ആലപ്പുഴ: വള്ളംകളി എന്നാൽ മലയാളികൾക്കത് നെഹ്റു ട്രോഫി വള്ളംകളിയാണ്. ലോക പ്രശസ്തമായ ജലമേള. പ്രഥമ പ്രധാനമന്ത്രി ജവഹർലാൽ നെഹ്രുവിന്‍റെ മനംകവർന്ന വള്ളംകളി കാണാൻ ലോകത്തിന്‍റെ വിവിധ ഭാഗങ്ങളിൽനിന്ന് ആളുകൾ പുന്നമടക്കായലിലേക്ക് എത്താറുണ്ട്. മലയാളികളുടെ അഭിമാനമായി കാണാവുന്ന വള്ളംകളി ജീവിതത്തിൽ ഒരിക്കലെങ്കിലും കണ്ടില്ലെങ്കിൽ അത് വലിയ നഷ്ടമാണ്. എല്ലാ വര്‍ഷവും ഓഗസ്റ്റിലെ രണ്ടാം ശനിയാഴ്ചയാണ് നെഹ്രു ട്രോഫി വള്ളംകളി നടത്തുന്നത്. ഇത്തവണ ഓഗസ്റ്റ് 10നാണ് പുന്നമടക്കായലിൽ ചുണ്ടൻ വള്ളങ്ങൾ മത്സരത്തിനിറങ്ങുക. 70ാം നെഹ്റു ട്രോഫി വള്ളംകളിയാണ് ഇത്തവണ നടക്കുന്നത്. മത്സരം കാണാനെത്തുന്നവർക്ക് ടിക്കറ്റ് നൽകി ഇരിപ്പിടം ഉറപ്പാക്കാൻ അധികൃതർ തയ്യാറെടുത്തുകഴിഞ്ഞു.
ഇത്തവണ ആദ്യമായി സ്ഥാപിക്കുന്ന ലക്ഷ്വറി ബോക്സിൽ 300 ടിക്കറ്റ് നൽകാനും അവിടെ ഇരിക്കുന്നവർക്ക് പ്രത്യേക ഇരിപ്പിട സംവിധാനവും യാത്രാ സംവിധാനവും ഏർപ്പെടുത്താനും തീരുമാനിച്ചിട്ടുണ്ട്. വിഐപി പവലിയനില്‍ മറ്റുള്ളവര്‍ പ്രവേശിക്കുന്നത് കര്‍ശനമായി നിരോധിക്കും. ഇതിനായി എസ്ഐ തലത്തില്‍ കുറയാത്ത പോലീസിന്‍റെ നിയന്ത്രണം കര്‍ശനമാക്കും.
പരമ്പരാഗത ഭക്ഷണം ലഭ്യമാക്കാന്‍ ഫുഡ് കോര്‍ട്ടും തയ്യാറാക്കും. വിമാനത്താവളം, കെഎസ്ആര്‍ടിസി എന്നിവിടങ്ങളില്‍ എത്തുന്ന വിനോദ സഞ്ചാരികള്‍ക്ക് എന്‍ടിബിആര്‍ സൊസൈറ്റി തയ്യാറാക്കുന്ന കോഫി ടേബിള്‍ ബുക്ക് നല്‍കും.
ടിക്കറ്റ് എടുക്കുന്ന എല്ലാവർക്കും ഇരിപ്പിടം ഉറപ്പാക്കും. നെഹ്റു പവലിയന്‍റെ ചോർച്ച മാറ്റുന്നതിനു വേണ്ടി 15 ലക്ഷം രൂപയുടെ എസ്റ്റിമേറ്റിന് അനുമതി നൽകുവാനും എത്രയും വേഗം ടെണ്ടർ നടപടികൾ പൂർത്തീകരിച്ച് പ്രവൃത്തി ആരംഭിക്കുന്നതിനുള്ള നടപടി സ്വീകരിക്കാനും തീരുമാനിച്ചു.
വള്ളംകളി നടക്കുന്ന ആലപ്പുഴയിലെ കനാലുകള്‍ ഇത്തവണ കളര്‍ഫുള്‍ ആക്കാൻ തീരുമാനിച്ചിട്ടുണ്ട്. ഇതിനായി കനാലുകള്‍ വൃത്തിയാക്കി ദീപാലങ്കാരങ്ങള്‍ ഒരുക്കും. വള്ളംകളിയുടെ പ്രചാരണത്തിന്‍റെ ഭാഗമായി ഡബിള്‍ഡക്കര്‍ ബസ് ആലപ്പുഴയിലെത്തിക്കുന്നുണ്ട്. കൂടുതല്‍ പ്രചാരണത്തിനായി ഓട്ടോക്കാര്‍ക്ക് അവരുമായി ചര്‍ച്ചചെയ്ത് ബാഡ്ജിംഗ് സിസ്റ്റം നല്‍കാന്‍ ആര്‍ടിഒയ്ക്ക് നിര്‍ദ്ദേശം നല്‍കും.
