雨遮革命
![]() 10月1號金鐘集會情況 | |||||||||||||
| |||||||||||||
衝突方 | |||||||||||||
群眾自發佔據,無統一大會 相關團體:
|
![]()
| ||||||||||||
人數 | |||||||||||||
26/9:5000人 27/9:8萬人[4] |
警方「日峰行動」:7000警力 [7][8] |
![](http://upload.wikimedia.org/wikipedia/commons/thumb/1/18/%E6%B8%AF%E4%BA%BA%E8%81%B2%E6%8F%B4%E4%BD%94%E4%B8%AD%E6%8A%97%E6%8B%92%E8%AD%A6%E6%96%B9%E5%B0%81%E9%8E%96_%2818%29.jpg/220px-%E6%B8%AF%E4%BA%BA%E8%81%B2%E6%8F%B4%E4%BD%94%E4%B8%AD%E6%8A%97%E6%8B%92%E8%AD%A6%E6%96%B9%E5%B0%81%E9%8E%96_%2818%29.jpg)
![](http://upload.wikimedia.org/wikipedia/commons/thumb/6/6e/Lion_Rocks_Umbrella_Revolution_Banner_20141024.jpg/220px-Lion_Rocks_Umbrella_Revolution_Banner_20141024.jpg)
![](http://upload.wikimedia.org/wikipedia/commons/thumb/d/d0/Yellow_ribbon.svg/120px-Yellow_ribbon.svg.png)
雨遮革命(粵拼:jyu5 ze1 gaak3 ming6;英文:Umbrella Revolution),亦叫遮打革命、雨傘革命,或者叫雨遮運動、雨傘運動(英文:Umbrella Movement),係香港2014年一場公民抗命運動,由9月26號開始,市民陸續自發佔據金鐘、旺角、銅鑼灣等等嘅主要商業區靜坐同示威,高峰期有超過廿萬人參加,最主要目標係要求中國全國人民代表大會常務委員會收返佢對2017年香港行政長官選舉嘅框架限制,佔領活動一直去到12月15號先至完,總共79日。
名
[編輯]呢場活動畀世界各地主要傳媒廣泛報道,皆因佢哋留意到集會參加人士用雨遮擋住警方胡椒噴霧,所以就將佢形容做「雨遮革命」(英文:Umbrella Revolution)。亦有人翻譯做「遮打革命」,啱啱好呼應中環遮打道,同時「遮」就係代表雨遮,而「打」就係代表用香港政府做打擊目標。
亦有好多人用返「佔領中環」呢個名,雖然呢場運動已經發展到同佔領中環搞手戴耀廷嘅原定計劃好唔同,亦唔係由「佔中三子」領導。
經過
[編輯]2014年8月31號,中國全國人大常委會宣佈香港政改框架,為特首提名加入好多限制,戴耀廷就決定會啟動佔領中環。
另一方面,9月22號開始,學聯帶頭搞罷課,一大班學生亦響添馬艦政府總部出面集會。26號晚,百幾個學生突破防線入咗政總東翼前地(「公民廣場」),到27號警方一度清場,重拉咗幾個核心人物,搞到越嚟越多人走去政府總部聲援。28號凌晨1點幾,戴耀廷見既然有好多人集會,就索性宣佈佔領中環行動正式開始。有佔中支持者贊成提早佔中,但亦有參加集會嘅學生覺得畀人騎劫咗。
活動有過萬人參加,逼滿晒政府總部附近嘅車路,到挨晚警方開始施放胡椒噴霧同催淚彈[9]。嗰晚開始,活動蔓延到中環東面、銅鑼灣,同對面海嘅旺角,30號晚更加蔓延到尖沙嘴。
10月2號接近半夜,行政長官梁振英話會派政務司司長林鄭月娥安排同學聯代表傾政改。但3號當日,一大班反佔中人士到旺角、尖沙嘴、銅鑼灣嘅集會地方搗亂同傷人,當中旺角引起嘅衝突最大,好多人傷咗,而尖沙嘴更因為集會人士太少而完全失守,挨晚廣東道恢復正常通車。多數集會人士都認為警方無好好保護佢哋和平集會,默許搗亂,學聯更宣佈暫時擱置同林鄭月娥嘅會面以示抗議。
到10月6號,學聯重新同政府討論會面安排,一度落實10號下晝第一次正式會面,但到9號挨晚就輪到林鄭月娥宣佈暫時擱置對話,原因係學聯下晝宣布新一輪不合作運動,而學聯就呼籲市民擴大佔領規模抗議。
