Wt/zea/zoeten aerepel

Zeêuws

Vuuf zoete aerepels: viere in de schelle, en eên gescheld.

Etymologie

Nae z'n gliekenisse in vurm, textuur en kookwieze mee d'n echten aerepel, en dienkelijk ok deur 'ulder gedeêlde afkomst uut Amerika. 't Woôrd petaote/petatter enz., in vee Europese taelen vò 'aerepel' gebruukt, komt ok van 't Taíno batata wat-a nie d'n echte mae de zoeten aerepel is; de verwarrienge is dus nie van vandaeg of gister.

Omschrievienge

zoeten aerepel

• Eetbaere, zoetig smaekende knol van de Ipomoea batatas.

Uutspraek

[ˈzu(ː)təˈnɛːrəpəɫ]

Verbugienge

zoete aerepels meêrvoud, zoet aerepeltje verkleinwoôrd

Varianten

• zoeten aerpel
• zoeten aepel Truzement

Synoniemen

• zoete petaote enz.

Vertaeliengen

Ipomoea batatas

• Nie-taelgebonde: 🍠
• Araobisch: بَطَاطَا حُلْوَة‎ (batātā ḥulwa(h)) v
• Duuts: Süßkartoffel v
• Frans: patate, patate douce v
• Iengels: sweet potato, yam (Amerikaons, oneigelijk)

• Nahuatl: camohtli
• Nederlands: zoete aardappel m, bataat v (ouwerwes), patat (in Surinaome)
• Spaons: batata v (Dominicaonse Republiek, Argentinië), boniato m (Cuba), camote (Mexico, Midden-Amerika) m
• Taíno: batata