang nung te,
Berâmpu \ha te hmangin a intehkhin \hîn.

7. Isuan a lo kal chhan engtin nge a sawi?

Mihringten chatuan nunna an neih theih nân: “Kei zawng
nun an neih nân, tam taka an neih nân lo kal ka ni,” a ti.

8. Isuan a thih hmain a mite hnênah eng nge a tiam?

Thlarau Thianghlim, amah hriat chiantîrtu tûr tirh a
tiam a. Khawvêl tâwp thlenga a mite hnêna awm zêl a
tiam bawk.
 49

Bung 5

ISUA KRISTA CHUNGCHÂNG - II

1. Isua Krista chu khawvêlah a lo kal ngei tih engtin nge

kan hriat?
Rom lalber Kaisara Augusta lal laiin Bethlehem-ah a lo
piang a. Tiberius-a Rom lalber a nih lai, Palestina rama
Pilata Bawrhsâp a nih laiin a thi tih chiang taka
chhinchhiah a ni.

2. Isua Krista rawngbâwlnain engte nge a huam?

Isua Krista rawngbâwlna chuan zâwlnei hna te,
puithiam hna te, Lal hna leh chhiahhlawh hnate a huam.

3. Zâwlnei dangte aia Isua ropuina eng nge ni?

Isua chu Pathian Fapa a ni. “Pathian, hmasânga
thlahtute hnêna bung tam tak leh kawng tinrênga thu lo
sawitu khân, hêng ni tâwpah hian keimahni hnênah a
Fapaah chuan thu a sawi ta” (Heb 1:1).

4. Puithiam dangte aia Isua ropuina eng nge ni?

Puithiam dangte inthawina chuan sual a la bo thei lo va.
Isua Krista amah vawi khat a inhlanna chuan sual a
tireh thei.

5. Isuan zâwlnei leh puithiam dangte aia a ropui zâwkzia

engtin nge a tihlan?
Mi dangte chuan thu an sawiin, “Lalpan a ti,” an ti a.
Ani chuan, “Kei erawh chuan,” tiin thu a pe a, thutâwp
neitu a nihzia a tilang \hîn.
50

6. A rawngbâwlna chu Lal Isuan amah chauhvin a

thawk em?
Thawk lo ve; zirtîr sâwm leh pahnih a thlang a, a
buatsaih hnuah a tîr chhuak a. Mi dang sawmsarih a tîr
chhuak bawk.

7. Eng atân nge Lal Isuan zirtîr sâwm leh pahnih a thlan?
A hnêna an awm theih nân te, thu hril tûr leh ramhuaite
hnawh chhuah theihna thu nei tûra a tirh chhuah theih
nân te a thlang.

8. Sakhaw dang hmuchhuaktute aia Isua ropuina eng

nge ni?
Sakhaw dang hmuchhuaktute chu an thi a, an tho leh
lo. Isua erawh chu tlâwm takin a thi a, ropui taka
kaihthawh a ni a. Isua zirtîrna chuan mi dang zirtîrna a
khûm vek a ni.
 51

Bung 6

KOHHRAN CHUNGCHÂNG

1. Kohhran hi tu din nge?

Isua Krista. “He lungpui chungah hian ka kohhranho
ka rem chho vang a, mitthi khaw kulh kawngkhârte
chuan chu chu an ngam lo vang” (Mt 16:18).

2. Kohhran chu tute awmna tûra din nge?

Kristian zawng zawng awmna tûra din a ni a; kohhrana
tel lovin Kristian dik leh \ha a nih theih loh.

3. Kohhran chu eng tik laia lo ding nge?

Isua Krista thawh leh hnu, Pentikos nîah. Chumi ni
chuan Thlarau Thianghlim a lo thleng a, kohhran a lo
ding ta.

4. Kohhran chu khawi hmunah nge a lo din hmasak ber?

Jerusalem-ah. Isua an tihhlumna khua ngeia kohhran
lo ding hmasa chuan Isuan hnehna a chang tih a
nemnghet a ni.

