மிதுனம் புத்தாண்டு பொது பலன்கள்
மிதுன ராசிக்கு இந்த தமிழ் புத்தாண்டு சிறப்பானதாக அமைய உள்ளது. இந்த புத்தாண்டில் உங்களுக்கு வீடு அல்லது மனை வாங்கும் யோகம் உள்ளது. புதிதாக வாகனங்கள் வாங்க வாய்ப்புள்ளது. தாயார், தாய் வழியில் உங்களுக்கு அனுகூலங்கள் உண்டாகும். நீண்ட நாட்களாக உடல் நல பிரச்னைகள் நிவர்த்தி ஆகும். கோர்ட் வழக்கு, பிரசனைகளுக்கு நல்ல தீர்வு கிடைக்க வாய்ப்புள்ளது.
நீங்கள் எதிர்பார்த்த பணவரவு சரியான நேரத்தில் சரியான இடத்திலிருந்து கிடைக்கும்.
குருவின் மூலம் பம்பர் பரிசாக லாபத்தை அள்ளும் ராசிகள், யாருக்கு ஜெயம் உண்டாகும்?
திருமணம் கைகூடும்
மாங்கல்ய பாக்கியம் கைகூடும். திருமணம் ஆவதற்கான நல்ல சாதக காலமாக இருக்கும். வீட்டில் சுப நிகழ்ச்சிகள், திருமணம், வீடு, வாகனம், சொத்து வாங்குதல் தொடர்பான சுப விரயங்கள் ஏற்படும்.
சிலர் காசி, ராமேஸ்வரத்திற்குச் செல்ல வேண்டும் என்ற வேண்டுதல், எண்ணம் இருப்பவர்களும், வெகுநாட்களாக ஆன்மிக யாத்திரை, கோவிலுக்கு செல்ல வேண்டும் என்று திட்டமிட்டுக் கொண்டிருப்பவர்களுக்கு அந்த வாய்ப்புகள் தேடி வரும். யாத்திரை செல்வதற்கான விருப்பங்கள் நிறைவேறும்.
பெண்கள், மாணவர்கள்
பெண்கள்
பெண்களுக்கு தேவையான ஆடை, ஆபரணங்கள் வாங்குவதற்கான சில நல்ல வாய்ப்புகள் அமையும்.
அரசியல்
அரசியலில் உள்ளவர்களுக்கு இந்த தமிழ் புத்தாண்டில் நல்ல பெயரையும், பதவியையும் பெற்றுத் தரக்கூடியதாக இருக்கும்.
மாணவர்கள்
கல்வி தொடர்பான விஷயங்களில் கூடுதல் கவனம் செலுத்த வேண்டும். படிப்புக்கான அமைப்பு சாதகமற்றதாக இருக்கும் என்பதால், படிப்பில் சிறந்து விளங்க கூடுதல் நேரம் ஒதுக்கிப் படிப்பது நன்மை தரும். ஆசிரியர்கள், பெற்றோர்கள் சொல்வதை கேட்டு நடந்து கொள்வது மிகவும் அவசியம்.
மிதுன ராசி புத்தாண்டு நட்சத்திர பலன்
மிருகசீரிடம் 3,4 பாதங்கள் :
இந்த ஆண்டில் உங்களுக்கு கிரக சூழ்நிலைகள் சற்று சாதகமற்றதாக இருக்கிறது. அதனால் நீங்கள் கூடுதல் கவனத்துடன் இருக்க வேண்டிய வருடம். அனைத்து விஷயத்திலும் பொறுமையை கையாளவும். அவசரப்பட்டு முடிவெடுப்பதைத் தவிர்க்கவும்.
திருவாதிரை :
உங்களுக்கு ராஜயோகம் தரக்கூடிய காலமாக இருக்கும். எதிர்பார்த்த பணவரவு, ராஜ யோகங்கள் உங்களுக்கு திருப்தியைத் தரும். திடீர் அதிர்ஷ்டங்கள், யோகங்கள் கிடைக்கும். பல வழிகளிலிருந்து அதிர்ஷ்டங்கள், ஆதரவுகள் கிடைத்து உங்கள் வாழ்க்கையில் முன்னேற்றத்தை அடைவீர்கள்.
புனர்பூசம் 1, 2, 3 பாதங்கள், பரிகாரம்
புனர்பூசம் 1, 2, 3 பாதங்கள்
புனர்பூசம் நட்சத்திரத்தை சேர்ந்தவர்கள் இரு வகையான பலன்களை எதிர்பார்க்கலாம். 50% நன்மையும், 50% தீமையும் ஏற்பட வாய்ப்புள்ளது.
நற்பலன்களாக, உங்களுக்கு புதிய வீடு, மனை, வாகனம் உள்ளிட்ட சுப செலவுகள் ஏற்பட வாய்ப்புள்ளது.
தீய பலன்களாக, அலைச்சலும், மருத்துவ செலவுகளும் ஏற்பட வாய்ப்புள்ளது.
பரிகாரம்
திருவண்ணாமலையில் இருக்கும் அண்ணாமலையார், உன்னாமுலையார் வழிபாடு செய்வதும், பெளர்ணமி திதியில் கிரிவலம் செய்யவும்.
பெளர்ணமி திதியில் கிரிவலம் செல்ல முடியாதவர்கள், நீங்கள் பிறந்த நட்சத்திரம், கிழமையில் கிரிவலம் செல்லலாம்.
பழனி மலையையும் கிரிவலம் செய்யலாம். இதன்மூலம் நற்பலன்களை அடைவீர்கள்.
எம்.சிவராஜன், ஜோதிடர், சிதம்பரம்
போன் : +91 86754 41071