Madeira
Neuz
Evit implijoù all, gwelet Madeira (disheñvelout).
![](http://upload.wikimedia.org/wikipedia/commons/thumb/f/fb/Madeira_19_2014.jpg/220px-Madeira_19_2014.jpg)
![](http://upload.wikimedia.org/wikipedia/commons/thumb/a/a4/Flag_of_Madeira.svg/220px-Flag_of_Madeira.svg.png)
Madeira zo un enezeg, hag anv un enezenn (797 km²), er Meurvor Atlantel er c'hornôg da Varoko, hag a zo ur rannvro emren e Portugal. Funchal eo ar gêr-benn.
Enez Vadeira end-eeun a zo anezhi an douar brasañ eus an enezeg (90 %). A-orin volkanek ez eo, krignet he reier, ha trovanel he hin. Stag eo ouzh Unaniezh Europa dre ma'z eo ur « rannvro dreisttrobarzh ». Kaoz a zo e teufe da vout dizalc'h un deiz, evel ar C'hab-Glas, Angola, Mozambik, Ginea-Bissau a oa dalc'het gant Portugal gwechall.
Douaroniezh
[kemmañ | kemmañ ar vammenn]Kêr Funchal a zo 660 km eus aod Afrika, 980 eus Lisboa, 400 eus Las Palmas de Gran Canaria (unan eus div gêr-benn Kanariez), ha 880 eus Santa Maria, an Asorezenn dostañ.
En enezeg vMadeira emañ:
- enez Porto Santo hag an inizi stag outi (43 km²);
- ha daou strollad iniziigoù didud hag a zo mirvaoù naturel:
- an teir « Desertas » (14 km²);
- Deserta Grande;
- Bugio;
- Chão;
- an teir « Selvagens » (4 km²);
- Selvagem Grande;
- Selvagem Pequena;
- Fora.
- an teir « Desertas » (14 km²);