பேக்கிடெர்மேட்டா
![](http://upload.wikimedia.org/wikipedia/commons/thumb/6/6c/Hippopotamus_amphibius_-_Homosassa_Springs_Wildlife_State_Park%2C_Florida_-_2010-01-13.jpg/220px-Hippopotamus_amphibius_-_Homosassa_Springs_Wildlife_State_Park%2C_Florida_-_2010-01-13.jpg)
பேக்கிடெர்மேட்டா (Pachydermata) என்பது 'தடித்த தோல்' என்று பொருள்படும் (பண்டைக் கிரேக்கம்: παχύς pachys "தடித்த" மற்றும் பண்டைக் கிரேக்கம்: δέρμα derma "தோல்") காட்லீப் ஸ்டோர், ஜார்ஜஸ் குவியர் மற்றும் பிறரால் விவரிக்கப்பட்ட பாலூட்டிகளின் வரிசை ஆகும். இந்த வரிசை ஒரு காலத்தில் பல உயிரியல் அமைப்புமுறைகளால் அங்கீகரிக்கப்பட்டது. இது பலதொகுதிமரபு உயிரினத் தோற்றத்தினைக் கொண்டிருந்ததால் இந்த வரிசை பயன்பாட்டில் இல்லை. ஆனால் வகைப்பாட்டியல் வரலாற்றில் இது முக்கியமானது. உயிரியல் வகைப்பாட்டிற்கு வெளியே, யானைகள், காண்டாமிருகங்கள், நீர்யானைகள் மற்றும் தபீர்களை விவரிக்க "பேக்கிடெர்ம்" எனும் தடித்ததோலுடையன என்ற சொல் பொதுவாகப் பயன்படுத்தப்படுகிறது.
வரலாறு
[தொகு]1796ஆம் ஆண்டில் வெளியிடப்பட்ட தொடர்ச்சியான ஆய்வுக் கட்டுரைகளில், ஜார்ஜஸ் குவியர் பேசக்கிடெர்மேட்டா என்ற வகைப்பாட்டை உருவாக்கினார். இதில் இவர் புரோபோசிடியானா, பேக்கிடெர்மேட்டா ஆர்டினேரியா மற்றும் சோலிபீட்சு என்று அழைக்கப்படும் மூன்று பாலூட்டிகளின் குடும்பங்களை உள்ளடக்கினார்.[1] இவை இப்போது புரோபோசிடியா (உயிருள்ள இனங்களில் மூன்று வகையான யானைகளால் மட்டுமே குறிப்பிடப்படுகின்றன), பெரிசோடாக்டைலா (குதிரைகள், டாபீர்கள் மற்றும் காண்டாமிருகங்கள் உட்பட ஒற்றைப்படை கால்கள் கொண்ட விலங்குகள்), சுய்னா (பன்றிகள் மற்றும் ஈட்டிப்பல் பன்றி), நீர்யானை மற்றும் கைராகோய்டியா (கைராக்சு) எனப் பிரிக்கப்பட்டுள்ளன. குவியர் பேக்கிடெர்மேட்டாவை "குளம்புகள் கொண்ட விலங்குகள், அசைபோடா விலங்குகள்" என்று வரையறுத்தார். இசுடோர் இதை "இரண்டிற்கு மேல் கால்விரல்களுடன் குளம்புகள் கொண்ட பாலூட்டிகள்" என்று விவரித்தார். குவியர் இந்த வரிசையில் குதிரைகளைச் சேர்த்தார்.[2]
பேக்கிடெர்மேட்டா முந்தைய வரிசை பெரும்பாலும் தொடர்பில்லாத பாலூட்டிகளின் செயற்கை குழுவாக விவரிக்கப்பட்டாலும், சார்லசு டார்வின் உள்ளிட்ட குறிப்பிடத்தக்க விலங்கியல் வல்லுநர்களால், இது குளம்புள்ள பாலூட்டிகளின் தரமாக அங்கீகரிக்கப்பட்டது. மற்ற குழிவான மற்றும் உடற்கூறியல் பண்புகள் தவிர "தடித்த தோலுடைய" பாலூட்டிகள் பிற குளம்பு விலங்குகளுடன் இனவுறவு முறைகளை ஆதரிக்கின்றன.
மரபணு ஆய்வுகளின் அடிப்படையில் யானைகள், காண்டாமிருகங்கள், டாப்பிர்கள் மற்றும் நீர்யானை ஆகியவை தனித்தனி உயிரலகுகளாக வகைப்படுத்தப்பட்டுள்ளன. காண்டாமிருகங்கள், நீர்யானைகள், பன்றிகள், பெக்கரிகள், குதிரைகள், வரிக்குதிரைகள், கழுதைகள் மற்றும் டாப்பிர் எனும் பன்றிகள் ஆகியவை லோராசியாதேரியா உயிரலகில் வகைப்படுத்தப்பட்டுள்ளன. அதே நேரத்தில் யானைகள், கைராக்சு, மனேட்டீஸ் மற்றும் கடல்பசு ஆகியவை அப்ரோதேரியா உயிரலகாக வகைப்படுத்தப்பட்டுள்ளன.
மேற்கோள்கள்
[தொகு]- ↑ Tenney, Sanborn (1867). Natural History: A Manual of Zoölogy for Schools, Colleges and the General Reader. Charles Scribner & Company. p. 86.
- ↑ 'History of the Works of Cuvier' in United States Congress, House Documents, Otherwise Publ. as Executive Documents (1869). p 159