ക്യാന്സറിനുള്ള സാധ്യതയ്ക്ക് ഒരു പ്രധാന കാരണം ജീവിതശൈലിയാണ്. പ്രത്യേകിച്ച് ഭക്ഷണക്രമം. എന്നാല് നമ്മള് കഴിക്കുന്നത് കൂടാതെ, എപ്പോളാണ് നമ്മള് കഴിക്കുന്നത് എന്നതും ഒരു ഘടകമാണ്. ഇതിനെക്കുറിച്ച് കൂടുതല് പഠനം നടത്തേണ്ടതുണ്ടെന്നാണ് വിദഗ്ധര് പറയുന്നത്.
Also Read: Heart attack and heart diseases: ഈ അഞ്ച് ജീവിതശൈലി മാറ്റങ്ങള് നിങ്ങളുടെ ഹൃദയം സുരക്ഷിതമാക്കും
ഭക്ഷണം കഴിക്കുന്ന സമയവും ക്യാന്സറിന് കാരണമാകാം
![ഭക്ഷണം കഴിക്കുന്ന സമയവും ക്യാന്സറിന് കാരണമാകാം ഭക്ഷണം കഴിക്കുന്ന സമയവും ക്യാന്സറിന് കാരണമാകാം](https://static.langimg.com/thumb/94307150/samayam-malayalam-94307150.jpg?imgsize=74628&width=680&resizemode=3)
ബാഴ്സലോണ ഇന്സ്റ്റിറ്റ്യൂട്ട് ഫോര് ഗ്ലോബല് ഹെല്ത്തിലെ ഗവേഷകര് നടത്തിയ പഠനമനുസരിച്ച്, ഭക്ഷണം കഴിക്കുന്ന സമയത്തിനനുസരിച്ച് ആര്ക്കൊക്കെ ക്യാന്സര് വരാനുള്ള സാധ്യത കൂടുതലാണെന്ന് നിര്ണ്ണയിക്കാനാകും. രാത്രി 9 മണിക്ക് ശേഷം സ്ഥിരമായി ഭക്ഷണം കഴിക്കുകയും ഭക്ഷണം കഴിച്ചതിന് ശേഷം ഉറങ്ങുന്നതിന് മുന്പ് രണ്ട് മണിക്കൂര് ഇടവേള നല്കാതിരിക്കുകയും ചെയ്യുന്ന ആളുകള്ക്ക് ക്യാന്സര് വരാനുള്ള സാധ്യത കൂടുതലാണെന്ന് കണ്ടെത്തിയിട്ടുണ്ട്. കൃത്യമായി പറഞ്ഞാല് 25% കൂടുതല്.
എന്തുകൊണ്ടാണ് ഇങ്ങനെ സംഭവിക്കുന്നത്
![എന്തുകൊണ്ടാണ് ഇങ്ങനെ സംഭവിക്കുന്നത് എന്തുകൊണ്ടാണ് ഇങ്ങനെ സംഭവിക്കുന്നത്](https://static.langimg.com/thumb/94307149/samayam-malayalam-94307149.jpg?imgsize=91904&width=680&resizemode=3)
മനുഷ്യശരീരത്തില് ഒരു ജൈവഘടികാരം പ്രവര്ത്തിക്കുന്നുണ്ട്. ഇത് നമ്മുടെ ഉറക്കത്തിന്റെയും ഉണരുന്നതിന്റെയും ചക്രം നിര്ണയിക്കുന്നു. ഓരോ 24 മണിക്കൂറിലും ഇത് ആവര്ത്തിക്കുന്നുണ്ട്. നിങ്ങളുടെ ബോഡി ക്ലോക്ക് ശരിയായി പ്രവര്ത്തിക്കുന്നുണ്ടെങ്കില്, രാത്രി 9 മണിയോ അതിനു ശേഷമോ ആകുമ്പോഴേക്കും, ശരീരം ഉറങ്ങാനോ അല്ലെങ്കില് വിശ്രമിക്കാനോ ആയി കൂടുതല് സജീവമാകാതെ ഇരിക്കണം. എന്നാല് ഭക്ഷണം കഴിക്കുന്നതിലൂടെ ശരീരം സജീവമാകും. ഇത് പിന്നീട് സര്ക്കാഡിയന് താളം തടസ്സപ്പെടുത്തുകയും ഉറക്കം, വിശപ്പ്, സമ്മര്ദ്ദം എന്നിവയെ ബാധിക്കുകയും ചെയ്യും.
വിദഗ്ധരുടെ പഠനത്തെക്കുറിച്ച്
![വിദഗ്ധരുടെ പഠനത്തെക്കുറിച്ച് വിദഗ്ധരുടെ പഠനത്തെക്കുറിച്ച്](https://static.langimg.com/thumb/94307148/samayam-malayalam-94307148.jpg?imgsize=73274&width=680&resizemode=3)
621 പ്രോസ്റ്റേറ്റ് കേസുകളും 1,205 സ്തനാര്ബുദ കേസുകളുമാണ് പഠനത്തില് വിലയിരുത്തിയത്. രാത്രി ഷിഫ്റ്റില് ജോലി ചെയ്തിട്ടില്ലാത്ത 872 പുരുഷന്മാരിലും 1,321 സ്ത്രീകളിലുമാണ് പഠനം നടത്തിയത്. അഭിമുഖങ്ങളുടെയും ചോദ്യാവലിയുടെയും സഹായത്തോടെ, അവരുടെ ഭക്ഷണത്തിന്റെ സമയം, ഉറക്കം, ക്രോണോടൈപ്പ് എന്നിവയെക്കുറിച്ച് അവരോട് ചോദിച്ചറിഞ്ഞു. അത്താഴത്തിന് ശേഷം രണ്ടോ അതിലധികമോ മണിക്കൂര് കഴിഞ്ഞ് ഉറങ്ങിയതായി പറയുന്ന ആളുകള്ക്ക് സ്തന, പ്രോസ്റ്റേറ്റ് ക്യാന്സറിനുള്ള സാധ്യത 20 ശതമാനം കുറവാണ്. വൈകി ഭക്ഷണം കഴിക്കുന്നതിനൊപ്പം ഇത് നോക്കുമ്പോള്, അപകടസാധ്യത മൊത്തത്തില് 25 ശതമാനമായി ഉയര്ന്നു.
