چوونی محەممەد بۆ تایف

پێغەمبەر محەممەد لە ساڵی ٦١٩ی (ساڵی دڵتەنگی) زایینی چوو بۆ شاری تایف، کە نزیکەی دوو سێ ڕۆژ ڕێ لە مەککەوە دوور. کەشوھەوای شارەکە تاڕادەیەک لە مەککە خۆشتر بوو و پڕ بوو لە باخچە و باخی بەپیت. لە بناری شاخەکانی بەرزتر و فێنکتر لەسەر ڕێگای یەمەن دایە. گردەکان پێشتر چینی باڵا و کەسایەتییە بەرزەکانی مەککە بۆ بەسەربردنی مانگەکانی ھاوینیان سەردانیان دەکرد. سێ برای بەنو سەقیف، بە ناوەکانی حەبیب و مەسعوود و عەبد یالیل سەرۆک و سەرکردەی سەرەکی شارەکە بوون لەو سەردەمەدا.

لەگەڵ ھاتنی محەممەد بانگھێشتی موسڵمان بوون و داوای ھاوکاری و پاراستنیان کرد لە شەڕی دژی ھۆزی قوڕەیشی مەککە؛ بەڵام وەڵامیان دایەوە:

- ئەگەر بەڕاستی پێغەمبەر بیت، چ پێویستت بە یارمەتی ئێمە ھەیە؟ ئەگەر خودا تۆی بە پێغەمبەری خۆی نارد بۆچی ناتپارێزێت؟ و ئەگەر خوای گەورە ئاواتی ئەوە بوو پێغەمبەرێک بنێرێت، ئایا نەیدەتوانی کەسێکی باشتر لە تۆ بدۆزێتەوە، ھەتیوێکی لاواز و بێ باوک؟ ”

بەو پێیەی ھەوڵەکانی بێ سوود نەبوون، جگە لە چەند کەسێک، داوای لێکردن لانیکەم ئەو بابەتە بە نھێنی بھێڵنەوە، بۆ ئەوەی ڕێگری لە قووڵبوونەوەی دوژمنایەتی قوڕەیشەکان بەرامبەر بە خۆی و پەیامەکەی بکات. ھەرچەندە گەورەکانی شارەکە خەڵکی تایفیان لە دژی کۆکردەوە و بە زۆر لە شارە دیواردارەکە دەریان ھێنا و بەردیان لێدا و دەست و قاچییان بریندار کرد.