അതേ സമയം ലോകകപ്പ് അവസാനിച്ചതിന് പിന്നാലെ അന്താരാഷ്ട്ര ക്രിക്കറ്റ് കൗൺസിൽ (ഐസിസി) ടീം ഓഫ് ദി ടൂർണമെന്റ് പ്രഖ്യാപിച്ചു. കിരീട ജേതാക്കളായ ഇന്ത്യയുടെ ആറ് താരങ്ങളാണ് ഈ ടീമിൽ ഇടം പിടിച്ചത്. ഐസിസിയുടെ ലോകകപ്പിലെ മികച്ച ടീം എങ്ങനെയാണെന്ന് നോക്കാം.
ബാറ്റർമാർ
![ബാറ്റർമാർ ബാറ്റർമാർ](https://static.langimg.com/thumb/111413279/samayam-malayalam-111413279.jpg?imgsize=56996&width=680&resizemode=3)
ലോകകപ്പിൽ ഇന്ത്യയെ കിരീടത്തിലേക്ക് നയിച്ച രോഹിത് ശർമ ഐസിസി ടീം ഓഫ് ദി ടൂർണമെന്റിലുണ്ട്. എട്ട് കളികളിൽ 257 റൺസാണ് ഈ ലോകകപ്പിൽ രോഹിത് നേടിയത്. ലോകകപ്പിലെ റൺ വേട്ടയിൽ ഇക്കുറി ഒന്നാമതുള്ള അഫ്ഗാനിസ്താൻ താരം റഹ്മനുള്ള ഗുർബാസും ഈ ടീമിലുണ്ട്. എട്ട് കളികളിൽ 281 റൺസാണ് താരം ഇക്കുറി നേടിയത്. ലോകകപ്പിൽ ഏഴ് കളികളിൽ 228 റൺസ് നേടിയ വെസ്റ്റിൻഡീസിന്റെ നിക്കോളാസ് പുറാനും, എട്ട് കളികളിൽ 199 റൺസെടുത്ത സൂര്യകുമാർ യാദവും ഐസിസിയുടെ ടീം ഓഫ് ദി ടൂർണമെന്റിൽ ഇടം പിടിച്ചു.
ഓൾറൗണ്ടർമാർ
![ഓൾറൗണ്ടർമാർ ഓൾറൗണ്ടർമാർ](https://static.langimg.com/thumb/111413281/samayam-malayalam-111413281.jpg?imgsize=68400&width=680&resizemode=3)
ഓസ്ട്രേലിയയുടെ മാർക്കസ് സ്റ്റോയിനിസാണ് ടീം ഓഫ് ദി ടൂർണമെന്റിലെ പ്രധാന ഓൾ റൗണ്ടർമാരിൽ ഒരാൾ. ഇക്കുറി ഓസ്ട്രേലിയ സെമിയിൽ എത്തിയില്ലെങ്കിലും മികച്ച പ്രകടനമായിരുന്നു സ്റ്റോയിനിസിന്റേത്. ടൂർണമെന്റിലുടനീളം തിളങ്ങിയ ഇന്ത്യൻ താരങ്ങളായ അക്സർ പട്ടേലും, ഹാർദിക് പാണ്ഡ്യയുമാണ് ഈ ടീമിലെ മറ്റ് ഓൾ റൗണ്ടർമാർ.
സഞ്ജുവിന് പുതിയ വഴി തെളിയുന്നു
ബോളർമാർ
![ബോളർമാർ ബോളർമാർ](https://static.langimg.com/thumb/111413283/samayam-malayalam-111413283.jpg?imgsize=51842&width=680&resizemode=3)
എട്ട് കളികളിൽ 14 വിക്കറ്റുകൾ വീഴ്ത്തിയ അഫ്ഗാനിസ്താൻ നായകൻ റാഷിദ് ഖാൻ ഐസിസിയുടെ ടീം ഓഫ് ദി ടൂർണമെന്റിൽ ഇടം നേടിയിട്ടുണ്ട്. ഇത്തവണത്തെ ലോകകപ്പിലെ ഉയർന്ന വിക്കറ്റ് വേട്ടക്കാരനായ ഫസൽഹഖ് ഫാറൂഖിയും, വിക്കറ്റ് വേട്ടയിൽ രണ്ടാമതുള്ള ഇന്ത്യയുടെ അർഷ്ദീപ് സിങ്ങും ഈ ടീമിലുണ്ട്. ഇടം കൈയ്യൻ പേസർമാരായ ഫാറൂഖിയും അർഷ്ദീപ് സിങ്ങും എട്ട് കളികളിൽ നിന്ന് 17 വിക്കറ്റുകൾ വീതമാണ് ഇത്തവണ ടി20 ലോകകപ്പിൽ നേടിയത്.
ടൂർണമെന്റിന്റെ കേമനായി തെരഞ്ഞെടുക്കപ്പെട്ട ഇന്ത്യയുടെ ജസ്പ്രിത് ബുംറയും ഈ ടീമിലെ പ്രധാനിയാണ്. എട്ട് കളികളിൽ 15 വിക്കറ്റുകളാണ് ഈ ലോകകപ്പിൽ ബുംറ വീഴ്ത്തിയത്. ദക്ഷിണാഫ്രിക്കയുടെ എക്സ്പ്രസ് പേസറായ ആൻറിച്ച് നോർക്കിയയെ ടീം ഓഫ് ദി ടൂർണമെന്റിൽ പന്ത്രണ്ടാമനായും ഐസിസി ഉൾപ്പെടുത്തിയിട്ടുണ്ട്.
ടീം ഓഫ് ദി ടൂർണമെന്റ് ഇങ്ങനെ
![ടീം ഓഫ് ദി ടൂർണമെന്റ് ഇങ്ങനെ ടീം ഓഫ് ദി ടൂർണമെന്റ് ഇങ്ങനെ](https://static.langimg.com/thumb/111413284/samayam-malayalam-111413284.jpg?imgsize=120576&width=680&resizemode=3)
രോഹിത് ശർമ
റഹ്മനുള്ള ഗുർബാസ്
നിക്കോളാസ് പുറാൻ
സൂര്യകുമാർ യാദവ്
മാർക്കസ് സ്റ്റോയിനിസ്
ഹാർദിക് പാണ്ഡ്യ
അക്സർ പട്ടേൽ
റാഷിദ് ഖാൻ
ജസ്പ്രിത് ബുംറ
അർഷ്ദീപ് സിങ്
ഫസൽഹഖ് ഫാറൂഖി
ആൻറിച്ച് നോർക്കിയ (പന്ത്രണ്ടാമൻ)