மேஷம் ஆடி மாத ராசி பலன்
உங்கள் ராசிக்கு சூரியன் 4ம் வீடான சுக ஸ்தானத்தில் சஞ்சாரம் செய்ய உள்ளார். இதன் காரணமாக உங்களின் செயல்களில் முன்னேற்றம் பெறலாம். தொழில், வேலை தொடர்பான விஷயத்தில் நல்ல விஷயங்களும், உங்களுக்கு சலுகைகளும் கிடைக்கும். உங்களின் செயல்பாடு திருப்தியை தரும்.
உங்களின் நிதி நிலை சிறப்பாக இருக்கும். குடும்ப உறவில் இணக்கமான சூழல் இருக்கும். உறவுகளிடையே மகிழ்ச்சியான தருணத்தை காணலாம். ஆரோக்கியம் மேம்படும். எதையும் உறுதியான ஆற்றலுடன் செய்து முடிப்பீர்கள்.
பரிகாரம்- “ஓம் பாஸ்கராய நமஹ” என்று தினமும் 19 முறை ஜெபிக்கவும்.
மிதுனம் ஆடி மாத ராசி பலன்
மிதுன ராசிக்கு தன ஸ்தானத்தில் சூரிய பகவான் சஞ்சாரம் செய்ய உள்ளார். இதன் காரணமாக உங்களின் குடும்ப உறவுகள் மேம்படும். தொழில், வேலை தொடர்பான விஷயத்தில் அதிர்ஷ்டத்தின் ஆதரவைப் பெறுவீர்கள்.
நீங்கள் பணியாற்றும் துறையில் சிறப்பான திட்டமிடலும், உறுதியுடனும் வெற்றிக்காக செயல்படுவீர்கள். வணிக முயற்சிகளில் நல்ல லாபத்தை பெறலாம். வேலை தொடர்பான பயணங்கள் மேற்கொள்ளும் வாய்ப்புகள் இருக்கும். பயணன்க்கள் அனுகூலமாகப் பணத்தை குவிக்க உதவும்.
குடும்ப உறவுகளின் ஆதரவும், துணையின் அரவணைப்பு மகிழ்ச்சியைத் தரும். குடும்பத்துடன் உல்லாச பயணம் மேற்கொள்வீர்கள். ஆரோக்கியம் மேம்படும்.
பரிகாரம்- "ஓம் பிருஹஸ்பதயே நம" என்று தினமும் 21 முறை ஜபிக்கவும்.
கடகம் ஆடி மாத ராசி பலன்
கடக ராசியை சேர்ந்தவர்களுக்கு ஆடி மாதத்தில் உங்களின் பேச்சு, செயலில் நல்ல முன்னேற்றம் ஏற்படும். உங்களின் செல்வ நிலை சிறப்பாக இருக்கும். நிதி ஆதாயம் உண்டாகும். நிறைய லாபம் சம்பாதிக்க வாய்ப்பு கிடைக்கும். வியாபாரம் செய்யக்கூடியவர்கள் புதிய ஒப்பந்தங்கள் பெறலாம். நிதி சார்ந்த சிரமங்களை அனுபவித்தவர்களுக்கு அதில் இருந்து முன்னேற்றம் ஏற்படும்.
புத்திசாலித்தனமாக முதலீடு செய்வதன் மூலம் நல்ல லாபத்தை பெறலாம். உங்கள் பேச்சு மற்றும் செயலில் நேர்மறையான தாக்கத்தை பெறுவீர்கள். உங்கள் செயலில் முன்னேற்றமும், அதிர்ஷ்டமும் உங்களுக்கு சிறப்பாக கை கொடுக்கும்.
சிம்மம் ஆடி மாத ராசி பலன்
சிம்ம ராசி அதிபதி ஆனால் சூரிய பகவான் ராசியிலையே ஆட்சி, அதிபதியாக சஞ்சாரம் செய்வதால் உங்களுக்கு அதிர்ஷ்ட பலன் இரட்டிப்பாகும். உங்களின் துணிச்சல் அதிகரிக்கும். எந்த ஒரு காரியமும் வெற்றிகரமாக செய்து முடிக்க முடியும். பணியிடத்தில் உங்கள் வேலைக்கான அங்கீகாரம் கிடைக்கும். சமூகத்தில் மதிப்பு அதிகரிக்கும்.
நீங்கள் செய்யும் தொழில், வியாபாரத்தில் லாபத்தை பெறலாம். திருமணம் ஆனவர்களின் வாழ்க்கை மகிழ்ச்சியானதாக அமையும். திருமணத்திற்காக காத்திருப்பவர்களுக்கு நல்ல செய்தி தேடி வரும். வியாபாரத்தில் நிறைய லாபம் ஈட்ட வாய்ப்புள்ளது.
துலாம் ஆடி மாத ராசி பலன்
ஆடி மாதத்தில் துலாம் ராசிக்கு லாப அதிபதி, கர்ம ஸ்தானத்தில் சஞ்சரிக்க உள்ளார். இதன் காரணமாக வெளியூர், வெளிநாட்டு ஆதாரங்கள் மூலம் ஆதாயம் பெறலாம். உங்கள் வேலை சிறப்பாக முடிக்க முடியும். புதிய வாய்ப்புகளைப் பெறுவீர்கள்.
வணிகத்தில் கூட்டாளிகளின் ஆதரவைப் பெறுவீர்கள். நினைத்த லாபத்தைப் பெறலாம். குடும்ப உறவில் மகிழ்ச்சியும், துணையுடன் பிணைப்பும் இருக்கும். உங்களின் நிதி நிலை தொடர்பான விஷயத்தில் முன்னேற்றம் இருக்கும். ஆரோக்கியம் மேம்படும். எதையும் செய்து முடிப்பதற்கான உடல் தகுதி இருக்கும்.
பரிகாரம்- வெள்ளிக்கிழமை லட்சுமி குபேர பூஜை செய்யவும்.
தனுசு ஆடி மாத ராசி பலன்
தனுசு ராசி பிறந்தவர்களுக்கு பாக்கிய ஸ்தானத்தில் சூரியனின் ஆட்சி அதிபதியாக சஞ்சாரம் செய்வதால், உங்கள் வேலையில் அதிர்ஷ்டம் அதிகரிக்கும். தடைப்பட்ட உங்களின் வேலைகள் மீண்டும் தொடங்கி வெற்றியாக முடிவடையும். தனுசு ராசியினருக்கு வருமான உயர்வு ஏற்படும். குடும்பத்தில் இருந்த கவலைகள் தீரும்.
சூரியனின் அருளால் உங்களின் வருமானம் உயரும், சேமிக்க முடியும். வேலை தொடர்பாக புதிய வாய்ப்புகளைப் பெறுவீர்கள். வெளிநாடு செல்வதற்கான வாய்ப்புகளை பெறுவீர்கள். உங்களின் கடவுள் நம்பிக்கை அதிகரிக்கும். சந்தர்ப்பங்களைச் சரியாக பயன்படுத்திக் கொள்வீர்கள். ஆன்மீக நிகழ்ச்சிகளில் பங்கேற்கும் வாய்ப்புகளும், புனித ஸ்தலத்திற்குச் செல்லும் வாய்ப்பு கிடைக்கும்.