Band 1女校生爆喊控訴DSE 應試血淚全紀錄流出 心悸失眠作嘔大崩潰｜Juicy叮
發佈時間：06:54 2024-07-10
香港中學文憑試（DSE）下周三（17日）放榜，一段名為「真‧DSE血淚史」實拍片流出，片中，一名Band 1中學女生，自拍逾一年備戰及應考DSE的情況。
如實記錄她因此出現心悸、失眠、作嘔、頭痛、持續低燒，甚至手部抽筋，最後更爆喊崩潰的苦況。
該女生就讀九龍一間天主教傳統女校，她由2022年3月起自拍Vlog，為準備及應考DSE作全紀錄，她早前將Vlog在個人影音帳戶公開，引來大批網民關注，有網民形容是「數一數二最真實嘅紀錄片」，足本內容如下：
Band 1女校生「DSE血淚全紀錄」 爆喊大控訴 最後成績是...↓↓↓↓
女生開始時，即表示「近排一唸起DSE，就抖唔到氣，好唔舒服，好驚」，「好驚自己到時，都係好似依家咁一嚿飯，好驚入唔到大學......」她隨即哽咽起來：「都要繼續㗎啦......繼續溫書啦。」
她說，在這高中生涯，一直處於「一個唔舒服嘅狀態」，去到中五、中六時「越嚟越勁」，開始每一日都處於低燒（37.2度至37.4度），「長期都勁頭暈身㷫。」她在溫習及應考期間，因壓力，身體出現不少異常狀況，例如頭痛、失眠、手抽筋，甚至去試場時，要貼止痛貼。
考得差又如何！藝人名人公開試成績大檢閱 估你唔到「考成咁」：↓↓↓↓
該女生在全記錄細緻記錄了，自己面對DSE的各種變化及感受，她捱至應考最後一科，終於崩潰爆喊作出大控訴：「點解要用成績定義一齊！」「我哋唔係抗壓性低......DSE唔係我哋願意承受嘅壓力！」
「點解為DSE呢樣嘢而喊，其實DSE只係人生中一個好細好細好細嘅關卡，但係......香港嘅教育制度，係令到每一個香港嘅學生都覺得，成績定義你嘅一切，但係其實根本就冇呢件事。」「我唔適合讀書，我唔鍾意讀書，讀書唔係我叻嘅嘢，點解要攞成績讀書去定義一個人。」
「好似龜兔賽跑，你係龜你跑得輸嗰隻兔仔，正常啊......你咪去第二個賽道囉，我喺海島游水，我一定快過隻兔仔。」該女生在去年（2023年）完成DSE考試，她最後去向如何？DSE成績如何？她在Vlog及回應網民提問時，均有一一回覆。
網民：睇到喊幾次...
該段Vlog至今已有逾11萬人次瀏覽，網民紛紛留言為該女生打氣，有網民說：「係我睇過數一數二最真實嘅紀錄片，你講得好啱呀...呢條片真係出得好好，辛苦晒。」「睇呢條片都唔知喊咗幾多次。」「你很棒！能撐過真的很不容易，辛苦了！」
「『在香港讀書，DSE的成績定義你的一切』講得好啱，成日因成績唔理想，而感到焦慮，考DSE期間部分，我都睇到喊，多謝你嘅分享。」
網民又為女生送上祝福，並呼籲考生以平常心面對DSE：「真係辛苦了，祝你之後嘅生活，繼續開心熱血！」「Dse後才是人生的開始。」「DSE只係人生一個好少嘅部份，唔好比一個公開試定義自己，加油啦！！」
DSE放榜輔導熱線：
學友社學生輔導中心：2503 3399
香港青年協會：2777 1112
香港聖公會福利協會：8203 9070（電話及WhatsApp）（學生線）／8203 9071（電話及WhatsApp）（家長線）
大坑青年中心「同您心」HKDSE放榜輔導熱線：2881 1511（學生線）(5條線)／2895 1346（家長線）（5條線）／6703 4401（WhatsApp）
珍惜生命︱情緒輔導熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk
