ഓഹരി വിപണിയിൽ മുന്നേറ്റം . സെൻസെക്സും നിഫ്റ്റിയും പുതിയ ഉയരങ്ങളിലെത്തി. സെൻസെക്സ് ഒരു ഘട്ടത്തിൽ 80,200 എന്ന ലെവലി ന് മുകളിൽ എത്തിയിരുന്നു. നിഫ്റ്റി 24,400 എന്ന ലെവലിന് മുകളിൽ ആണ് വ്യാപാരം. ഐസിഐസിഐ ബാങ്ക്, ഹിൻഡാൽകോ, എച്ച്സിഎൽ ടെക്, ടിസിഎസ്, ടാറ്റ മോട്ടോഴ്സ് തുടങ്ങിയ ഓഹരികൾ നേട്ടത്തിലാണ്. നിഫ്റ്റിയിൽ ഐടി സൂചിക മുന്നേറ്റം നടത്തുന്നു.
അതുപോലെ നിഫ്റ്റി മിഡ്‌ക്യാപ്, സ്‌മോൾക്യാപ് സൂചികകൾ പുതിയ ഉയരത്തിലെത്തി. കൂടാതെ, നിഫ്റ്റി ഐടി സൂചിക കൂടുതൽ നേട്ടമുണ്ടാക്കി. ആദ്യ ട്രേഡിംഗ് സെഷനിൽ നിഫ്റ്റി ഫാർമയാണ് ഏറ്റവും കൂടുതൽ നഷ്ടം നേരിട്ടത്.
യുഎസ് നിരക്ക് കുറച്ചേക്കും
യുഎസ് ബോണ്ട് വരുമാനം മൂന്ന് ദിവസത്തെ ഏറ്റവും താഴ്ന്ന നിലയിലേക്ക് ഇടിഞ്ഞു. ഈ വർഷം ഫെഡറൽ റിസർവ് നിരക്കുകൾ കുറയ്ക്കുന്നത് പരിഗണിച്ചേക്കും. സെപ്റ്റംബറോടെ നിരക്ക് കുറച്ചേക്കും എന്നാണ് സൂചന. നിഫ്റ്റി മിഡ്‌ക്യാപ് 100 സൂചിക 0.25 ശതമാനം ഉയർന്ന് 56,530.65 എന്ന ലെവലിൽ എത്തി. നിഫ്റ്റി സ്‌മോൾകാപ്പ് സൂചിക 0.16 ശതമാനം നേട്ടമുണ്ടാക്കി . നിഫ്റ്റി ഐടിക്കൊപ്പം നിഫ്റ്റി മെറ്റൽ, ഓട്ടോ, ഫാർമ , മീഡിയ എന്നീ മേഖലകളിലെ ഓഹരികളും നേട്ടമുണ്ടാക്കി.
ഏറ്റവും ഉയർന്ന നേട്ടമുണ്ടാക്കിയ ഓഹരികളിൽ ഹിൻഡാൽകോ ഇൻഡസ്‌ട്രീസ് , ഐസിഐസിഐ ബാങ്ക്, വിപ്രോ എന്നീ ഓഹരികളുണ്ട്. അതേസമയം എച്ച്ഡിഎഫ്‌സി ബാങ്ക്, സിപ്ല,ശ്രീറാം ഫിനാൻസ് എന്നീ ഓഹരികൾ ഇടിഞ്ഞു.
കേന്ദ്ര ബജറ്റ് ഉടൻ; ആദായ നികുതി സ്ലാബ് മാറുമോ എന്ന് നോക്കി ശമ്പള വരുമാനക്കാർ, കൂടുതൽ ആനുകൂല്യങ്ങൾ പ്രതീക്ഷിച്ച് കർഷകർഹഡ്കോ ഓഹരികളിലും മികച്ച മുന്നേറ്റം
എൻഎസ്ഇയിൽ ഇന്ന് ഹഡ്കോ ഓഹരി വില 6.31 ശതമാനം വരെ ഓഹരി വില ഉയ‍ർന്നു. ഇന്ന് 321 രൂപ വരെയാണ് ഓഹരി വില ഉയ‍ർന്നത് . ഉച്ചയോടെ 320 രൂപ നിരക്കിൽ ആയിരുന്നു വ്യാപാരം. ഹഡ്കോയുടെ മൊത്തം വിപണി മൂല്യം 63,830.58 കോടി രൂപയിൽ എത്തി. ബിഎസ് യിൽ ഹഡ്കോ 52 ആഴ്ചയിലെ ഉയർന്ന നിരക്കിൽ എത്തി. 325.75 രൂപിലാണ് ഓഹരി വില എത്തിയത്.
സെൻസെക്സ് ഒരു ലക്ഷം ലെവൽ തൊടുമോ?
ഇതേ മുന്നേറ്റം തുടർന്നാൽ 2025 ഡിസംബറോടെ സെൻസെക്സ് ഒരു ലക്ഷം തൊട്ടേക്കും എന്നാണ് സൂചന. ഏഴു മാസത്തിനുള്ളിൽ 70,000 എന്ന ലെവലിൽ നിന്ന് 80,000 എന്ന ലെവലിലേക്ക് സെൻസെക്സ് കുതിച്ചിരുന്നു. ഇതേ മുന്നേറ്റം തുടർന്നാൽ 2025 ഡിസംബറിൽ തന്നെ ഒരു ലക്ഷം ലെവൽ എന്ന നാഴികക്കല്ല് താണ്ടാനാകും എന്ന് നിരീക്ഷകർ ചൂണ്ടിപ്പിക്കുന്നു.
