მასალა ვიკიპედიიდან — თავისუფალი ენციკლოპედია
ლენტეხი — დაბა საქართველოში , ლენტეხის მუნიციპალიტეტის ადმინისტრაციული ცენტრი. ლენტეხის ადმინისტრაციული ერთეულში შედის სოფლები: ბაბილი , გულიდა , კახურა , ლასკადურა , ლექსურა , მაცხვარლამეზური , მელურა და ყარიში . დაბაში არის ადმინისტრაციული, კულტურის, განათლების და ჯანდაცვის დაწესებულებები, მცირე საწარმოები, საზოგადოებრივი ცენტრი .
მდებარეობს სვანეთის ქედის სამხრეთ კალთებზე, ცხენისწყლის შენაკადის მდინარე ლასკადურაზე , ზღვის დონიდან 760 მ, ქალაქ ქუთაისიდან 102 კმ-ის, თბილისიდან 323 კმ-ის დაშორებით. ლენტეხში ნოტიო ჰავაა, იცის ცივი ზამთარი და ხანგრძლივი, გრილი ზაფხული , საშუალო წლიური ტემპერატურაა 9,4 °C, იანვრისა -1,8 °C, ივლისის 20 °C. ნალექები 1240 მმ წელიწადში.
ლენტეხი წარმოადგენდა ქვემო სვანეთის ერთ-ერთ თემს. მასში შედიოდა სოფლები: ლენტეხი, ფაყი , ლექსურა , გულიდა . 1930 წელს გახდა რაიონული ცენტრი. 1953 წლამდე ეწოდებოდა ლექსურა. დაბის სტატუსი მიენიჭა 1969 წელს. საბჭოთა პერიოდში მოქმედებდა მეცხოველეობის მეურნეობა, სამკერვალო ფაბრიკა, კინოთეატრი, ტურბაზა.
2014 წლის აღწერის მონაცემებით დაბაში ცხოვრობს 947 ადამიანი.
აღწერის წელი
მოსახლეობა
კაცი
ქალი
1959[ 4]
854
1970[ 4]
1772
1979[ 4]
1873
1989[ 4]
1995
--
--
2002[ 5]
1739
--
--
2014[ 1]
947
423
524
2020[ 4]
1008
საქართველოს დროშა
რაჭა-ლეჩხუმისა და ქვემო სვანეთის მხარე