Talɣa:Amgrad ifulkin
![](http://upload.wikimedia.org/wikipedia/commons/thumb/8/82/%E2%B5%89%E2%B5%99%E2%B4%B0%E2%B4%B3%E2%B5%93%E2%B5%94%E2%B5%8F_%E2%B5%8F_%E2%B5%9C%E2%B5%8E%E2%B4%B7%E2%B5%93%E2%B5%8D%E2%B5%9C.jpg/150px-%E2%B5%89%E2%B5%99%E2%B4%B0%E2%B4%B3%E2%B5%93%E2%B5%94%E2%B5%8F_%E2%B5%8F_%E2%B5%9C%E2%B5%8E%E2%B4%B7%E2%B5%93%E2%B5%8D%E2%B5%9C.jpg)
Tamddult nɣ tamdult nɣ tamddult n waqqa nɣ awkk tamddult wwaqqa tga tiɣrmt tamɣribt taqqbuṛt ittuyssann ɣur imaziɣn mas tnɣuba ddaw ufus n mḥnnd u ɛli amnṣag. tlla tɣrmt n tmddult g tama n tɣrmt n waqqa, tuggug ɣifs s 13 kilumitr. isagurn n tmddult suln g iggi n yat tukart imẓẓin g wammas n uzaɣar n tgrawt n tuzunin. tugt n id bumzruy zun lbkri, lyaɛqubi d izm amaziɣ(lḥasan lwazzan) ar ttinin mas tuṣka n tmddult tlla g tasut tiss 9 dat tlalit, tddr ar tasut tiss 16 dat tlalit llig tt ixla mḥnnd u ɛli amnṣag g uzmz n isaɛdin.
Da ttinin ayt umzruy mas tlla tuṣka n tmddult g tusut tiss 9 dat tlalit g uzmz n tuṣka awd n tɣrmt n iglmusn, xf ufus n ɛbdllah u dris, agllid n sus, aɣmat, nnfis d tmazirt n imṣmuḍn nɣ imẓmuḍn. maca id bumzruyn yaḍni ar ttinin mas tamddult tqqbuṛ xf usakud ad, d mas ɛbdllah u dris (ɛbdllah bn dris) is ka yuls tuṣka i tɣrmt n tmdult acku tga aɣaras n tasbbabt n urɣ sg uzmz n ifiniqn. ḍaṛt tasut tiss 9, tẓḍaṛ tamddult ad dars ili kra n ism yaḍni g isaɣuln iqqbuṛn.
imgradn n ustay: