കടലമാവ്
ചർമ്മത്തിന് ഏറ്റവും മികച്ചതാണ് കടലമാവ്. ചർമ്മത്തിൻ്റെ തിളക്കം കൂട്ടാനും അതുപോലെ നല്ല രീതിയിൽ കേടുപാടുകൾ പറ്റിയ ചർമ്മത്തെ പുനരുജ്ജീവിപ്പിക്കാനും കടലമാവ് സഹായിക്കും. സൺ ടാൻ പോലെയുള്ള പ്രശ്നങ്ങൾ മാറ്റാൻ കടലമാവ് വളരെ അനുയോജ്യമാണ്. ചർമ്മത്തിലെ അമിതമായ എണ്ണമയം കുറച്ച് നല്ല തിളക്കം കൂട്ടാൻ കടലമാവ് സഹായിക്കും. മുഖക്കുരു പോലെയുള്ള പ്രശ്നങ്ങൾ മാറ്റാനും ഇത് വളരെ മികച്ചതാണ്.
ചുവന്ന പരിപ്പ്
ധാരാളം എക്സ്ഫോളിയേറ്റിങ് ഗുണങ്ങൾ ഉള്ളതാണ് ചുവന്ന പരിപ്പ്. ആരോഗ്യത്തിനും അതുപോലെ ചർമ്മത്തിനും ചുവന്ന പരിപ്പ് ഏറെ സഹായിക്കാറുണ്ട്. ആൻ്റി ഓക്സിഡൻ്റുകളും ആൻ്റി ഇൻഫ്ലമേറ്ററി ഗുണങ്ങളാലും സമ്പുഷ്ടമാണ് ചുവന്ന പരിപ്പെന്ന് തന്നെ പറയാം. ചർമ്മത്തിലെ മൃതകോശങ്ങളെ പുറന്തള്ളി ചർമ്മത്തെ പുനരുജ്ജീവിപ്പിക്കാൻ ഇത് ഏറെ സഹായിക്കും. സൺ ടാൻ പോലെയുള്ള പ്രശ്നങ്ങൾ മാറ്റാൻ ഇത് ഏറെ നല്ലതാണ്. മാത്രമല്ല മുഖക്കുരു മാറ്റി ചർമ്മ നല്ല വ്യത്തിയാക്കി വയ്ക്കാനും ചുവന്ന പരിപ്പ് സഹായിക്കും.
പാൽ
ചർമ്മ സംരക്ഷണത്തിന് ഏറെ നല്ലതാണ് പാൽ. ഇതൊരു ടോണറായി പ്രവർത്തിക്കാറുണ്ട്. കാച്ചാത്ത പാൽ വേണം ചർമ്മത്തിൽ എപ്പോഴും ഉപയോഗിക്കാൻ. ചർമ്മത്തിന് നല്ല തിളക്കം നൽകാനും അതുപോലെ ചർമ്മത്തിലെ നിറ വ്യത്യാസം മാറ്റാനും പാൽ സഹായിക്കും. മൃതകോശങ്ങളെ പുറന്തള്ളി ചർമ്മത്തിന് പുനരുജ്ജീവൻ നൽകാൻ പാൽ മികച്ചതാണ്. ചർമ്മത്തിന് യുവത്വം നിലനിർത്താൻ, പാടുകൾ മാറ്റാൻ, മുഖക്കുരു ഇല്ലാതാക്കാൻ, മോയ്ചറൈസ് ചെയ്യാനൊക്കെ പാൽ വളരെ നല്ലതാണ്.
അരി
അരിയും അരി കഴുകിയ വെള്ളവുമൊക്കെ ചർമ്മത്തിനും മുടിയ്ക്കുമൊക്കെ ധാരാളം ഗുണം ചെയ്യാറുണ്ട്. പൊതുവെ കൊറിയക്കാരുടെ ചർമ്മ സംരക്ഷണത്തിലെ പ്രധാനിയാണ് അരി. ചർമ്മത്തിൻ്റെ യുവത്വം വീണ്ടെടുക്കാൻ അരി വളരെ നല്ലതാണ്. ചർമ്മത്തിന് തിളക്കം കൂട്ടാനും അതുപോലെ പാടുകൾ മാറ്റാനും അരിയ്ക്ക് കഴിയും. കറുത്ത പാടുകൾ, പിഗ്മൻ്റേഷൻ, എണ്ണമയം എന്നിവയ്ക്കുള്ള പരിഹാരമാണ് അരി.
ചിയ സീഡ്സ്
ആരോഗ്യത്തിന് ചിയ സീഡ്സ് നൽകുന്ന ഗുണങ്ങൾ ധാരാളമാണ്. അതുപോലെ ചർമ്മത്തിനും ചിയ സീഡ്സ് ഏറെ നല്ലതാണ്. വൈറ്റമിൻ ഇ, സിങ്ക്, നിയാസിനമൈഡ് എന്നിവയൊക്കെ ചിയ സീഡ്സിൽ അടങ്ങിയിട്ടുണ്ട്. ചർമ്മത്തിന് ആവശ്യമായ ജലാംശം നൽകാനും ചർമ്മത്തിൻ്റെ മങ്ങൽ പോലെയുള്ള പ്രശ്നങ്ങൾ മാറ്റാനും ചിയ സീഡ്സ് ഏറെ സഹായിക്കും. കൂടാതെ വരണ്ട ചർമ്മം, ചർമ്മം പൊരിഞ്ഞ് ഇളകുന്നത് പോലെയുള്ള പ്രശ്നങ്ങൾക്കുള്ള പരിഹാരമാണ് ചിയ സീഡ്സ്. വീക്കവും അതുപോലെ ചുവപ്പും പോലെയുള്ള പ്രശ്നങ്ങൾ മാറ്റാനും ചിയ സീഡ്സ് നല്ലതാണ്.
പായ്ക്ക് തയാറാക്കാനായി
ഒരു ടേബിൾ സ്പൂൺ അരിയും ഒരു ടേബിൾ സ്പൂൺ ചുവന്ന പരിപ്പും അൽപ്പം ചിയ സീഡ്സും തിളപ്പിക്കാത്ത പാലിൽ കുതിർത്ത് വയ്ക്കുക. രാത്രി മുഴുവനോ അല്ലെങ്കിൽ 5 മുതൽ 6 മണിക്കൂറോ കുതിർത്ത് വയ്ക്കാൻ ശ്രമിക്കുക. അതിന് ശേഷം ഇത് നന്നായി അരച്ച് എടുക്കാം. ഇനി ഇതിലേക്ക് ഒരു ടേബിൾ സ്പൂൺ കടലാവ് കൂടി ചേർത്ത് യോജിപ്പിക്കുക. ഇത് മുഖത്തിട്ട് 20 മിനിറ്റ് കഴിഞ്ഞ് കഴുകി വ്യത്തിയാക്കാം.