5. Kohhran din chhan eng nge ni?

Krista hnathawh chhunzawm tûrin kohhran a ding. Chu
chu ringtu enkawl te, mihring tihhmasâwn te, \anpui
ngai \anpui te, ringlote hnêna thuhril te a ni.

6. Eng vângin nge kohhran tam tak a awm?

Ram hranga awm vâng te, ngaih dân inan loh vâng te,
Bible pawm dân thuhmun loh vâng te, hruaitu nih duh
vângtein kohhran tam tak a awm.
52

7. Engtin nge kohhran dik kan hriat theih ang?

Kohhran dik chuan Isua Krista rin avânga chhandamna
a sawi uar a, mipui leh ram pum \hatna a ngaihtuah a,
ringlote zînga Chanchin |ha hril a ngai pawimawh.

8. Kohhran dik lo zia eng nge ni?

Kohhran dang sawichhiat te, mahni chauh dik intih te,
chhandam nâna Isua rin aia tih dân sawi pawimawh te,
mi dang thawhpui theih loh te hi kohhran dik lo zia a ni.
 53

Bung 7

INDIA RAM PRESBYTERIAN KOHHRAN

1. Kan awmna kohhran hi eng nge a hming?

‘India Ram Presbyterian Kohhran’ a ni.

2. Kan awmna kohhran hi tu kohhran nge?

Pa Pathianin a Fapa Isua Krista thisen hlua a lei, Isua
Kristaa innghat, Pathian kohhran a ni.

3. Chu kohhran chu tute din nge a nih?

A bul \antute chu Sâp ram mi, Welsh Missionary-te an
ni a. Pathianin Welsh Kohhran hmanga a rawn din a ni.

4. Kan kohhran hian hotu leh rawngbâwltu nghet engte nge

a neih?
Pastor-te leh Kohhran Upate. Pastor-te chu mahni inpe,
inkhâwmpuiin a ruata a nemnghehte an ni a. Kohhran
Upate chu mipuite thlan, inkhâwmpuiin a nemnghehte
an ni.

5. Kan kohhran rawngbâwlna pawimawh engte nge?

Thuhril te, \antu hna te, zirtîr hna te, zai hruai te,
thawhlâwm khawn te, thawhlâwm thawh te, Biak In
enkawl te hi a pawimawh êm êm a ni.

6. Kan kohhranah hian mi mal, hotu bîk an awm em?

Awm lo. Inkhâwmpui leh committee hmangin hotuten
ro an rêl \hîn a. Inkhâwmpui leh committee chuan
hruaitu tûr a ruat \hîn.
54

7. Kan kohhran rorêlnate chu engte nge?

Rorêlna chhâwng nga a awm; chûngte chu- Tualchhûng
Committee te, Bial Inkhâwmpui te, Presbytery te,
Synod te leh General Assembly te hi a ni.

8. Chûng bâkah chuan committee leh inkhâwmpui dangte a

awm em?
Awm e. |halaite leh hmeichhiate pawh an inkhâwmpui
\hîn a, a dangte pawh a la awm. Chûng zawng zawng
chu kohhran rorêlna a ni lo va, kohhran chakna atâna
siam a ni.
 55

Bung 8

THURIN CHUNGCHÂNG

1. Kristian thurin eng nge ni?

Pathian chungchâng te, mihring leh sual chungchâng te,
chhandamna chungchâng te, kohhran leh Sakramen
chungchâng te, hun hnuhnûng chungchâng tea Pathian
thu pawm dân tlângpui hi a ni.

2. Kohhran pâwl hrang thurin thuhmun a awm em?

Awm e, tam tak a thuhmun. “Lalpa pakhat, rinna hmun
khat, baptisma hmun khat, engkim Pathian leh Pa
pakhat chauh a awm.”

3. ‘Kohhran’ tih hi eng tihna nge ni?

‘Lalpa koh chhuah mipuite’ tihna a ni a. ‘Mipui, Lalpa
tate’ tihna a ni bawk. Isua Krista ringtu, khawvêl mi
nihna kalsana inhlâwm khâwmte hi Lalpa koh chhuah
kohhran thianghlim an ni.

