துலாம் ராசி
![துலாம் ராசி துலாம் ராசி](https://static.langimg.com/thumb/110989931/samayam-tamil-110989931.jpg?imgsize=49228&width=680&resizemode=3)
துலாம் ராசி ஜோதிடத்தின் அடிப்படையில் அமைதியின் தூதர்கள் என்று அறியப்படுகின்றனர். தங்களின் வாழ்க்கையில் ஒவ்வொரு அம்சத்திலும் நல்லிணக்கத்தை கடைப்பிடிக்க வேண்டும் என முயற்சிப்பார்கள். ஒரு கடினமான சூழ்நிலையிலும், தங்களுக்கு ஏற்படக்கூடிய கோபத்தை மறைக்க அல்லது அதிலிருந்து விடுபட முயல்வார்கள்.
இவர்கள் சண்டையைத் தவிர்க்கும் வகையில் பிறரிடம் எப்போதும் மகிழ்ச்சியாகவும், மரியாதையுடனும் நடந்து கொள்வார்கள்.
இருப்பினும் இவர்களிடம் யாரேனும் எல்லை மீறும் போது, அவர்கள் இந்த உலகில் காணாத கடினமான முகத்தை காண நேரிடும்.
உங்கள் கண் நிறம் என்ன? - உங்கள் கண்கள் சொல்லக் கூடிய ரகசியங்கள், ஆளுமை திறன் என்ன தெரியுமா?
மீன ராசி
![மீன ராசி மீன ராசி](https://static.langimg.com/thumb/110989927/samayam-tamil-110989927.jpg?imgsize=48368&width=680&resizemode=3)
மீன ராசியை சேர்ந்தவர்கள் அடிப்படையில் அன்பும், அரவணைப்பும் கொண்டவர்களாக இருப்பார்கள். பெரும்பாலான நேரத்தில் அமைதியாகவும், சாந்தமாகவும் இருப்பார்கள். இவர்கள் மனதில் ஒளிந்திருக்கும் எரிமலை போன்ற கோபத்தை பலரும் அறியாதவர்களாக இருப்பார்கள். இவர்களை பார்க்கும் போது மிகவும் அமைதியானவர்களாகத் தெரியும். இருப்பினும் இவர்கள் மனதில் கோபத்தை கட்டுப்படுத்துவதற்கான பல்வேறு விஷயங்களில் ஈடுபடுவார்கள். இவர்களின் மனதில் எந்தவிதமான உணர்வு இருந்தாலும் அதை வெளிக்காட்டுவதில்லை.
மேலும் இவர்களுக்கு கோபத்தால் ஏற்படக்கூடிய ஆபத்து மற்றும் பிரச்சனைகளை அறிந்து வைத்திருப்பதால், பெரும்பாலான நேரத்தில் அமைதியுடன் இடத்தை கடந்து சென்று விடுவார்கள்.
விருச்சிக ராசி
![விருச்சிக ராசி விருச்சிக ராசி](https://static.langimg.com/thumb/110989929/samayam-tamil-110989929.jpg?imgsize=52728&width=680&resizemode=3)
பலரும் விருச்சிக ராசி அதிகமாக கோபப்படுவார்கள் என சொல்வார்கள். ஆனால் இவர்கள் அதிகமாக கோபப்படுபவர்கள் அல்ல. இவர்கள் தங்களின் மனதில் தோன்றக்கூடிய விஷயங்களை உடனே வெளிப்படுத்தாமல், சிந்தித்து செயல்படுவார்கள். மேலும் பல்வேறு நிலைகளில் தங்களின் உள்ளுணர்வுகளை ரகசியமாக வைத்து செயல்பட கூடியவர்கள்.உண்மையில் இவர்களின் அணுகுமுறையில் உணர்ச்சி வசப்படுவது, கோபத்துடன் செயல்படுவது என இருக்காது.
தனக்கு சிலர் பிரச்சினை தரக்கூடியவர்களாக அல்லது கோபத்தை ஏற்படுத்தக்கூடிய சூழ்நிலை இருந்தாலும் மௌனத்துடன் அல்லது எச்சரித்து அந்த இடத்தை விட்டு நகரக்கூடியவர்களாக விருச்சிக ராசியினர் இருப்பார்கள்.