பால் பொருள்கள்
குழம்பு மற்றும் கிரேவி வகைகளில் அல்லது வெரைட்டி ரைஸ் ஆகியவற்றில் மசாலா சேர்க்கும் போது கொஞ்சம் அதிகமாகிப் போய்விட்டால் அதிலுள்ள காரத்தைக் குறைக்க பால் மற்றும் பால் பொருள்களைப் பயன்படுத்தலாம்.
கிரேவி வகைகளில் காரம் அதிகமானால் தயிர் மற்றும் ஃபிரஷ் க்ரீம் ஆகியவற்றைச் சேர்க்கலாம்.
சர்க்கரை
ரசம், சாம்பார், காரக்குழம்பு, புளிக்குழம்பு போன்றவற்றில் சில சமயங்களில் காரம் அதிகமாகி விடும்.
இப்படி அதிகரிக்கும் காரத்தை சமன்படுத்த தேன், வெல்லம் அல்லது சர்க்கரை ஒரு ஸ்பூன் அளவு சேர்க்கலாம். இது காரத்தை சமன்படுத்தி சுவையையும் அதிகரிக்கும்.
அமிலத்தன்மை கொண்ட உணவுகள்
உணவு வகைகளில் காரம் அதிகமாகி விட்டால் அதை குறைப்பதற்கு அமிலத்தன்மை உள்ள உணவுகளைச் சேர்த்தால் காரம் குறையும்.
குறிப்பாக காரம் அதிகமாக இருக்கும் போது அதில் லெமன் ஜூஸ், வினிகர், தக்காளி ஆகிய அமிலத்தன்மை கொண்ட பொருள்களைச் சேர்க்கலாம்.
நட்ஸ் பட்டர்
இது எல்லா வகை உணவுகளின் காரத்திற்கும் சரி வராது. ஆனால் பனீர் பட்டர் மசாலா போன்ற உணவு வகைகளில் காரம் அதிகமாகி விட்டால் இந்த டிப்ஸ் உதவி செய்யும்.
பீநட் பட்டர், பாதாம் பட்டர் போன்றவற்றைச் சேர்த்தால் மெல்லிய இனிப்புச் சுவையோடு க்ரீமியாகவும் சுவையாகவும் இருக்கும்.
தேங்காய்ப் பால்
குழம்பு வகைகளில் காரம் அதிகமாகி விட்டால் நம் முன்னோர்கள் காலம் காலமாக செய்யும் சூப்பர் டிப்ஸ் இதுதான்.
குழம்புகளில் காரம் அதிகமாகும் போது தேங்காய் பேஸ்ட் அல்லது தேங்காய்ப் பால் அல்லது கோக்கனட் க்ரீம் ஆகியவற்றைச் சேர்க்க காரமும் குறையும். சுவையும் அதிகமாகும்.
உருளைக் கிழங்கு
உருளைக் கிழங்கில் உள்ள ஸ்டார் உணவில் உள்ள அதிகப்படியான காரத்தை உறிஞ்சி எடுத்துக் கொள்ளும் தன்மை கொண்டது.
குழம்பு மற்றும் கிரேவி வகைகளில் காரம் அதிகமாகும் போது வேகவைத்த உருளைக் கிழங்கை மசித்து சேர்த்துக் கொள்ள குழம்பில் உள்ள காரம் குறையும்.
பிரட்
காரமான கிரேவி வகைகளை பிரட்டுடன் சேர்த்து சாப்பிட காரம் குறைவாக இருக்கும்.
பிரட்டுக்கு காரத்தை உறிஞ்சும் தன்மை உண்டு. அதிலும் பிரௌன் பிரட்டுடன் சேர்த்து சாப்பிடுவது காரம் குறைவாகத் தெரியும்.
காய்கறிகள்
குழம்பு மற்றும் கிரேவி வகைகளில் காரம் அதிகமாக இருந்தால் அதை குறைத்து சமன்செய்ய காய்கறிகளைச் சேர்க்கலாம்.
குறிப்பாக குடை மிளகாய், கேரட், சுச்சினி போன்ற நீர்க் காய்கறிகளைச் சேர்க்கும் போது உணவில் உள்ள காரத்தை அது குறைக்கும்.