انڈو سیتھی
![](http://upload.wikimedia.org/wikipedia/commons/thumb/b/b9/Indo-ScythiansMap.jpg/200px-Indo-ScythiansMap.jpg)
انڈو سیتھی یاں ہند سیتھی ایرانی ساکا (سیتھی) دیاں شاخاں نیں ، جنہاں نے دکھنی سائبیریا توں باختر ، سوگدیانا ، آراچوسیا ، گندھارا ، کشمیر ، پنجاب ، لہندے تے گھبلے ہندستان ، گجرات تے راجستھان چ ، دوجی صدی قبل مسیح توں چوتھی صدی عیسوی دے وچکار ، ہجرت کیتی ۔ ہندستان چ پہلا ساکا بادشاہ ماؤئس یاں موگا سی ، جسنے گندھارا چ ساکا اقتدار قائم کیتا تے ہولی ہولی پورے اتلے ہندستان نوں اپنےاقتدار چ لے آئیا ۔ ہندستان چ انڈو سیتھی حکومت آحری بادشاہ رودراسیمہا سوم دے نال 395ء عیسوی ج مکی ۔
![](http://upload.wikimedia.org/wikipedia/commons/thumb/f/ff/%D9%BE%D8%A7%D8%B1%D8%AA%DA%BE%DB%8C%D8%A7_%D8%AF%D8%A7_%D9%86%D9%82%D8%B4%DB%81.gif/250px-%D9%BE%D8%A7%D8%B1%D8%AA%DA%BE%DB%8C%D8%A7_%D8%AF%D8%A7_%D9%86%D9%82%D8%B4%DB%81.gif)
گھبلے ایشیاء توں ہندستان چ سیتھی حملے ۔ جنہاں نوں اکثر انڈو سیتھی حملے آکھئیا جاندا اے ، نے ہندستان تے نالدے دیساں دی تریح چ اہم کردار ادا کیتا اے ۔ حقیقت چ انڈو سیتھی جنگ ، وسطی ایشیا چ چینی قبیلےآں نال تنازعاں دا صرف اک باب اے ، جسنے باختر ، کابل تے ہندستان ، ایتھوں تک کہ دور پرے روم تک تے اثر پائے ۔
سیتھی قبیلے جنہاں نے ہندستان تے چڑھائی کیتی تے ایتھے کئی بادشاہتاں قائم کیتیاں اینہاں چ ساکا دے علاوہ میدی ، خنتھی ، ماساگیتے (شاید جٹ) ، گیتے ، پراما کمبوجا ، باہلیکا ، ریشیکا تے پرادا قبیلے شامل نیں ۔
ابتدا
[سودھو]انڈو سیتھیاں دے آباو اجداد ساکا (سیتھی) قبیلے سمجھے جاندے نیں ۔ جہڑے ابتدا چ دکھنی سائبیریا چ دریائے الی دے علاقے چ آباد سن ۔