連詩雅懷孕10個月將誕B 疑因焦慮致失眠兼發噩夢相信一習俗可帶來好運

即時娛樂

更新時間：14:15 2024-07-11
發佈時間：14:15 2024-07-11

連詩雅（Shiga）與老公陳家樂結婚一年多，早前連詩雅宣布懷有小公主Camila，預產期在本月18日。連詩雅近日在社交平台稱，近日經常被BB踢，因為緊張及擔心肚中BB健康，睡眠質素欠佳，經常輾轉反側且發噩夢。

連詩雅懷孕後近況：

連詩雅憂慮BB健康

36歲的連詩雅進入孕期最後階段，她近日發文指最近瞓得越嚟越差，半夜不停去洗手間，又不停發夢。她指自己的夢境千奇百怪：「好搞笑，我有啲夢係同工作有關，哈哈！可能因為入行以嚟一直focus工作上面，冇試過有一個咁長嘅時間專注喺另一個範疇上，所以有啲唔習慣，好掛住工作啲嘢！」她又指，腹中小公主Camila經常踢媽媽，「我好緊張BB健康，同埋驚自己睡姿會整到BB唔舒服，晚晚輾轉反側，瞓瞓吓feel到BB踢先會安心返！呢次係我人生一個好難忘嘅過程，我學習緊好好感受！」

連詩雅表示十分感恩，因為身邊有很多「媽媽級」的朋友不斷向她灌輸新手媽媽知識，「同埋陪我整理，執嘢、買嘢！仲要好環保咁畀咗啲BB穿過嘅衫畀我，聽講咁樣會帶嚟好運！」