![jupiter transit in taurus 2024 guru will impact relationships these 5 zodiac sign very lucky jupiter transit in taurus 2024 guru will impact relationships these 5 zodiac sign very lucky](https://tamil.samayam.com/thumb/108817576/jupiter-transit-in-taurus-2024-guru-will-impact-relationships-these-5-zodiac-sign-very-lucky-108817576.jpg?imgsize=1086627&width=380&height=214&resizemode=75)
நவகிரகங்களிலேயே முழு சுபராக விளங்கக்கூடியவர் குரு பகவான். இவர் மேஷ ராசியிலிருந்து ரிஷப ராசிக்கு மே 1ம் தேதி பெயர்ச்சி ஆக உள்ளார். இதனால் அவரின் பார்வை பலன், அமைப்பால் சுப பலன்களை பெற உள்ள ராசிகள் யார் என தெரிந்து கொள்வோம்.
குரு பெயர்ச்சி 2024 எப்போது?
குருவின் பார்வை :
குரு பகவான் மேஷத்தில் உள்ள கார்த்திகை 1ம் பாதத்திலிருந்து, ரிஷப ராசியில் உள்ள கார்த்திகை 2ம் பாதத்திற்கு பெயர்ச்சி ஆக உள்ளார். இந்த பெயர்ச்சியின் போது குருவின் பார்வை மற்றும், அவரின் அமைப்பானது சில ராசியினருக்கு குடும்பத்தில் நிம்மதியும், மகிழ்ச்சியும், தொழில், வேலையில் முன்னேற்றத்தையும், பதவி உயர்வையும் பெற்று தரும்.
மேஷ ராசி :
மேஷ ராசிக்கு இந்த குரு பெயர்ச்சியினால், ஜென்ம ராசியிலிருந்து, 2ம் வீடான தன, குடும்ப ஸ்தானத்திற்கு பெயர்ச்சி ஆக உள்ளார். இதனால் குரு அமைப்பு உங்களுக்கு மிகப்பெரிய யோகத்தை தரக்கூடியதாக அமையும். உங்களின் பாவத்தன்மைகள் முழுமையாக அகற்றுவார். தன ஸ்தானத்தில் அமர்வதால் உங்களின் நிதி ரீதியான விஷயங்களில் முன்னேற்றம் அடைவீர்கள்.
தொழில் ரீதியான வெற்றி வாய்ப்புகள், முன்னேற்றங்கள் தரும். உத்தியோகஸ்தர்களுக்கு புதிய வேலை மாறுதல், வேலையில் முன்னேற்றம், புரமோஷன், சம்பள உயர்வு எதிர்பார்ப்பவர்களுக்குச் சிறப்பான பலன்கள் கிடைக்கும்.
உங்களின் முயற்சிகளுக்கு பொன்னான பலன்கள் கிடைக்கும் என்பதால் கூடுதல் முயற்சியில் ஈடுபடுங்கள். குடும்பத்தில் நிம்மதியும், திருமண பாக்கியமும் கிடைக்கும்.
குரு பெயர்ச்சி 2024 : கூடுதல் கவனம் தேவைப்படும் ராசிகள்: பணம் பெருக என்ன செய்ய வேண்டும்?
கடக ராசி :
கடக ராசிக்கு 11ம் வீடான லாப ஸ்தானத்தில், தனத்தை அள்ளித் தரக்கூடிய குரு அமர்வதால் உங்களுக்கு, வீடு, மனை வாங்குவதற்கான வாய்ப்பு உண்டு. பொன், பொருள் சேர்க்கை நடக்கும். முன்னதாக 10ம் வீட்டில் இருந்த போது, தொழிலில், வேலையில் ஏற்பட்டு வந்த சிக்கல்கள் தீர்ந்து முன்னேற்றத்தையும், பல விதத்தில் வெற்றியையும் பெறுவீர்கள்.
வேலை தேடுபவர்களுக்கு நிரந்த வேலை வாய்ப்பு கிடைக்கும். சிலருக்கு பண வருவாய் எதிர்பார்க்காத அளவிற்கு முன்னேற்றம் இருக்கும். கோடீஸ்வர யோகம் காத்திருக்கிறது என்றே சொல்லலாம்.
அசையும், அசையா சொத்து வாங்கும் கனவுகள் நிறைவேறும். நீண்ட நாட்களாக புத்திர பாக்கியம் இல்லை என்று ஏங்கிக் கொண்டிருந்தவர்களுக்கு குழந்தை பாக்கியம் அமையும்.
விருச்சிகம் ராசி :
விருச்சிக ராசிக்கு சப்தம ஸ்தானத்தில் குருவின் சஞ்சாரம் பல வகையில் வாழ்க்கையில் முன்னேற்றத்தையும், நற்பலன்களையும் அள்ளித் தருவதாக இருக்கும். நீண்ட நாட்களாக திருமண முயற்சி எடுத்தும், எந்த பலனில்லாமல் இருப்பவர்களுக்கு, நல்ல வரன் அமைந்து கல்யாணம் கைகூடும்.
தொழில், வியாபாரம் ஆரம்பிக்க செய்யக்கூடியவர்களுக்கு லாபமும், பணம் சேர்ப்பதற்கான சிறப்பான வழிகள் பெறுவீர்கள். உங்களுக்கு கோடீஸ்வர யோகம் ஏற்பட போகிறது. எந்த ஒரு புதிய முயற்சிகளுக்கு குடும்பத்தினரின் முழு ஆதரவு கிடைக்கும். வீட்டில் மங்களகரமான சுப நிகழ்ச்சிகள் நடக்கும்.
மகர ராசி :
மகர ராசியினருக்கு குருவின் மிக சிறப்பான பலன்கள் தேடி வரப் போகிறது. வேலை தேடக்கூடியவர்களுக்கு நல்ல வேலைவாய்ப்புகள் அமையும். உங்களின் புத்திசாலித்தனத்தைப் பயன்படுத்தி முன்னேற்றத்தை அடையலாம். புத்திரபாக்கியத்திற்காக வேண்டிக் கொண்டிக் கொண்டிருப்பவர்களுக்கு குழந்தை பேறு அமையக்கூடிய சிறப்பான காலமாக இருக்கும்.
சனி பகவான் 2ம் இடத்தில் ஆட்சி பெற்று இருக்கக்கூடிய ஏழரை சனி நடக்கும் காலத்தில், குருவின் அமைப்பானது உங்களுக்கு ஆறுதலையும், உற்சாகத்தையும் அளிக்கக்கூடியதாக இருக்கும். கிட்டத்தட்ட இந்த ஆண்டு முழுவதும் உங்களுக்கு ஒரு சுப ஆண்டாக அமையும்.