Edat de Bronce
![](http://upload.wikimedia.org/wikipedia/commons/thumb/4/4c/Bronze_Ax_Messara_Crete.jpg/250px-Bronze_Ax_Messara_Crete.jpg)
![](http://upload.wikimedia.org/wikipedia/commons/thumb/2/2e/Collier_de_Penne.jpg/250px-Collier_de_Penne.jpg)
A Edat de Bronce ye un periodo d'a Historia u desenrollo d'a civilización que se caracteriza porque a metalurchia mas enantada ha conseguiu desembolicar as tecnicas d'extracción de minerals brutos d'arambre y estanyo y en fa aliacions con éls ta conseguir bronce. A Edat de Bronce fa parte d'a prehistoria y viene dimpués d'o Neolitico en a mayor parti d'o mundo.
A calendata exacta de plagada en a Edat de Bronce cambea pendendo d'a cultura y puesto d'o mundo. A Edat de Bronce se sitúa cheneralment en Europa entre o 1800 aC y o 700 aC dividida en tres fases:
- Bronce Antigo, d'o 1800 a lo 1500 aC.
- Bronce Meyo, d'o 1500 a lo 1200 aC.
- Bronce Final, d'o 1200 a lo 700 aC.
Por atra parti, en Orient Proximo s'han establituas siguients calendatas:
- Bronce Antigo, d'o 3500 a lo 2000 aC.
- Bronce Meyo, d'o 2000 a lo 1600 aC.
- Bronce Final, d'o 1600 a lo 1200 aC.
Tanimientres, en America no se conoixeba lo bronce dica que i plegó l'Imperio espanyol en o continent, encara que as civilizacions precolombinas conoxieban a metalurchia de l'oro y de l'arambre, como tampoco no conoixeban a metalurchia d'o fierro.
Tamién ye frecuent atra división por cambios tecnolochicos y no simplament por cambios socials en a que a Edat de Bronce fa parti d'a Edat d'os metals, situada dimpués d'o Calcolitico u Edat de l'Arambre y antis d'a Edat de Fierro.
Vinclos externos
[editar | modificar o codigo]Se veigan as imáchens de Commons sobre a Edat de Bronce.