மக்களவைத் தேர்தல் தொகுதிகள் 2024

மக்களவை என்பது இந்திய நாடாளுமன்றத்தின் கீழவை. மக்களால் தேர்வு செய்யப்படும் பிரதிநிதிகள் மக்களவையில் நடைபெறும் கூட்டத்தொடர்களில் பங்கேற்பர். இந்த அவையில் மொத்த உறுப்பினர்களின் எண்ணிக்கை 543. இதுதவிர இரண்டு பேர் நியமன உறுப்பினர்களாக இடம்பெறுவர். இவர்களை குடியரசு தலைவர் நியமனம் செய்வார். 543 தொகுதிகள் என்பது இந்திய மாநிலங்களில் உள்ள மக்களவை தொகுதிகளின் மொத்த எண்ணிக்கை. மக்கள்தொகைக்கு ஏற்ப தொகுதிகள் உருவாக்கப்பட்டு உறுப்பினர்களின் எண்ணிக்கை நிர்ணயம் செய்யப்படுகிறது. 5 ஆண்டுகளுக்கு ஒருமுறை மக்களவை தேர்தல் நடத்தப்படும். குறைந்தது 272 தொகுதிகளில் வெற்றி பெறும் அரசியல் கட்சியே மத்தியில் ஆட்சி அமைக்கும். அந்த கட்சி எம்.பிக்கள் தேர்வு செய்யும் மக்களவை தலைவரே பிரதமராக பொறுப்பேற்றுக் கொள்வார். தற்போது நடைபெற்று வரும் 17வது மக்களவையின் பதவிக் காலம் ஜூன் 16, 2024 உடன் நிறைவு பெறுகிறது. அதற்கு முன்னதாக தேர்தல் நடத்த இந்திய தேர்தல் ஆணையம் நடவடிக்கை எடுத்து வருகிறது.