Залив
![](http://upload.wikimedia.org/wikipedia/commons/thumb/7/7c/Ohrid_pogled_4.jpg/220px-Ohrid_pogled_4.jpg)
![](http://upload.wikimedia.org/wikipedia/commons/thumb/4/4a/Bay_of_Bengal_map_mk.svg/220px-Bay_of_Bengal_map_mk.svg.png)
Залив — крајбрежна водна површина поврзана со море, океан или езеро, образувана со вовлекување на земјата поради пречката што ја поставува околното земјиште на брановите и ветерот.[1] Заливите се јавуваат и кај езерата и барите. За заливи можат да се сметаат и тесните површини како фјордовите, гленовите и драгите.
Заливите имаат историско значење за населувањето на местата како безбедно место за риболов. Класичен пример за ваквата улога на заливите е неолитската наколна населба во Заливот на Коските на Охридското Езеро.[2] Подоцна, морските заливи одиграле значајна улога во развојот на поморската трговија и, како мирни сидришта, во нив се граделе пристаништа.[3]
Настанок
[уреди | уреди извор]Заливите се создаваат на различни начини. Најголемите настануваат како резултат на континенталното поместување.[3] Со разделувањето на суперконтинентот Гондвана долж закривени и вовлечени раседи, континентите се одвоиле и така се создадени најголемите заливи во светот. Такви се Гвинејскиот, Персискиот, Алјаскиот, Мексиканскиот и Бенгалскиот Залив, кои се најголеми во светот.[3]
Друг начин на образување на заливите е преку ледничка или речна ерозија.[3] Ако е настанат од ледник, заливот се нарекува фјорд. Ријасите настануваат од реки и се одликуваат со постапен спуст на теренот. Највеќето заливи се настанати со набирање на Земјината кора и постепено одронување на брегот предизвикано од бранови и струи.[3] Помеките карпи се ронат побргу, додека кај тврдите истото се одвива бавно. Помеките делови се претвораат во заливи, а потврдите остануваат како 'ртови. Калифорнискиот Залив е пример за залив настанат со набирање.
Поврзано
[уреди | уреди извор]Наводи
[уреди | уреди извор]- ↑ „http://www.yourdictionary.com/bay“. Посетено на 24 март 2012. Надворешна врска во
|title=
(help) - ↑ Плоча Миќов Град во Заливот на Коските[мртва врска] - Паско Кузман, Македонски археолошки весник
- ↑ 3,0 3,1 3,2 3,3 3,4 Carreck, Rosalind, уред. (1982). The Family Encyclopedia of Natural History. The Hamlyn Publishing Group. стр. 202. ISBN 011202257 Проверете ја вредноста
|isbn=
: length (help).
|