亨利拆局│練馬師王吼姚本輝
更新時間：02:00 2024-07-06
發佈時間：02:00 2024-07-06
發佈時間：02:00 2024-07-06
字體大小
近兩期輪流揀呂健威和伍鵬志作重心，二人都有搏殺動靜，卻博來博去頂多跑P，若投注WP當然無問題，練馬師王連場只攞四或六分，咁就弊傢伙了！我不懷疑兩者鬥志，只是經常被人睇住嚟砌，所以今次索性轉一轉對象。
環顧其他練馬師，羅富全無論出馬數目或馬匹質量都對辦，不過佢今季只曾一次封王，數據太疲弱，而且該次是跑谷草。再揀的話，我認為姚本輝相對可取，佢出馬五匹唔算多，卻勝在七、八場各有實力馬，希望另外三駒生性幫手攞分，冷門有得諗。
第五場「皇仁歡星」前仗出自強組，上仗三疊轉彎，質新馬連番考驗會進步。第七場「陽光勇士」近仗與「手機錶霸」互有勝負，兩次都能彈離季軍馬，伸算具備三班頂水準，現評73分應有上升空間。
第八場「大勢至富」上仗造靚段速放返，亞軍「博愛先鋒」再出入Q，本身贏馬水準有說服力，昔日曾經打疊贏馬，勇況應不會一鋪玩完，若果跑道利放更可秤高一線。
目標：姚本輝
賠率：17
全日惡馬 第八場：大勢至富
練馬師王最佳投注時機：第五場前
最Hit