നെഹ്റു ട്രോഫിയോട് അനുബന്ധിച്ചുള്ള പന്തലിന്‍റെ കാൽനാട്ടു കർമ്മം ജൂലൈ എട്ടാം തീയതി പുന്നമടയിലുള്ള ഫിനിഷിങ് പോയിന്‍റിൽ നടക്കും. ഈ വർഷത്തെ കളിവള്ളങ്ങളുടെ രജിസ്‌ട്രേഷൻ ജൂലൈ 10ാം തീയതി മുതൽ ജൂലൈ മാസം 20ാം തീയതി വരെ സബ് കളക്ടറുടെ ഓഫീസിൽ നടക്കും. നെഹ്റു ട്രോഫിയോട് അനുബന്ധിച്ചുള്ള ക്യാപ്റ്റൻസ് ക്ലിനിക് ജൂലൈ 26നാണ്.
ഇത്തവണ ആദ്യമായി സ്ഥാപിക്കുന്ന ലക്ഷ്വറി ബോക്സിൽ 300 ടിക്കറ്റ് നൽകാനും അവിടെ ഇരിക്കുന്നവർക്ക് പ്രത്യേക ഇരിപ്പിട സംവിധാനവും യാത്രാ സംവിധാനവും ഏർപ്പെടുത്താനും തീരുമാനിച്ചിട്ടുണ്ട്. വിഐപി പവലിയനില്‍ മറ്റുള്ളവര്‍ പ്രവേശിക്കുന്നത് കര്‍ശനമായി നിരോധിക്കും. ഇതിനായി എസ്ഐ തലത്തില്‍ കുറയാത്ത പോലീസിന്‍റെ നിയന്ത്രണം കര്‍ശനമാക്കും.
പരമ്പരാഗത ഭക്ഷണം ലഭ്യമാക്കാന്‍ ഫുഡ് കോര്‍ട്ടും തയ്യാറാക്കും. വിമാനത്താവളം, കെഎസ്ആര്‍ടിസി എന്നിവിടങ്ങളില്‍ എത്തുന്ന വിനോദ സഞ്ചാരികള്‍ക്ക് എന്‍ടിബിആര്‍ സൊസൈറ്റി തയ്യാറാക്കുന്ന കോഫി ടേബിള്‍ ബുക്ക് നല്‍കും.
ടിക്കറ്റ് എടുക്കുന്ന എല്ലാവർക്കും ഇരിപ്പിടം ഉറപ്പാക്കും. നെഹ്റു പവലിയന്‍റെ ചോർച്ച മാറ്റുന്നതിനു വേണ്ടി 15 ലക്ഷം രൂപയുടെ എസ്റ്റിമേറ്റിന് അനുമതി നൽകുവാനും എത്രയും വേഗം ടെണ്ടർ നടപടികൾ പൂർത്തീകരിച്ച് പ്രവൃത്തി ആരംഭിക്കുന്നതിനുള്ള നടപടി സ്വീകരിക്കാനും തീരുമാനിച്ചു.
വള്ളംകളി നടക്കുന്ന ആലപ്പുഴയിലെ കനാലുകള്‍ ഇത്തവണ കളര്‍ഫുള്‍ ആക്കാൻ തീരുമാനിച്ചിട്ടുണ്ട്. ഇതിനായി കനാലുകള്‍ വൃത്തിയാക്കി ദീപാലങ്കാരങ്ങള്‍ ഒരുക്കും. വള്ളംകളിയുടെ പ്രചാരണത്തിന്‍റെ ഭാഗമായി ഡബിള്‍ഡക്കര്‍ ബസ് ആലപ്പുഴയിലെത്തിക്കുന്നുണ്ട്. കൂടുതല്‍ പ്രചാരണത്തിനായി ഓട്ടോക്കാര്‍ക്ക് അവരുമായി ചര്‍ച്ചചെയ്ത് ബാഡ്ജിംഗ് സിസ്റ്റം നല്‍കാന്‍ ആര്‍ടിഒയ്ക്ക് നിര്‍ദ്ദേശം നല്‍കും.
നെഹ്റു ട്രോഫിയോട് അനുബന്ധിച്ചുള്ള പന്തലിന്‍റെ കാൽനാട്ടു കർമ്മം ജൂലൈ എട്ടാം തീയതി പുന്നമടയിലുള്ള ഫിനിഷിങ് പോയിന്‍റിൽ നടക്കും. ഈ വർഷത്തെ കളിവള്ളങ്ങളുടെ രജിസ്‌ട്രേഷൻ ജൂലൈ 10ാം തീയതി മുതൽ ജൂലൈ മാസം 20ാം തീയതി വരെ സബ് കളക്ടറുടെ ഓഫീസിൽ നടക്കും. നെഹ്റു ട്രോഫിയോട് അനുബന്ധിച്ചുള്ള ക്യാപ്റ്റൻസ് ക്ലിനിക് ജൂലൈ 26നാണ്.