Omega-3
![](http://upload.wikimedia.org/wikipedia/commons/thumb/8/83/Semillas_de_Ch%C3%ADa.jpg/220px-Semillas_de_Ch%C3%ADa.jpg)
Omega 3 gantz-azido mota da, kate luzekoa, eta asegabea (insaturatua). Omega 3 izenarekin hainbat gantz-azido daude (esaterako, azido alfa-linolenikoa -18 karbono dituena- edo azido eikopentaenoikoa -20 karbono dituena-). Mota honetako gantz-azidoak poliasegabeak dira.
Omega 3 taldeko gantz azidoei esentzialak deritze, gure gorputza ez baita gai sintetizatzeko, eta dietaren bitartez hartu behar direkako (aminoazido esentzialen antzera) [1]. Omega 3 asko duten janarien artean honako hauek aipa daitezke: arrain urdinak (izokina, hegaluzea, antxoak, sardinak...), intxaurrak, lihoa eta Salvia hispanica landareen garauak eta soja.
Omega 3 gantz azidoek funtsezko zeregina dute zelula mintzaren sortze prozesuan. Horretaz gain, iturri energetikoa dira eta immunitate-sistema zein nerbio-sistemaren funtzionamendu zuzenerako ezinbestekoak dira.
Osasun-onurak
[aldatu | aldatu iturburu kodea]- odoleko triglizeridoen eta kolesterol txarraren (LDL) maila jaisten dute
- kolesterol onaren (HDL) odol-maila igotzen dute
- bihotzeko osasuna zaintzen dute
- arteriosklerosia prebenitzen dute
- hanturaren aurkako ezaugarriak dituzte
- nerbio-sistemaren asaldura batzuk prebenitzen laguntzen dute (depresioa, Alzheimer...)
Erreferentziak
[aldatu | aldatu iturburu kodea]- ↑ Grasas omega 3 buenas para su corazón MedlinePlus
- ↑ Janice K. Kiecolt-Glaser, Martha A. Belury, Rebecca Andridge, William B. Malarkey et Ronald Glaser, « Omega-3 supplementation lowers inflammation and anxiety in medical students: a randomized controlled trial », Brain, Behaviour and Immunity, vol. 5, no 8, 2011ko azaroa, 1725-34 orr. irakurri artikulua
- ↑ Clemens von Schacky, « A review of omega-3 ethyl esters for cardiovascular prevention and treatment of increased blood triglyceride levels », Vascular Health and Risk Management, vol. 2, no 3, 2006ko iraila, 251-262 orr. irakurri artikulua
- ↑ uping Gao, Xin Su, Xue Han et Huiyan Wen, « Unsaturated Fatty Acids in Mental Disorders: An Umbrella Review of Meta-Analyses », Advances in Nutrition (Bethesda, Md.), vol. 13, no 6, 2022ko abendua, 2217–2236 orr. irakurri artikulua