cantidade

Galego

• Etimoloxía: do latín quantĭtas, -ātis.

• Pronuncia: /kaŋtiˈðaðe̯/ (AFI)

Substantivo feminino

cantidade (sg: cantidade; pl: cantidades)

1. Calidade que posibilita que as cousas sexan medíbeis.
2. (Metroloxía) Valor numérico que resulta dunha medición (dunha magnitude) que se expresa con números acompañado por unidades.
   • Exemplo: O termómetro chegou a rexistrar cantidades superiores aos 30 ºC.
     
     
3. Número de unidades ou medida pola que se determina o conxunto de cousas da mesma clase ou unha porción de materia.
   • Exemplo: Na análise detectáronlle unha cantidade excesiva de glóbulos brancos.
     
     
   • Exemplo: Toma pequenas cantidades de comida.
     
     
   • Sinónimos: Número.
4. Porción ou número grande dunha cousa.
   • Exemplo: Ten cantidade de amigos.
     
     
   • Sinónimos: Número.
5. Porción maior ou menor dunha cousa.
   • Exemplo: Para a merenda levou unha boa cantidade de pan.
     
     
6. Porción indeterminada de diñeiro.
   • Exemplo: Pagou unha pequena cantidade.
     
     
7. (Fonética e métrica) Duración dun son ou unha sílaba.
   • Exemplo: As vogais longas e as breves diferéncianse pola cantidade.
     
     
   • Exemplo: A cantidade é esencial para o ritmo do verso.
     
     

Traducións

• Alemán: Quantität ^(de)
• Castelán: cantidad ^(es)
• Catalán: quantitat ^(ca)
• Francés: quantité ^(fr)
• Inglés: quantity ^(en)
• Italiano: quantità ^(it)
• Portugués: quantidade ^(pt)