1971

1971 is 'n jaer.

Gebeurtenisse

• Greenpeace wor opericht, nog onder de naem Don't Make A Wave Committee.
• 1 jannewari - De Benelux Merk'nwet tree in werkieng.
• 12 jannewari - Den Amerikaonse tillevisieserie All in the Family, ok wè den eêste soapserie enoemd, verschien op de Nederlanse TV.
• 24 jannewari - De Noor Dag Fornæss wor in Heernveen Europees kampioen schèsen.
• 25 jannewari - Generaol-majoor Idi Amin Dada versli Milton Obote in een militaire coup in Oehanda.
• 4 feberwari - De hriffermeerde HBO vereênihieng Ultrajectum verhaodernde te Utrecht wor opericht.
• 27 feberwari - Den eêste abortuskliniek van Nederland, 't Mildred'uus in Arnem, start mie 't uutvoern van aborti.
• 7 maerte - De Nederlansen ieshockeyploeg eindig as zezzen bie 't Wereldkampioenschap Ieshockey voe C-lan'n in Eindhoven.
• 15 maerte - Reheêrnd wereldkampioen wielrenn'n Jean-Pierre Monseré veronheluk tiedens een wielerwedstried in Retie.
• 28 maerte - Frans Verbeeck win de zezzen editie van Nederlans eênihe wielerklassieker, de Amstel Gold Race.
• april - François Duvalier, bienaem Pappa Doc, president-dictaotor van Haïti, wor nae zen doôd opevolgd deur zen zeune Jean-Claude Duvalier, bienaem Bébé Doc. Beien voern een schrikbewind.
• 3 april - 't Sovjet-Russische team win in Zwitserland voe de nehende opeênvolhende keêr 't Wereldkampioenschap Ieshockey voe A-lan'n.
• 21 meie - 't Attractiepark Flevohof wor eöpend deur prinses Beatrix.
• 31 meie - Der onsti een nieuw land: Bangladesh. Oôrspronkelijk beoôrn 't toet Pakistan.
• 13 juni - Gijs van Lennep win as eêste Nederlander de 24 uur van Le Mans.
• 1 juli - De Utrechse hemeênten Jutphaes en Vreeswiek worn saemenevoegd tot de nieuwe hemeênte Nieuwegein.
• 10 juli - De Nederlanse schriever Godfried Bomans arriveer op 't onbeweunde eiland Rottumerplaot voe een verbluuf van een weke. Dit doe 't een op uutnoôdihieng van Willem Ruus, die a een radioprohramma mik mie dirin de daehelijkse bezigeden van Bomans. 't Verbluuf beval 't een slecht.
• 17 juli - Godfried Bomans wor op Rottumerplaot ofelost deur Jan Wolkers, ok een schriever. In tehenstellieng tot aorn beval 't verbluuf Jan Wolkers wè hoed.
• 18 juli - De Belhischen wielrenner Eddy Merckx win de Ronde van Frankriek.
• 19 juli - 't Oôgste punt van de South Tower van 't World Trade Center in New York City is bereikt.
• 26 juli - De Vereênigde Staeten lanceern Apollo 15 ni de maene. Voe 't eêst hi 't er een maenwaehen mee.
• 30 juli - Openiengscirremonie van de zesde Pan-Amerikaonse Speeln, ehouwen in Cali.
• 1 auhustus - The concert for Bangladesh.
• 15 auhustus - De koppelienge van den Amerikaonse dollar an 't houd wor opeheven.
• 28 september - Bie een brand in 't Eindovense hotel 't Silveren Seepaerd komm'n elf mensen om.
• 4 november - In 't 'Uus van Bewaerienge in Hroniengen breek een oproer uut. Vier bewaokers worn egijzeld en vernieliengen worn anericht. Hevangenen eisen een vrieheleide. Vier uur nae de actie heven de hevangenen der eihen over.
• 15 november - De Hariengvlietdam wor offisjeel in hebruuk enoom'n. Deze sluut a sins 1970 't Hariengvliet of.
• 3 december - Den Indiaes-Pakistaonsen Oôrlog vang an.

Gebore

• 17 meie - Máxima der Nederlan'n, koniengin

Gesturve

• 3 juli - Jim Morrison, Amerikaens zanger van de hroep The Doors, wor in Paries doôd anetroffen in zen badkuup.
• 22 december - Godfried Bomans, schriever en journalist