4. Kan Kohhranin thurin thlan chhuah eng zât nge a neih?

Sâwm a nei. Bible chungchâng te; Pathian leh Pathiana
Mi nung pathum chungchâng te, mihring leh sual
chungchâng te, chhandamna chungchâng te, Krista leh
Thlarau Thianghlim chungchâng te, sakramen leh
ringtute tih tûr te, hun hnuhnûng chungchâng te.

5. Kan Kohhranin Bible engtin nge a pawm?

Pathian thu-ah a pawm. “Thuthlung Hlui leh Thuthlung
Thar bute hi Pathian thu a ni a, hei chauh hi rinna leh
thiltih tehna dik lo thei lo a ni” (Thurin 1-na).
56

6. Kan kohhranin engtin nge Thlarau Thianghlim a pawm?

Thlarau Thianghlim chu Pa leh Fapa ata lo chhuak, mite
hnêna Krista an mamawhzia hriattîrtu, chhandamna
changtua siama, felna rah thawh chhuahsaktu a ni.

7. Kan kohhranin Sakramen-ah engte nge a pawm?

Lalpa din chhuah pahnih - Baptisma leh Lalpa Zanriah
te hi Sakramen-ah a pawm.

8. Kan kohhranin hun hnuhnûng engtin nge a beisei?

Ni hnuhnûngah chuan, Kristan mi zawng zawng ro a
rêlsak ang a. Krista ringa a thu zâwmtute chu thiam
chantîr an ni ang.
 57

Bung 9

BIBLE HRIATNA

1. Bible tih hi eng tihna nge?

A tîrah chuan lehkhabu tihna mai a ni a. Juda-te leh
Kristiante Pathian thu ziakna bu a nih avângin Pathian
Lehkhabu tihna a lo ni ta.

2. Bible-ah mihring chungchâng thu engte nge kan hmuh?

Pathian anpuia siam a nih thu te, Pathian duh loh zâwng
a lo tih tâk thu te, mihring sualna nasatzia leh Pathian
a mamawhzia te kan hmu.

3. Bible-ah Pathian chungchâng thu engte nge kan hmuh?

Pathianin engkim a siam thu leh a thil siam \ha a tihzia
te, mihring a ngainatzia leh chhandam a duhzia te, hun
tâwpa ro a rêl tûr thute kan hmu.

4. Tu hnênah nge Pathianin serh tan thuthlung a pêk?

Abrahama hnênah. Pathian hnam thlan a ni tih
chhinchhiah nân, a thlahte zawng zawngin an tih zui zêl
tûrin thu a pe.

5. Eng vângin nge Pathianin Mosia hnênah dân sâwm a

pêk?
Israel mite a khawngaih avângin. A mite an ni a, a duh
zâwng an hriata, a duh zâwng an tih theih nân Pathianin
Dân sâwm a pe.
58

6. Eng hunah nge khawvêlah Isua a lo kal?

A hun takah. “Nimahsela, a hun bi a lo kim khân, fa
nihna kan hmuh theih nân dân hnuaia awmte chu tlan
tûrin Pathianin a Fapa, hmeichhe hrin, dân hnuaia lo
piangin a tîr chhuak ta a.”

7. Isuan a rawngbâwl dân engtin nge a sawi?

“Mihring Fapa meuh pawh rawngbâwlsaka awm tûrin
a lo kal lo va, rawngbâwl tûr leh mi tam tak tlan nâna
a nun pe zawk tûrin a lo kal a ni si a,” tiin.

8. Eng kawngah nge Isua kan entawn ang?

‘He rilru, Krista Isua pawha awm bawk kha,
nangmahniah awm rawh se; ani zawngin Pathian anga
awma Pathian tluka awm chu thil thlâkhlelh hleih
theihah a ruat lo va, mihringte anga lo piangin bâwih
angah a insiam a, amah leh amah a intitlâwm ta zâwk
a’ (Phil 2:5,6).
 59

Bung 10

|AWNG|AI CHUNGCHÂNG

1. |awng\ai awmzia eng nge ni?

|awng\ai chu mihringin Pathian a pâwlna a ni. Bible
thu te, sermon leh Sakramen hmangin Pathianin
mihringte hnênah thu a sawi a. Mihringin \awng\aiin
Pathian hnênah thu a sawi.

