Carlotta Maury
Carlotta Maury![]() | |
---|---|
![]() | |
Vida | |
Nacimientu | Nueva York, 6 de xineru de 1874[1] |
Nacionalidá |
![]() |
Muerte |
Yonkers (es) ![]() |
Familia | |
Padre | Mytton Maury |
Madre | Virginia Draper |
Hermanos/es | |
Estudios | |
Estudios |
Radcliffe College (es) ![]() Universidá Cornell 1902) Philosophiæ doctor |
Oficiu | paleontóloga, profesora universitaria, xeóloga del petroleu |
Emplegadores |
Barnard College (es) ![]() |
![]() |
Carlotta Joaquina Maury (6 de xineru de 1874, Nueva York - 3 de xineru de 1938, Yonkers (es) ) foi xeóloga, estratígrafa y paleontóloga d'Estaos Xuníos y una de les primeres muyeres en trabayar como científica profesional na industria del petroleu y el gas. Los prexuicios contra les muyeres profesionales, que yeren comunes na dómina, nun afectaron a Maury gracies a la so vasta conocencia y les sos reconocíes habilidaes téuniques.[2]
Primeros años y educación
[editar | editar la fonte]Carlotta Joaquina Maury nació'l 6 de xineru de 1874 en Hastings-on-Hudson, Nueva York.[3] El so padre yera'l clérigu Mytton Maury, descendiente direutu del tamién clérigu James Maury y unu de los fíos de la escritora británica Sarah Mytton Maury. La so madre yera Virginia Draper, fía d'Antonia Coetana de Paiva Pereira Gardner y del doctor John William Draper.[4] El so tíu, Henry Draper, ye consideráu un pioneru de l'astronomía al igual que'l so güelu.[5] Tamién foi la hermana menor de l'astrónoma Antonia Maury.[3]
Estudió en Radcliffe College de 1891 a 1894, depués asistió a Jardin des Plantes en París de 1899 a 1900 y a la Universidá de Columbia. Dempués de pasar un añu na Sorbona pa realizar estudios de posgráu, completó'l so doctoráu na Universidá de Cornell en 1902, convirtiéndose nuna de les primeres muyeres en recibir el so doctoráu en Paleontoloxía.[2][3]
Carrera
[editar | editar la fonte]Al rematar los sos estudios, Maury empezó a enseñar na Erasmus High School de Brooklyn, Nueva York, en 1900. Depués foi asistente de Paleontoloxía na Universidá de Columbia en 1904 y profesora de Xeoloxía nel Columbia College y el Barnard College hasta 1912.[3]
Maury tornó al campu y xunióse a un equipu empobináu por Gilbert Dennison Harris, el so antiguu asesor de Cornell. L'oxetivu del grupu yera investigar árees riques en petroleu nes costes de Texas y Louisiana nel Golfu de Méxicu. La información que brindaron foi la primer información xeolóxica significativa sobre esta área de producción de petroleu. La contribución específica de Maury a los esfuercios d'investigación consistió n'arrexuntar datos basaos nos afayos paleontolóxicos col fin de crear un mapa estructural d'una amplia rexón. L'analís del equipu solu precisó axustes menores desque se publicar en 1910.[2][6]
Empezó a trabayar pa la Royal Dutch Shell como xeóloga consultora y estratígrafa en 1910 y depués pa la Xeneral Asphalt Co. como parte d'un equipu pa esplorar árees de cames del Eocenu Antiguu en Trinidá y Venezuela. Los sos afayos de fósiles y fauna fueron los primeres del so tipu nel Caribe y América del Sur. Dempués d'enseñar nel Huguenot College en Wellington, Sudáfrica, tornó al Caribe como líder de la Espedición Maury» a la República Dominicana en 1916, a pesar de la inestabilidá política qu'había na zona naquella dómina. El so oxetivu yera ordenar les capes estratigráfiques de les eres del Miocenu y Oligocenu, que taben compuestes por roques sedimentaries con pesaos depósitos fósiles. Esto resultó nel descubrimientu de 400 nueves especies. El so trabayu formó la base del actual Proyeutu Internacional República Dominicana, que ye un esfuerciu d'investigación que tien como oxetivu analizar el cambéu evolutivu nel Caribe dende la era del Miocenu hasta la era moderna.
C. J. Maury (como la llamaben de cutiu y como s'amuesa nos sos documentos científicos) yera conocida por trabayar rápido y poner atención a los detalles, mientres caltenía un altu nivel d'entusiasmu. Les sos habilidaes y capacidaes yeren tan altamente reconocíes, qu'hasta foi nomada paleontóloga oficial del Serviciu Xeolóxico y Mineralóxico de Brasil. Mientres tuvo nesti cargu publicó múltiples monografíes y boletinos del serviciu mineralóxicu ente 1919-1937.[2]
Maury morrió'l 3 de xineru de 1938 en Yonkers, Nueva York.[3]
Ver tamién
[editar | editar la fonte]Referencies
[editar | editar la fonte]- ↑ 1,0 1,1 1,2 Afirmao en: The Biographical Dictionary of Women in Science. Tomu: 2. Páxina: 857. Editorial: Routledge. Llingua de la obra o nome: inglés. Data d'espublización: 16 avientu 2003. Autor: Marilyn Bailey Ogilvie.
- ↑ 2,0 2,1 2,2 2,3 Creese, M. R. (2007). «Early women contributors to geology» en C. V. Burek & B. Higgs (Eds.), The role of women in the history of geology, 281:39-49. Londres, Reinu Xuníu: Geological Society of London.
- ↑ 3,0 3,1 3,2 3,3 3,4 Ogilvie, Marilyn Bailey; Harvey, Joy Dorothy (1 de xineru de 2000). The Biographical Dictionary of Women in Science: L-Z (n'inglés). Taylor & Francis. ISBN 9780415920407.
- ↑ Peed, Dorothy Myers (1966) America is People and Idees. Berlín: Exposition Press.
- ↑ «Antonia Maury» (inglés). Vassar Encyclopedia. Consultáu'l 13 de febreru de 2018.
- ↑ Burek, Cynthia V.; Higgs, Bettie (1 de xineru de 2007). The Role of Women in the History of Geology (n'inglés). Geological Society of London. ISBN 9781862392274.