யோகாசனம் மேற்கொள்ளுங்கள்
கல்லீரலைப் பாதுகாக்கும் சிறந்த வழிகளில் ஒன்று யோகாசனம். தனமும் காலையில் எழுந்ததும் குறைந்தது 10 நிமிடமாவது யோகாசனம் மேற்கொள்ளுங்கள்.
தினமும் காலையில் யோகாசனங்கள் செய்வது கல்லீரலில் ஏற்படும் அழுத்தத்தைக் குறைக்கும்.
கல்லீரல் செயல்பா்ட்டை அதிகரிக்கும். மஜ்ஜியாசனம், கபாலபதி ஆசனம், நவாசனம் ஆகியவை கல்லீரல் ஆரோக்கியத்தை மேம்படுத்தக்கூடிய ஆசனங்களாக இருக்கின்றன.
டயட்டை முறைப்படுத்துங்கள்
நமக்குத் தோன்றியபடியெல்லாம் சாப்பிடுவது தான் கல்லீரல் பாதிப்புக்கு முக்கியக் காரணமாக இருக்கிறது.
கல்லீரலை பாதுகாக்க வேண்டுமென்றால் அதற்கு ஆரோக்கியமான உணவுமுறையைப் பின்பற்ற வேண்டியது அவசியம்.
அதிகமாக ஜங்க் உணவுகள் சாப்பிடுவதை தவிர்க்க வேண்டும். அது கல்லீரலில் கொழுப்பு சேர்க்கையை அதிகரிக்கும்.
நிறைய காய்கறிகள், பழங்கள், பெர்ரி வகைகள், சிட்ரஸ் பழங்கள், பீட்ரூட் உள்ளிட்டவற்றை அதிகமாக எடுத்துக் கொள்வதால் கல்லீரல் ஆரோக்கியத்தை பாதுகாக்கலாம்.
மருந்துகள் சாப்பிடுவது
நிறைய பேர் இதை மிக சாதாரண விஷயமாக எடுத்துக் கொள்கிறோம். இது கல்லீரலை மிக மோசமாக பாதிக்கும்.
உடல்நிலை சரியில்லை என்றாலோ அல்லது தலைவலி போன்ற பிரச்சினைகளுக்கு மருத்துவரின் ஆலோசனை இல்லாமல் நீங்களாகவே மருந்து கடைகளில மருந்துகள் வாங்கி சாப்பிடுவதை தவிர்க்க வேண்டும்.
இப்படி செய்யும்போது உடலின் மெட்டபாலிசம் மிக மோசமான அளவில் பாதிப்படையும். காலப்போக்கில் இவை கல்லீரலில் நச்சுக்களாகத் தேங்கி அதன் செயல்பாட்டை குறைத்து விடும்.
மது அருந்துவதை குறையுங்கள்
மது அருந்துவது ஒட்டுமொத்த உடலையுமே பாதிக்கும் தான். குறிப்பாக மது அருந்துவது நேரடியான உடனே பாதிப்பது கல்லீரலை தான்.
ஆல்கஹாலிக் ஹெபடைடிஸ், கல்லீரல் சிரோசிஸ், கொழுப்பு கல்லீரல் போன்ற மிக மோசமான பிரச்சினைகளை உண்டாக்கும். அதனால் கல்லீரலை பாதுகாக்க விரும்பினால் முதலில் மது அருந்துவதைக் குறைத்துக் கொள்ளுங்கள்.
தண்ணீர் குடிப்பது
தண்ணீர் நிறைய குடிப்பது கல்லீரலுக்கு மட்டுமல்ல, ஒட்டுமொத்த உடலுக்குமே ஆரோக்கியமானது தான்.
நிறைய தண்ணீர் குடிப்பது கல்லீரலின் அழுத்தத்தைக் குறைக்கும். கல்லீரல் செயல்பாட்டை மேம்படுத்தும்.
உடலை நீர்ச்சத்தோடு வைத்திருப்பதோடு கழிவுகளை சுத்திகரித்து வெளியேற்றி டீடாக்ஸ் செய்யும்.
