بەھار
![](http://upload.wikimedia.org/wikipedia/commons/thumb/9/92/Colorful_spring_garden.jpg/220px-Colorful_spring_garden.jpg)
بەھار (بە عەرەبی: الربیع، بە ئینگلیزی: Spring) یەکێکە لە چوار وەرزی ساڵ لە ناوچە مامناوەندەکان، دوای زستان و پێش ھاوین. چەند پێناسەیەک بۆ بەھار ھەیە، لەوانە پێناسەی کەشوھەوا («نیوە وەرز» کە دەکەوێتە نێوان وەرزی سەرما و گەرما) و بەپێی ساڵنامە دەگۆڕێت، بەڵام بەکارھێنانی ناوخۆیی ئەم زاراوەیە بەندە بە جۆری کەشوھەوا و نەریت لە ناوچەکەدا، کاتێک بەھار لە نیوەگۆی باکوورە پاییز لە نیوەگۆی باشووردایە، و بە پێچەوانەشەوە. لە ڕۆژانی یەکسانبوونی بەھاردا، درێژی ڕۆژەکە نزیکەی ١٢ کاتژمێرە، و لەگەڵ پێشکەوتنی ڕۆژەکانی وەرزەکەدا زیاد دەکات. بەھار ئاماژەیە بۆ نوێبوونەوە و دووبارە لەدایکبوونەوە و گەشەکردنەوە. ئەو کاتەیە کە زەوی بە ڕەنگی چیمەن سەوزە و گوڵەکان دەکرێنەوە و پلەی گەرمی مامناوەندە و ئاژەڵەکانیش دوای خەوتنیان چالاک دەبن.[١]
لەڕووی ئەستێرەناسی
[دەستکاری]بەھار لە ڕووی ئەستێرەناسی لە ٧ی شوبات لە نیوەگۆی باکوور دەست پێدەکات، ھەروەھا لە ٧ی ئاب لە نیوەگۆی باشوور، و لە ٧ی ئایار لە نیوەگۆی باکوور و ٧ی تشرینی دووەم لە نیوەگۆی باشوور کۆتایی دێت، و بەرواری دەستپێکردن و کۆتایی ئەستێرەناسی بە واتای ھاوسەنگی بەھار لە ٢٠ مانگی ئازاردا دێت (نیوەگۆی باکوور) یان ٢٢ی ئەیلول (نیوەگۆی باشوور).[١]
لەڕووی کەشوھەوا
[دەستکاری]وەرزی بەھار لەڕووی کەشوھەواوە بە «نیوە وەرز» پێناسە دەکرێت کە دەکەوێتە نێوان وەرزی سەرما و وەرزی گەرما، و بە گۆڕانکاری لەنێوان پلەی گەرمی زستانی ڕابردوو و پلەی گەرمی ھاوینی دواتردا تایبەتمەندە. لە نیوەگۆی باکوور ئەم وەرزە تەواوی مانگەکانی ئازار و نیسان و ئایار دەگرێتەوە، لە یەکەمی ئازار تا ٣١ی ئایار. بەڵام لە نیوەگۆی باشووردا بەھار لە یەکەمی ئەیلوولەوە تا ٣٠ی تشرینی دووەم دەست پێدەکات.[١]
وەرزەکانی ساڵ | |||
بەھار | ھاوین | پاییز | زستان |
![]() |
![]() |
![]() |
![]() |
سەرچاوەکان
[دەستکاری]بەستەرە دەرەکییەکان
[دەستکاری]![]() |
کۆمنزی ویکیمیدیا، میدیای پەیوەندیدار بە بەھار تێدایە. |