2. Tute nge \awng\ai \hîn?

Pathian mite an \awng\ai \hîn. Hmânlai a\angin tûnlai
thlengin Pathian mi ropuite leh amah ringtu apiangte
an \awng\ai \hîn.

3. Isua a \awng\ai \hîn em?

|awng\ai \hîn e. Zîngah te, chhûnah te, zânah te hmun
fianrialah \awng\ai tûrin a kal \hîn. “A Pa hnêna dîl
tûrin tlângah a lâwn fo \hîn.”

4. Eng vângin nge kan \awng\ai ang?

Kan Lalpa pawh a \awng\ai a, tirhkohte pawh an
\awng\ai a, Bible thianghlim chuan Kristiante chu
\awng\ai fo tûrin min hrilh.

5. Engtin nge kan \awng\ai ang?

A riin emaw, rilruin emaw kan \awng\ai thei a. Thil dang
eng mah ngaihtuah tel lovin, thinlung tak zetin, sawi
hnu sawi nawn mai mai lovin kan \awng\ai tûr a ni.
60

6. Kan \awng\aiin eng nge kan sawi ang?

Lâwm thu sawina te, sual thuphachawina te, kohhran
leh mi dang tâna dîlna te, mahni tâna dîlna te kan thlen
ang.

7. Eng hunah leh khawi hmunah nge kan \awng\ai ang?

Inkhâwm lai leh hun remchâng apiangah kan \awng\ai
thei a. Biak Inah te, mahni inah te, kalkawngah leh
hnathawhnaah te, fianrialah te kan \awng\ai tûr a ni.

8. |awng\ai dân \ha eng nge ni?

Tum fel tak neia ngaihven chung zêlin kan \awng\ai tûr
a ni. “|awng\ai fan fan ula, chumiah chuan lâwm thu
hril chungin ngaihven rawh u.”
 61

Bung—11

KRISTIANTE AWM DÂN TÛR

1. Kristian mahni chhûngkuaa a awm dân tûr eng ang nge?

Nu leh pa leh ûte thu âwih te, mahni naute enkawl te,
tih tûr \ûl apiang tih te, chhûngte tibuaitu nih loh te hi
a ni.

2. Zirna hmuna Kristian awm dân tûr engtin nge?

A hun dik taka zirna hmun thlen te, hotute thu âwih te,
zir taihmâk te, thu ngaihthlâk peih te, hotuten tih tûr
an ruat tih zêl te hi a ni.

3. |hiante zînga Kristian awm dân tûr engtin nge?

|hiante tân \hian \ha, fel leh \angkai nih tûr a ni. |hiante
tibuaitu leh hruai sualtu nih aiin, \hiante \anpuitu leh
kawng dika hruaitu nih tûr a ni.

4. Mi zînga Kristian awm dan tûr engtin nge?

Hawihhâwm taka awm tûr a ni a. A \ûl ang zêla mi
\angkai nih te, aia upa zah thiam te, Kristian ze \ha
tihlan te tum hrâm hrâm tûr a ni.

5. Hnathawhna hmuna Kristian awm dân tûr engtin nge?

Kristian chu a taima tûr a ni a. Mahni hna chanpual a
hun taka thawh zawh te, dik tak leh rinawm taka thawh
te hi Kristian awm dân tûr a ni.

6. Lungngaihna hmuna Kristian awm dân tûr engtin nge?

Mi dangte tuarna leh lungngaihna hmuna tuarpuitute
leh thlamuantu nih tûr a ni a. Mahni tuarna leh
lungngaihna hmunah Pathian awmpuina beisei fo tûr
a ni.
62

7. Lâwmna hmuna Kristian awm dân tûr engtin nge?

Mi dangte chungchângah lawmpuina tihlan tûr a ni a,
mahni chungchângah a mawi tâwka awm tum tûr a ni.
Ngeiawm leh uchuak taka lâwmna lantîr a \ha lo.

