Հեղինե Քացախյան
Հեղինե Քացախյան | |
---|---|
Ծնվել է | հունվարի 1, 1908 Թիֆլիս, Ռուսական կայսրություն |
Մահացել է | սեպտեմբերի 13, 1986 (78 տարեկան) Երևան, Հայկական ԽՍՀ, ԽՍՀՄ |
Մասնագիտություն | երաժշտագետ |
Կրթություն | Երևանի Կոմիտասի անվան պետական կոնսերվատորիա |
Հեղինե Գրիգորի Քացախյան (հունվարի 1, 1908, Թիֆլիս, Ռուսական կայսրություն - սեպտեմբերի 13, 1986, Երևան, Հայկական ԽՍՀ, ԽՍՀՄ), հայ երաժշտագետ, մանկավարժ։ Հայկական ԽՍՀ վաստակավոր ուսուցիչ (1960)։
Կենսագրություն
[խմբագրել | խմբագրել կոդը]Հեղինե Քացախյանը ծնվել է 1908(1909) թվականի հունվարի 1-ին Թիֆլիսում։ Կատարելագործվել է Ալեքսանդր Սպենդիարյանի ղեկավարությամբ (1924-1925, տեսություն և կոմպոզիցիա)։ 1927 թվականին ավարտել է Երևանի երաժշտական ստուդիայի դաշնամուրի (դասատու՝ Ա. Մնացականյան) բաժինը։ 1931 թվականին ավարտել է Երևանի պետական կոնսերվատորիայի մանկավարժության, իսկ 1946 թվականին՝ երաժշտագիտության բաժինը (Վ. Տալյանի և Ս. Կոպտևի դասարաններ)։
1929-1986 թվականներին դասավանդել է Հայաստանի առաջին քառամյա մասնագիտական երաժշտական դպրոցում (այժմ՝ Ա. Սպենդիարյանի անվան), որտեղ 1953-1986 թվականներին եղել է ուսմասվար, ինչպես նաև եղել է երգչախմբի խմբավար։ 1946-1969 թվականներին դրա հետ միաժամանակ աշխատել է Պ. Ի. Չայկովսկու անվան երաժշտական դպրոցում։
Հեղինակել է «Երաժշտ. գրականություն» դասագիրքը, սոլֆեջջոյի հայկական առաջին գործնական դասընթացը (1–7 դասարաններ) և թելադրությունների ձեռնարկներ։
Հեղինե Քացախյանը մահացել է 1986 թվականի սեպտեմբերի 13-ին։ Թաղված է Նուբարաշենի գերեզմանատանը[1]։
Պարգևներ
[խմբագրել | խմբագրել կոդը]- 1971 – ԽՍՀՄ «Պատվո նշան» շքանշան,
- 1971 – Լենինի շքանշան։
Ծանոթագրություններ
[խմբագրել | խմբագրել կոդը]Գրականություն
[խմբագրել | խմբագրել կոդը]- Հարությունյան Ն., Ակնարկ երաժշտագէտ-մանկավարժ Հեղինէ Քացախեանի կեանքի եւ գործունէութեան, Հայկազեան հայագիտական հանդէս, Պէյրութ, 2010, էջ 613–623:
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ ![]() |