ഡബ്ല്യുഎംസി ദുബായ് പ്രോവിൻസ് വാർഷിക സമ്മേളനം നടന്നു

വേൾഡ് മലയാളി കൗൺസിൽ ദുബായ് പ്രോവിൻസ് വാർഷിക സമ്മേളനം ഞായറാഴ്ച ദുബായ് ക്ലാസിക്കൽ റെസ്റ്റോറന്റ് ഹാളിൽ വച്ച് നടന്നു. ഒരു വർഷം പിന്നിട്ട ഭരണസമിതി സാമൂഹിക പ്രതിബദ്ധതയുള്ള നിരവധി പ്രവർത്തനങ്ങൾ കാഴ്ച്ചവെച്ചതായി യോഗധ്യക്ഷൻ പ്രസിഡന്റ് ലാൽ ഭാസ്കർ പറഞ്ഞു.

വരും വർഷത്തിൽ അംഗങ്ങൾക്കും ഉപകാരപ്രദമായ പല പദ്ധതികളും അസൂത്രിതം ചെയ്തിട്ടുണ്ടെന്ന് ചെയർമാൻ സുധീർ സുബ്രമണ്ണ്യൻ അഭിപ്രായപ്പെട്ടു. ചടങ്ങിൽ ഗ്ലോബൽ പരിപാടികളുടെ വിഷദമായ വിവരങ്ങൾ ഗ്ലോബൽ വൈസ് പ്രസിഡന്റ്‌ ചാൾസ് പോൾ അംഗങ്ങൾക്ക് മുന്നിൽ അവതരിപ്പിച്ചു.


Also Read: സേവനങ്ങള്‍ വേഗത്തിലാക്കാന്‍ ഖത്തര്‍ എംബസി കോണ്‍സുലാര്‍ സേവനങ്ങള്‍ ഔട്ട്‌സോഴ്‌സ് ചെയ്യാന്‍ നീക്കം
മിഡിലീസ്റ്റ് വി പി അഡ്മിൻ തമ്പി തോമസ്, ഗ്ലോബൽ യൂത്ത് വിംഗ് പ്രസിഡന്റ് രേഷ്മ, ഗ്ലോബൽ ലേഡീസ് വിംഗ് സെക്രട്ടറി ഷീല റെജി, ദുബായ് പ്രോവിൻസ് വിപിയും ഗ്ലോബൽ മീഡിയ സെക്രട്ടറിയുമായ വിഎസ് ബിജുകുമാർ പുതിയ അംഗങ്ങളെ പരിചയപ്പെടുത്തി.

ദുബായ് പ്രോവിൻസിന്റെ ഓണപരിപാടികൾ ഒക്ടോബർ 6 ന് നടത്തുവാൻ തീരുമാനിച്ചതായി സെക്രട്ടറി ബേബി വർഗീസ് അറിയിക്കുകയുണ്ടായി. ട്രഷറർ അരുൺ ബാബു ജോർജ് ,വി.പി.അഡ്മിൻ രാജു തേവർമടം, വനിതാ വിംഗ് പ്രസിഡന്റ്‌ റാണി സുധീർ എന്നിവർ വാർഷിക സമ്മേളനത്തിന് ഏകോപനം നടത്തി.