'ദൈനംദിന ഭക്ഷണരീതികള് പാലിക്കുന്നത് ക്യാന്സറിനുള്ള സാധ്യത കുറവാണെന്ന് ഞങ്ങളുടെ പഠനം നിഗമനം ചെയ്യുന്നു. ഈ കണ്ടെത്തലുകള് ഭക്ഷണക്രമത്തെയും ക്യാന്സറിനെയും കുറിച്ചുള്ള പഠനങ്ങളില് സമയം വിലയിരുത്തേണ്ടതിന്റെ പ്രാധാന്യം ഊന്നിപ്പറയുന്നു,' പഠനത്തിന്റെ പ്രധാന രചയിതാവ് ഡോക്ടര് മനോലിസ് കൊഗെവിനാസ് പറഞ്ഞു. ഭക്ഷണം കഴിക്കുന്ന സമയം ക്യാന്സറിനുള്ള സാധ്യതയെ ബാധിക്കുന്നത് എന്തുകൊണ്ടാണെന്ന് നിര്ണ്ണയിക്കാന് കൂടുതല് ഗവേഷണം ആവശ്യമാണെങ്കിലും, ചില തെളിവുകള് സൂചിപ്പിക്കുന്നത് ഉറങ്ങുന്ന രീതികൊണ്ടുമാകാം എന്നാണ്.
ഉറക്കത്തിന്റെ പ്രാധാന്യം
![ഉറക്കത്തിന്റെ പ്രാധാന്യം ഉറക്കത്തിന്റെ പ്രാധാന്യം](https://static.langimg.com/thumb/94307146/samayam-malayalam-94307146.jpg?imgsize=28356&width=680&resizemode=3)
2007ല് വേള്ഡ് ഹെല്ത്ത് ഓര്ഗനൈസേഷന്റെ ഇന്റര്നാഷണല് ഏജന്സി ഫോര് റിസര്ച്ച് ഓണ് ക്യാന്സറിന്റെ (IRAC) നിഗമനം അനുസരിച്ച ഉറക്കത്തെ തടസപ്പെടുത്തുന്ന ഷിഫ്റ്റ് ജോലികള്, ഉറക്ക രീതിയെ ബാധിക്കുന്ന ഏന്തെങ്കിലും മാറ്റം എന്നവയെല്ലാം മനുഷ്യര്ക്ക് ക്യാന്സറിന് കാരണമാകാം. നേരത്തെ പറഞ്ഞത് പോലെ ബോഡി ക്ലോക്ക് 24 മണിക്കൂര് ചക്രം പിന്തുടരുന്നു. അത് നമ്മള് ഉണരുമ്പോള്, വിശപ്പ്, ശരീര താപനില, മാനസികാവസ്ഥ എന്നിവ നിയന്ത്രിക്കുന്നു. അതില് എന്തെങ്കിലും തടസ്സം ഉണ്ടാകുന്നത് ക്യാന്സര് വരാനുള്ള സാധ്യതയുമായി ബന്ധപ്പെട്ടിരിക്കുന്നു.
ക്യാന്സര് വരാനുള്ള മറ്റ് പ്രധാന ഘടകങ്ങള്
![ക്യാന്സര് വരാനുള്ള മറ്റ് പ്രധാന ഘടകങ്ങള് ക്യാന്സര് വരാനുള്ള മറ്റ് പ്രധാന ഘടകങ്ങള്](https://static.langimg.com/thumb/94307145/samayam-malayalam-94307145.jpg?imgsize=12698&width=680&resizemode=3)
ലോകാരോഗ്യ സംഘടനയുടെ അഭിപ്രായത്തില്, പുകയില ഉപയോഗം, മദ്യപാനം, അനാരോഗ്യകരമായ ഭക്ഷണക്രമം, ശാരീരിക നിഷ്ക്രിയത്വം, വായു മലിനീകരണം എന്നിവ ക്യാന്സറിനും മറ്റ് സാംക്രമികേതര രോഗങ്ങള്ക്കും അപകട ഘടകങ്ങളാണ്.
ചില അണുബാധകള് ഒരാളുടെ ക്യാന്സര് സാധ്യത വര്ദ്ധിപ്പിക്കുമെന്നും പറയപ്പെടുന്നു. '2018-ല് ആഗോളതലത്തില് കണ്ടെത്തിയ ക്യാന്സറുകളില് ഏകദേശം 13% ഹെലിക്കോബാക്റ്റര് പൈലോറി, ഹ്യൂമന് പാപ്പിലോമ വൈറസ് (എച്ച്പിവി), ഹെപ്പറ്റൈറ്റിസ് ബി വൈറസ്, ഹെപ്പറ്റൈറ്റിസ് സി വൈറസ്, എപ്സ്റ്റൈന്-ബാര് വൈറസ് (2) എന്നിവയുള്പ്പെടെയുള്ള അര്ബുദ അണുബാധകളാണെന്ന് ആഗോള ആരോഗ്യ ഏജന്സി പറയുന്നു.