到咗10月11號,香港學聯同埋學民思潮向中共總書記兼國家主席習近平發公開信,提出要解決香港三大問題,又批評特首梁振英破壞「中國夢」[10]。
10月13號朝早,警方用收返政府公物做理由,清除金鐘西面嘅路障,集會人士無乜點反抗,昃臣道同部份遮打道路段都通返車。14號警方再用同一理由清理成條金鐘道同埋怡和街西行線,好多條巴士線行返。當晚有示威者一度成功佔領龍和道,但後尾都畀警方喺15號凌晨大舉增援重奪返。另外,嗰時畀警方拉嘅其中一位示威者公民黨成員曾健超,涉嫌從高處向差佬倒不明液體,畀七個差佬拉埋一邊拳打腳踢,無綫電視新聞影到成個過程而斷正。因為無綫新聞播條片時一度畀公司高層剪走晒話班差人拳打腳踢嘅旁白,引起輿論關注,甚至連新聞部自己友都唔妥呢種做法,有幾十個職工聯署表達唔滿意公司高層做法。
10月17號清晨,警方大規模動員清除旺角嘅路障,集會人士無乜點反抗下,旺角大部分路段都通返車。嗰晚警方移後防線。警務處前助理處長黃敦義相信警方考慮人太多,唔適合驅散,為咗避免傷亡,唯有俾佢哋喺彌敦道聚集[11]。
11月25、26號,警方再次到旺角清場。特首梁振英跟住呼籲市民到旺角消費支持商舖,佔領民眾就諗到用「鳩嗚」名義逗留喺旺角嘅行人路週圍行,變相繼續佔領。
12月11號,壹傳媒阿頭黎智英同埋大部分泛民主派立法會議員喺金鐘佔領區靜坐抗議,冇幾耐被捕。12月15號朝早九點半,警方花咗大約三個半鐘頭,清理成個銅鑼灣佔領區。
影響
[編輯]雨遮革命期間
[編輯]- 好多巴士、小巴線停駛或者改道。大部分停駛路線喺10月13到15號期間開返,有啲依然要改道。
- 中西區、灣仔區所有學校一度停課,到10月6號到9號分批復課。
- 佔領區內嘅銀行同其他商舖暫停開舖。
- 原定中華人民共和國國慶晚上嘅放煙花取消。
後續影響
[編輯]2014年雨遮革命期間引發嘅警民衝突一路冇解決到,後來政府嘅處理方法仲令到警察同示威者之間嘅矛盾越嚟越嚴重,成為咗2016年魚蛋革命同2019年香港修例風波嘅導火線。
睇埋
[編輯]參考
[編輯]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- ↑ Occupy Central: A Hong Kong Protest Evolved From Planned Sit-In To Leaderless Umbrella Movement
- ↑ Hong Kong’s “Umbrella movement” has become a war of attrition
- ↑ The Umbrella Movement Belongs to Everyone Who Calls Hong Kong Home
- ↑ 香港專上學生聯會 (28-9-2014). 〈【守住大台 等候學子】〉.
{{cite web}}
: Check date values in:|date=
(help) - ↑ 〈【和平佔中】黃之鋒指20萬人佔領交通樞紐創造奇蹟〉. 《蘋果日報》. 2014年10月2日. 原著喺2015年2月18日歸檔. 喺2015年8月30日搵到.(繁體中文)
- ↑ 〈中大民調:120萬港人曾參與佔領運動;過半數市民認為政府應作具體讓步〉. 《破折號》. 2014年12月19日. 原著喺2020年5月23日歸檔. 喺2015年8月30日搵到.(繁體中文)
- ↑ 〈香港觀察:反佔中與佔中的較量〉. 《BBC中文網》. 2014年12月19日.(繁體中文)
- ↑ 〈「反佔中」簽名人數達120萬〉. 《星島日報》. 2014年8月11日. 原著喺2015年2月5號歸檔. 喺2015年8月30號搵到.(繁體中文)
- ↑ BBC News - Hong Kong: Tear gas and clashes at democracy protest
- ↑ 〈香港學聯及學民思潮向習近平發公開信〉. 《[[BBC]]中文網》. 2014年10月11日.
- ↑ 〈前警官指警方大型部署或有錯誤 相信會有檢討〉. 《[[香港電台]]新聞》. 2014年10月18日.
{{cite news}}
: CS1 maint: url-status (link)