മുടി കൊഴിച്ചിൽ പാടെ മാറ്റിയെടുക്കാൻ സവാള കൊണ്ടൊരു ഹെയർ മാസ്ക്

മുടിയ്ക്കും ചർമ്മത്തിനും ഏറെ നല്ലതാണ് റോസ് വാട്ടർ. ഇത് പല രീതിയിലാണ് പ്രവർത്തിക്കുന്നത്. താരനും അതുപോലെ അമിതമായ എണ്ണമയവും മാറ്റാൻ റോസ് വാട്ടർ ഏറെ നല്ലതാണ്. വൈറ്റമിൻ എ, സി, ഇ, ബി 3 എന്നിവയെല്ലാം ഇതിൽ അടങ്ങിയിട്ടുണ്ട്. വരണ്ട മുടിയെ മൃദുവാക്കാൻ റോസ് വാട്ടർ വളരെ നല്ലതാണ്. സ്പ്രെയായും മാസ്കായുമൊക്കെ റോസ് വാട്ടർ മുടിയിൽ ഉപയോഗിക്കാവുന്നതാണ്. ഹെയർ കെയറിലേക്ക് റോസ് വാട്ടർ ഉൾപ്പെടുത്തുന്നത് പല തരത്തിലുള്ള ഗുണങ്ങളാണ് നൽകുന്നത്. ചർമ്മത്തിലെ പോലെ മുടിയ്ക്കും വളരെ നല്ലതാണ് റോസ് വാട്ടർ.

മുടി കൊഴിച്ചിൽ മാറ്റി മുടി വളർത്താൻ ഏറെ നല്ലതാണ് സവാള. ഇതിൽ അടങ്ങിയിരിക്കുന്ന പല ഘടകങ്ങളും മുടിയ്ക്ക് ഏറെ പ്രധാനമാണ്. മുടിയിഴകളിൽ ആഴ്ന്ന് ഇറങ്ങി മുടിയെ വേരിൽ നിന്ന് പോഷിപ്പിക്കാൻ സവാള സഹായിക്കും. ഇതിൽ അടങ്ങിയിട്ടുള്ള സൾഫറാണ് മുടി വളർച്ച പ്രോത്സാഹിപ്പിക്കുന്നത്. കൊളജൻ ഉത്പ്പാദനം കൂട്ടാനും സവാളയിലെ സൾഫർ സഹായിക്കും. മാത്രമല്ല കൊളാജൻ്റെ ഉത്പ്പാദനം, ആരോഗ്യമുള്ള കോശങ്ങളെ നിർമ്മിക്കുകയും മുടി വളർത്തുകയും ചെയ്യുന്നു.

മുടിയുടെ ഉറ്റ സുഹൃത്താണ വെളിച്ചെണ്ണ. പണ്ട് കാലം മുതലെ മുത്തശിമാർ കാച്ചിയ വെളിച്ചെണ്ണ മുടിയിൽ തേയ്ക്കുന്നത് പതിവാണ്. മുടിയെ നന്നായി മോയ്ചറൈസ് ചെയ്യാനും മുടിയുടെ കേടുപാടുകൾ പാടെ ഇല്ലാതാക്കാനും വെളിച്ചെണ്ണ ഏറെ സഹായിക്കും. മുടി ബാഹ്യ പ്രശ്നങ്ങളിൽ നിന്ന് സംരക്ഷിക്കാൻ വെളിച്ചെണ്ണ വളരെ നല്ലതാണ്. മുടിയിഴകളിൽ ആഴത്തിൽ ഇറങ്ങി പരിചരിക്കാൻ വെളിച്ചെണ്ണയ്ക്ക് കഴിയും.

ഇതിനായി ഒരു വലിയ സവാള നന്നായി മിക്സിയിലിട്ട് അരച്ച് എടുക്കുക. ഇനി ഇതിലേക്ക് ഒരു ടേബിൾ സ്പൂൺ വെളിച്ചെണ്ണയും ഒരു ടീ സ്പൂൺ റോസ് വാട്ടറും ചേർത്ത് യോജിപ്പിക്കുക. ഇത് നന്നായി മിക്സ് ചെയ്ത് എടുക്കണം. ഇനി മുടി തലയോട്ടിയിൽ വിവിധ പാർട്ടുകളായി എടുത്ത് വേരിൽ നിന്നും മുടിയിഴകളിലേക്ക് ഈ മാസ്ക് തേച്ച് പിടിപ്പിക്കുക. അഞ്ച് മിനിറ്റ് മാസ്കിട്ട് നന്നായി തലയോട്ടി മസാജ് ചെയ്യണംയ ഒരു 30 മിനിറ്റ് വച്ച ശേഷം ഇത് കഴുകി വ്യത്തിയാക്കാം. ആഴ്ചയിൽ ഒരിക്കൽ ഇങ്ങനെ ചെയ്യുന്നത് താരനും മുടികൊഴിച്ചിലും മാറ്റിയെടുക്കാൻ ഏറെ സഹായിക്കും.