8. Biak Inah Kristian engtin nge a awm ang?

Pathian biakna thiltih rêng rêng – \awng\ai te,
thawhlâwm thawh te, hla sak te, thu ngaihthlâk te,
Bible chhiar leh thu sawite zahawm taka tih tûr a ni.
 63

Bung 12

KRISTIAN PUITLINNA

1. Kristian zawng zawng \han lenna tûr eng nge ni?

Kristian zawng zawng \han lenna tûr chu puitlinna
lamah a ni a, Kristian puitlinna chu kawng hrang hrangah
a lo lang chhuak \hîn.

2. Puitlinna atân Kristianin tu nge a entawn ang?

Krista a entawn tûr a ni. “Mi zirtu ni rawh u; kei pawh
Krista zirtu ka ni ang bawk hian,” Paulan a ti.

3. Kristian puitling tehna pawimawh engte nge?

Mi, kohhrana a rinawm dânah te, hnathawhna hmuna a
awm dânah te, mi dangte chunga a rilru put dân leh a
chêt dânah te Kristian puitling a hriat theih.

4. Kristian rilru put dân tûr eng nge ni?

Mahni dinhmun duh tâwk mai lovin hmasâwn zêl a tum
tûr a ni. “Hmu tawh reng inti ka ni lo va, famkim tawh
reng inti ka ni hek lo; ‘Krista mi man chhan chu ka man
thei dah law maw,’ tiin tiam chin lam chu ka pan \âlh
\âlh a ni.”

5. Kristian puitling thil thlîr dân tûr eng nge ni?

Thil rêng rêng a chhiatna lam aiin a \hatna lam hmuh tum
fo te, harsatna lam aia a tih theih dân zawn fo te hi.

6. Kristian puitling nun dân tûr eng nge ni?

Mi dangte tibuaitu nih aia \anpuitu nih te, rilru nghet
taka awm te, thil dawngtu nih aia petu nih te, awmna
hmun apianga Krista awm dân tihlan te hi a ni.
64

7. Kristian puitling chuan kohhranah awmna bîk a nei tûr

a ni em?
Ni e. Kristian puitling chu kohhrana awmin kohhranah
mi rinawm a ni tûr a ni. Kohhrana tel lovin Kristian
puitling a nih theih loh.

8. Kristian puitling, kohhrana a awm dân tûr engtin nge?

Kohhranah mi rinawm leh \angkai a ni tûr a ni. Inkhâwm
te, \awng\ai te, thawhlâwm thawh te a taima tûr a ni a;
a tih tûra ruat apiang ti thei mi a ni tûr a ni.

...
 65

PART V
|AWNG|AINA CHI HRANGTE

1. LALPA |AWNG|AINA
Kan Pa, vâna mi,
I hming zahawm rawh se,
I ram lo thleng rawh se,
I duh zâwng vâna an tih angin, leia mi’n ti rawh se.
Ni tin kan ei khawpin chaw min pe ang che.
Kan chunga thil tisualtute kan ngaidam angin,
Nang pawhin kan thil tihsual ngaidam ang che.
Sual tûra thlêmnaah min hruai lût suh ang che;
Mi sual lakah chuan min chhandam zâwk ang che.
Ram te, thiltihtheihna te, ropui te,
Chatuana i ta a ni si a. Amen.

2. ZING LAM |AWNG|AINA

(1) Aw Lalpa, kan Pathian, mi khawngaih mi ngilnei i ni.
Nizânah leh ni tin kan \hatna tûrin i ti \hîn.
Kan sual zawng zawng Isua Krista vângin min
ngaidam ang che.
Vawiinah nangmah ngai tûr leh i rawngbâwl tûrin
min pui ang che.
I mit hmuhah engkim kan tih leh kan sawi lâwm thu
chang rawh se.
Tin, kan thih hnuah vânah i hnênah min awmtîr ang
che. Isua Krista avângin. Amen.
66

(2) Ka Chhandamtu nilêngin,

Ka kiangah awm reng langin,
Sual lakah min hum fo rawh;
Thutak sawi min zirtîr rawh;
Thinlung thianghlim min pe la,
Thihna \ihbai thlen hunah,
Isu, kei mi la ang che;
I hming ka fak fo vang e. Amen.

