சிவகார்த்திகேயன் - எச்.வினோத் கூட்டணி
சமீபகாலமாக சிவகார்த்திகேயன் தேர்ந்தெடுக்கும் படங்கள் ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ளது. மாவீரன் என்ற வித்யாசமான திரைப்படத்தில் நடித்த சிவகார்த்திகேயன் தற்போது அமரன், SK23 போன்ற படங்களில் நடித்து வருகின்றார். இதைத்தொடர்ந்து முன்னணி இயக்குனர்களில் ஒருவரான எச்.வினோத்தின் இயக்கத்தில் ஒரு படத்தில் சிவகார்த்திகேயன் நடிக்க இருப்பதாகவும் தகவல்கள் வருகின்றன. அஜித்தின் ஆஸ்தான இயக்குனர்களில் ஒருவரான எச்.வினோத் அடுத்ததாக விஜய்யை வைத்து தளபதி 69 திரைப்படத்தை இயக்கவுள்ளார். இந்நிலையில் அடுத்ததாக சிவகார்த்திகேயனை வைத்து ஒரு படத்தை இயக்க கமிட்டாகியிருக்கின்றார் சிவகார்த்திகேயன்
லைன் அப்ஸ்
சிவகார்த்திகேயன் தற்போது ராஜ்குமார் பெரியசாமி இயக்கத்தில் கமலின் தயாரிப்பில் அமரன் என்ற திரைப்படத்தில் நடித்து வருகின்றார். இப்படம் சிவகார்த்திகேயனின் திரைப்பயணத்திலேயே மிக முக்கியமான ஒரு படமாக இருக்கும் என்றே தெரிகின்றது. இதையடுத்து ஏ.ஆர் முருகதாஸின் இயக்கத்தில் SK23 என அழைக்கப்படும் திரைப்படத்திலும் சிவகார்த்திகேயன் நடித்து வருகின்றார். இவ்விரு படங்களை தொடர்ந்து சிவகார்த்திகேயன் டான் பட இயக்குனர் சிபி சக்ரவர்த்தியின் இயக்கத்தில் தன் 24 ஆவது திரைப்படத்தில் நடிக்கயிருக்கின்றார். இந்நிலையில் சிவகார்த்திகேயன் சுதா கொங்காரா அல்லது வெங்கட் பிரபுவின் இயக்கத்தில் தன் 25 ஆவது திரைப்படத்தில் நடிக்கலாம் என எதிர்பார்க்கப்படுகின்றது
எச்.வினோத்தின் கண்டிஷன்
எச்.வினோத் பேஷன் ஸ்டுடியோஸ் தயாரிப்பில் ஒரு படத்தை இயக்கவுள்ளாராம். அப்படத்தில் சிவகார்த்திகேயன் தான் ஹீரோவாக நடிக்க இருக்கின்றார். ஏற்கனவே எச்.வினோத் சொன்ன கதை சிவகார்த்திகேயனுக்கு மிகவும் பிடித்துவிட்டதால் அவரும் எச்.வினோத் இயக்கத்தில் நடிக்க ஒப்புக்கொண்டுள்ளார். ஆனால் எச்.வினோத் அடுத்ததாக விஜய்யை வைத்து தளபதி 69 படத்தை இயக்கவுள்ளார். அதன் பிறகு தனுஷை வைத்து ஒரு படத்தையும் இயக்கவுள்ளார் எச்.வினோத். இவ்விரு படங்களையும் எச்.வினோத் ஏற்கனவே ஒப்புக்கொண்டதால் இப்படங்களை முடித்துக்கொண்டு தான் சிவகார்த்திகேயன் படத்தை துவங்க முடியும் என கூறியுள்ளாராம் எச்.வினோத். இதற்கு சிவகார்த்திகேயனும் ஓகே சொல்லியிருக்கின்றார் என தகவல் வந்துள்ளது
சிவகார்த்திகேயனின் திட்டம்
ஆரம்பகாலகட்டத்தில் காமெடி கலந்த கமர்ஷியல் படங்களாக நடித்து வந்து சிறந்த என்டர்டைனர் என்ற பெயரை பெற்றார் சிவகார்த்திகேயன். இதையடுத்து சில தோல்விகள் வந்த பிறகு வித்யாசமான கதைக்களங்களை தேர்ந்தெடுப்பது என முடிவெடுத்தார். அந்த வகையில் மாவீரன், அயலான் ஆகிய படங்களில் நடித்த சிவகார்த்திகேயன் தற்போது அமரன், SK23 ஆகிய படங்களில் நடித்து வருகின்றார். இப்படங்களை தொடர்ந்து சுதா கொங்காரா ,வெங்கட் பிரபு என அடுத்தடுத்து லைன் அப்களை வைத்திருக்கும் சிவகார்த்திகேயன் எச்.வினோத்தின் இயக்கத்திலும் தற்போது நடிக்க இருக்கின்றார். இந்நிலையில் இன்னும் இரண்டு அல்லது மூன்று வருடங்களில் சிவகார்த்திகேயன் ஒரு நடிகராக அடுத்தகட்டத்துக்கு செல்வார் என்பதில் எந்த சந்தேகமும் இல்லை என்பது குறிப்பிடத்தக்கது
