王敏超

王敏超，BBS，JP，香港親中陣營政治人（市政局前任議員）、體育界人士（退役游水運動選手），中華造船廠老闆王華生嘅仔，死鬼港區人大代表王敏剛嘅細佬。

政治立場

佢係香港親中派一員。

選舉及提名經歷

喺2016年，佢成為香港特别行政區選舉委員會體育、演藝、文化及出版界（體育小組）委員。之後，佢有份提名林鄭月娥參與2017年香港行政長官選舉。 喺2021年9月，佢經指定團體提名(中國香港體育協會暨奧林匹克委員會)成為香港特别行政區選舉委員會體育、演藝、文化及出版界委員。

軼事

2024年巴黎奧運會，當知道何詩蓓贏到兩面游泳銅牌之後，香港游泳總會會長嘅王敏超喺港台節目《千禧年代》度表示對「何詩蓓嘅巴黎奧運奪銅感到開心，但認為佢同前兩名對手時間相差唔夠1秒，差啲就有更好成績，所以表示感到少許遺憾」，何詩蓓嘅教練 Tom Rushton指評價「令人有啲失望同缺乏經驗（bit disappointing, and an inexperienced quote）。」Rushton 又話何詩蓓聽完之後話呢個唔係一個好嘅評論，唔係一個你預期中嘅評價。王敏超知道何詩蓓同 Tom Rushton嘅回應之後，就兜話「遺憾嘅意思係差尐尐攞到第一嘅意思，唔係遺憾佢嘅名次」，呢個解釋令人莫名其妙，成為一時笑柄。