3. CHAW MALSÂWM |AWNG|AINA

(1) Aw Lalpa, chaw leh thil tinrêng,
Min pêkte hi malsâwm ang che;
Ka thlarau I nunna chhangin,
Châwm la - Isua Krista hmingin. Amen.
(2) Aw Lalpa, chaw leh thil tinrêng,
Min pêk avângin kan lâwm e;
I rawngbâwl tûrin min pui la,
Isua Krista hming avângin. Amen.

4. TLAI LAM |AWNG|AINA

(1) Zâninah min vêng la,
Lalpa kan thil hlauh ata,
Vântirhkohten min vêng rawh se,
Khua a vâr leh hma chuan. Amen.
(2) Aw Lalpa, zân thim chhûngin,
Êng vâr tak rawn tîr langin;
I khawngaihna hlu hriaa,
Lei chhûnga hahdamna,
Angel mi vêntîr ang che;
Hlauhawmte tibo rawh se;
Ka thih hunah mi hruai langin;
I hming ka fak fo vang. Amen.
 67

5. MALSÂWMNA
(1) Kan Lalpa Isua Krista \hatna leh thutak, kan Pa vâna mi
khawngaihna ropui leh Thlarau Thianghlim thlamuanna in
zaa chungah awm rawh se. Amen.

(2) Pa leh Fapa leh Thlarau Thianghlim, Pathian Engkimtitheia

malsâwmna leh thlamuanna chu tûnah leh kumkhuain in zaa
chungah lo awm rawh se. Amen.

6. LALPA ZANRIAH KILTUTE |AWNG|AINA

(1) Khawngaihnaa khat kan Pathian, i dawhkân kîl tûr hian

keimahni \hatna leh felna rinchhanin kan lo kal lo va, i
khawngaihna leh zahngaihna avâng chauhvin kan rawn
hnaih ngam che a ni. I dawhkân kîlpui tlâk kan ni lo va,
chhuata chawmal tla pawh chhar ngam tûr kan ni lo.

Mahse, i khawngaihna ropui tak avânga i dawhkân kîlpui

tûra min sâwm avângin kan rawn hnaih ngam chauh che a
ni. Lal Isua taksa kan tâna pêk leh a thisen - sual ngaihdam
nâna chhuak chu, kan taksa leh kan rilru tlen fai nân mal
min sâwmsak ang che. Amahah chuan tûnah leh chatuana
kan chên reng theih nân Thlarau Thianghlimin min awmpui
ang che. Amen.

(2) Lalpa, kan Pathian, Nangmah pâwl tûra i dawhkân kan rawn
hnaih hian, kan chunga i \hatna leh kan tâna thil min tihsak
zawng zawng avângin lâwm thu kan hrilh a che. Min
chhandam tûra i Fapa Isua Krista min pêk hi kan lâwmna
ber a ni. Keinin pâwl che kan châk ai hian nangin min
pâwl i châk zâwk a. Inpâwlna thianghlim, Lalpa Zanriah
68

min pêk avângin kan lâwm e. Mi sual kan nih avângin i

ngaihdamna kan ngai a. Kan chak loh avângin i \anpuina
kan ngai a ni. Chhang leh uain hi kan nunna chaw a nih
angin nang chu kan thlarau nunna chaw i ni tih min hriat
chiantîr ang che. Nangmahah chuan chatuana kan awm reng
theih nân leh, nangmaha nunna awm chu kan nunah a awm
theih nân i Thlarau Thianghlimin min awmpui ang che. Kan
Lal Isua hmingin kan dîl e. Amen.

.....