Ostalariá
![](http://upload.wikimedia.org/wikipedia/commons/thumb/1/1a/Hotel_Llao_Llao%2C_Bariloche%2C_Argentina.jpg/220px-Hotel_Llao_Llao%2C_Bariloche%2C_Argentina.jpg)
Una ostalariá (var. ostaleria), una aubergariá (var. aubergeria, aubarjariá), o encara un otèl,[1] es un establiment comercial qu'ofrís un servici de lòtjament pagant dins de cambras mobladas per una clientèla de passatge. Mai sovent, l'ostelariá assegura l'entreten quotidian de las cambras e dels lièchs, e tanben fornís lo linge d'ostal.
Etimologia
[modificar | Modificar lo còdi]Lo mot «ostalariá» proven del substantiu latin hospitalis.
Durant l'Edat Mejana, l'ostalariá designa una partida d'un monastèri dobèrt al public, reservat a l'acuèlh e lòtjament dels òstes occasionals, los pelegrins e los estrangièrs. A partir del sègle XIII las ostalariás pèrdon lor ligam amb l'establiment religiós
Lòtjament
[modificar | Modificar lo còdi]![](http://upload.wikimedia.org/wikipedia/commons/thumb/5/56/Hotel-room-renaissance-columbus-ohio.jpg/220px-Hotel-room-renaissance-columbus-ohio.jpg)
L'albèrgament ostalièr pòt se far dins diferents tipes de lòtjaments, presentant diferents nivèls de confòrt. Lo mai corrent es la chambra d'ostalariá, qu'es una cambra de colcar prèsta a èsser utilizada a l'arribada del client. S'accompanha sovent de sanitaris e banhs.
Existís tanben d'ostalariás podent aculhir lor clients dins de cambras de doas salas o mai, qu'una al mens es prevista pel colcar.
Servicis
[modificar | Modificar lo còdi]Aquestes establiments pòdon prepausar un apartament amb una cosina,. En mai del lòtjament, las ostalariás pòdon prepausar d'autres servicis: restauration, servici en cambra, espaci de léser amb piscina e equipaments esportius, etc..
Unas ostalariás prepausan de services de locacion de salas de reunion, incitant los grops a i téner de congresses e de conferéncias.
Classificacion de las ostalariás
[modificar | Modificar lo còdi]![](http://upload.wikimedia.org/wikipedia/commons/thumb/5/5a/Signalitique_Hotel_3_%C3%A9toiles.jpg/220px-Signalitique_Hotel_3_%C3%A9toiles.jpg)
Las ostalariás de torisme son,mai sovent classificadas en categorias segon lor gra de confòrt, del nivèl de servici que prepausan, e de la reglamentacion que dependon. Segon los païses, se pòt trobar diferents sistèmes de classificacion, coma las estelas.[2]
Per una mèsma categoria, lo confòrt e los servicis pòdon èsser fòrça variables d’un país a l’autre, cada país —e a vegada cada region— possedissent los sieus critèris. La classificacion pren en compte en principi de critèris objectius: superfícia de las cambras, equipament, natura e disponibilitat dels banhs, etc..
Las ostalariás pel mond
[modificar | Modificar lo còdi]Cuba
[modificar | Modificar lo còdi]![](http://upload.wikimedia.org/wikipedia/commons/thumb/9/93/DirkvdM_cienfuegos_state_hotel.jpg/220px-DirkvdM_cienfuegos_state_hotel.jpg)
Fins a març de 2008, los Cubans podavan pas lòtjar dins las ostalariás reservadas als estrangièrs. a son arribada al poder, Raùl Castro lèva l'interdiccion, permetent atal un desvolopament del torisme interior.
Lo Four Points by Sheraton, primièra ostalariá americana que dobriguèt sus l'illa dempuèi la revolucion cubana, es inaugurat en 2016.
França
[modificar | Modificar lo còdi]En França, dempuèi 2009, las ostalariá son classificadas de una a cinq estelas, e d'entre aquestes darrièrs se destrian las ostalariás d'exepcion, signaladas per la distinccion «Palace» .
Dempuèi 2015, las ostalariás an la possibilitat d'equipar lors cambres d'una cosina.
L'entreten quotidian de la cambra e dels lièchs, e tanben lo provesiment del linge d'ostal son obligatòriament inclusits dons le prètz.
Japon
[modificar | Modificar lo còdi]![](http://upload.wikimedia.org/wikipedia/commons/thumb/c/cb/Capsule_hotel_asahi_plaza.jpg/220px-Capsule_hotel_asahi_plaza.jpg)
Lo terme d'ostalariá capsula designa un tipe singular d’ostalariá pro corrent al Japon, que prapausa de cambras individualas de dimensions extrèmament redusidas, sovent de mendre còst.
Nòtas e referéncias
[modificar | Modificar lo còdi]- ↑ Congrès permanent de la lenga occitana. «Hôtel». Multidiccionari Occitan Dicod'Òc. [Consulta: 5 de març de 2024]
- ↑ La classa se legís del mai modèste (una estela) a la mai luxosa (cins estalas).