எந்த அறைக்கு எந்த வண்ணம் அடிக்கலாம்.. எவையெல்லாம் மகிழ்ச்சியும் மனநிம்மதியும் தரும்..?

நீலம் அமைதியான நிறம் ஆகும். இது நிதானமாகவும் அமைதியாகவும் உணர வைக்கும். இரத்த அழுத்தத்தை குறைக்கவும் மனதை தெளிவாகவும் வைக்க இவை உதவும். இது ஆழமான நீர் ஏரியின் இயற்கையான நிறம் என்பதால் இது மனதை குளிராகவும் வைத்துகொள்ள உதவும். நீலம் அமைதி மட்டும் அல்ல நேர்மை, தனிமை, குளிர் போன்றவற்றின் அடையாளமும் கூட. படுக்கையறைக்கு இவை நன்றாகவே உதவும். ஏனெனில் இது இரத்த அழுத்தத்தை குறைக்கும் என்று சொல்லப்படுகிறது.

மஞ்சள் நிழல், காதல், திருப்தி, மனம் மற்றும் ஆன்மாவுடன் இணைந்த நிறம் ஆகும். மஞ்சள் வரவேற்கப்பட்ட நிறம் என்றாலும் இவை அரிதாகவே பயன்படுத்தப்படுகிறது. ஆனால் முழுமையாக மஞ்சாள் நிறம் இருந்தால் அது பொறுமையை இழக்க செய்யும் என்கிறது ஆய்வுகள். எனினும் மஞ்சள் நிறத்தை எச்சரிக்கையுடன் பயன்படுத்த வேண்டும். உட்புறத்தில் மங்கலான மஞ்சள் அரிதாக பயன்படுத்தலாம். ஆனால் வெதுவெதுப்பான மஞ்சள் புத்திசாலித்தனம், புத்துணர்ச்சி மற்றும் உற்சாகம் போன்றவற்றை அளிக்கும். வலுவான மஞ்சள் மகிழ்ச்சியின் உணர்வை தூண்டுகிறது. அதனால் நேர்த்தியான தோற்றத்தில் மஞ்சளை பயன்படுத்தலாம். இதை சாப்பாட்டு அறைகள் மற்றும் குளியலறைகளில் பயன்படுத்தலாம்.

பச்சை நிறம் இயற்கையான பசுமை ஆகும். இது அமைதி மற்றும் பாதுகாப்பு உணர்வை அளிக்க கூடியது. இது அமைதியான நிறமும் கூட. வளர்ச்சி, அமைதி, புத்துணர்ச்சி, செழிப்பு ஆகியவற்றை அளிக்கிறது. இது உணர்ச்சி ரீதியாக ஆரோக்கியமாக வைத்திருக்கிறது.
வீட்டின் எந்த அறையிலும் பச்சை நிறத்தை பயன்படுத்தலாம். பச்சை நிறம் நரம்பு மண்டலத்தை அமைதிப்படுத்துகிறது. பச்சை நிறம் அறிவாற்றல், படைப்பாற்றல் மற்றும் கவனம் ஆகியவற்றை மேம்படுத்துகின்றன என்கிறது ஆராய்ச்சிகள். படுக்கையறை மற்றும் ஓய்வெடுக்கும் அறை போன்றவற்றில் பச்சை நிறம் பயன்படுத்தப்படுகிறது. இது தூக்கத்தின் தரத்தை மேம்படுத்துகிறது.

மகிழ்ச்சி , சூரிய ஒளி போன்றவற்றுக்கு ஒத்த நிறத்தில் இவை உள்ளன. உற்சாகம், மகிழ்ச்சி, அர்ப்பணிப்பு, ஈடுபாடு போன்றவற்றை ஊக்குவிக்கும் தன்மை இந்த நிறத்துக்கு உண்டு. பழங்காலத்தில் ஆற்றலின் அளவை உயர்த்துவதாக நுரையீரலை குணப்படுத்துவதாக சொல்லப்படுகிறது. அதே நேரம் அடர் ஆரஞ்சு நிறம் அவநம்பிக்கை மற்றும் துன்பம் போன்றவற்றை அளிக்கலாம். அடர்ந்த சிவப்பு நிறத்துடன் ஆரஞ்சு இருப்பது காமம், இன்பம் ஆதிக்கம் மற்றும் வன்முறையை குறிக்கலாம். ஆனால் வெளிர்ந்த தங்க நிற ஆரஞ்சு நிறம் அறிவாற்றல் மற்றும் புரிதல் அளிக்கிறது.

விட்டில் குளிர்ச்சியான மற்றும் சிறந்த மனநிலையை இளஞ்சிவப்பு அல்லது பிங்க் நிறம் அளிக்கலாம். இது பெண்களுக்கும் குழந்தைகளுக்கும் பிடித்த நிறத்துடன் இணைக்கப்பட்டுள்ளது. இளஞ்சிவப்பு நிறம் உண்மையில் உட்புற வடிவமைப்பில் பயன்படுத்தும் போது அமைதியான மற்றும் ஓய்வெடுக்கும் மனத்தை மேம்படுத்துகின்றன. மேலும் இது பாசத்துக்கான நிறம். கூட்டுறவு, அன்பு, மகிழ்ச்சி, நெருக்கம் போன்றவற்றை அளிக்கும். இது மனநிலையை சீராக்கும் தன்மை கொண்டது.

இது ஆடம்பரம், கெளரவம், புதுமி போன்றவற்றுடன் தொடர்பு கொண்டது. இது பண உணர்வுகளை கடத்துகிறது. மாய நிறம் மயக்க உணர்வை அளிக்கும். மேலும் ஆறுதல், தூய்மை ஆகியவற்றுடன் உளவியலாக இணைக்கப்பட்டுள்ளது. இளஞ்சிவப்பு உட்பட ஊதா நிறம் இலகுவானவை. படுக்கையறைகளுக்கு நீல நிறம் போன்று இவையும் இனிமையான குணங்களை வழங்குகின்றன. ஆனால் குளிர்ச்சியாக அல்ல. லாவெண்டர் நிறம் அமைதியையும் மன அமைதியையும் தூண்டுகிறது. சிந்தனை மற்றும் தியானம் போன்றவற்றுக்கு நன்மை பயக்கும். இது விரோதத்தை குறைத்து மனத்தை அமைதியாக்க செய்கிறது.

வெள்ளை நிறம் இளமையாகவும் நேர்த்தியாகவும் இருக்க செய்யும். இது குளிர்ச்சியான புத்துணர்ச்சியூட்டும் உணர்வை அளிக்கிறது. வெள்ளை நிறம் நவீனத்தை மனதுக்கு அளிக்கும். வெதுவெதுப்பான வெள்ளை நிறங்கள் அறை சாதாரணமாக தோற்றமளிக்க செய்யும். சுவர்களின் பெரும்பகுதி வெள்ளை நிறத்தில் உள்ளது படுக்கையறை ,கழிப்பறை, சமையலறை கூட வெள்ளை நிறத்தில் உள்ளன. வெள்ளை நிறம் பாதுகாப்பாகவும் சுகாதாரமாகவும் உணர வைக்கும். மேலும் வெள்ளை நிறம் அறையின் சிறிய இடத்தை பெரிதாக்கி காட்டுகிறது.