半山區
閱讀設定
![](http://upload.wikimedia.org/wikipedia/commons/thumb/a/a4/Apartment_Blocks_in_Mid-levels.jpg/300px-Apartment_Blocks_in_Mid-levels.jpg)
半山區係香港嘅一個高尚住宅區,係太平山山頂同中環之間,居民多數屬中產階級;鄰近中環銀行辦公室商業中心區,交通好方便。
地理位置
[編輯]具體定義,半山區東由灣仔區同中西區嘅邊界開始、西至薄扶林道以東、南至薄扶林郊野公園以北、北至皇后大道以南。大概由1990年代開始,有地產行業相關嘅公司將半山區連同薄扶林嘅豪宅區叫「西半山」、中環金鐘嘅豪宅區叫「中半山」、跑馬地同渣甸山等地區叫做「東半山」、寶馬山同柏架山嘅豪宅叫做「北半山」,但係呢啲並唔係官方名,只係稱號或者將範圍縮細。而市民大眾日常普遍講半山區,都係指呢個地段。
特色
[編輯]喺以前,主要都係外國移民住半山區,本地人係少數。
半山區擁有濃厚嘅殖民地色彩。例如有唔少歷史特色嘅校舍,例如香港大學。重有,半山區有一啲以香港總督命名嘅街道,例如般咸道同堅尼地道。