ஸ்ரீபெரும்புதூர் மக்களவைத் தேர்தல் முடிவுகள் 2024 (Sriperumbudur constituency lok sabha election 2024)

ஸ்ரீபெரும்புதூர் மக்களவைத் தேர்தல் தகவல்

ஸ்ரீபெரும்புதூர் மக்களவை தொகுதி காஞ்சிபுரம் மாவட்டத்தில் அமைந்துள்ளது. இந்த தொகுதி தமிழகத்தில் மொத்தம் உள்ள 39 தொகுதிகளில் 5வது தொகுதியாகும். அதுமட்டுமின்றி தமிழகத்தில் உள்ள மிகப்பெரிய தொகுதிகளில் ஒன்றாகவும் அதிக வாக்காளர்களை கொண்ட தொகுதியாகவும் ஸ்ரீபெரும்புதூர் தொகுதி உள்ளது. இந்த ஸ்ரீபெரும்புதூர் தொகுதி சென்னை மாநகராட்சியில் உள்ள ஆலந்தூர் பகுதியையும் சென்னை புறநகர் பகுதிகளையும் கொண்டு உருவாக்கப்பட்டது.

சென்னையில் இருந்து 33 கிலோ மீட்டர் தொலைவில் அமைந்துள்ள ஸ்ரீபெரும்புதூர் மக்களவை தொகுதியில் மதுரவாயல், அம்பத்தூர், ஆலந்தூர், ஸ்ரீபெரும்புதூர், பல்லாவரம், தாம்பரம் என மொத்தம் 6 சட்டமன்ற தொகுதிகள் இடம் பெற்றுள்ளன. நீண்ட ஆண்டுகள் (ரிசர்வ்) தனி தொகுதியாக இருந்த இந்த தொகுதி, மறுசீரமைப்புக்கு பிறகு பொதுத்தொகுதியாக மாற்றப்பட்டடது.

ஸ்ரீபெரும்புதூர் தொகுதி கடந்த 2019 ஆம் ஆண்டு வரை 17 மக்களவை தேர்தல்களை சந்தித்துள்ளது. 2019 ஆம் ஆண்டு நடைபெற்ற மக்களவை தேர்தலில் திமுகவின் மூத்த தலைவரான டிஆர் பாலு இந்த தொகுதியில் போட்டியிட்டு வெற்றி பெற்றார். அதற்கு முன்பு 2014ஆம் ஆண்டு நடைபெற்ற தேர்தலில் அதிமுகவைச் சேர் கேஎன் ராமச்சந்திரன் வெற்றி பெற்றார். 1967 ஆம் ஆண்டுக்கு பிறகு நடைபெற்ற தேர்தல்களில் 8 முறை திமுக வெற்றிபெற்றுள்ளது.

அதிமுக மற்றும் காங்கிரஸ் கட்சிகள் தலா மூன்று முறை வெற்றிபெற்றுள்ளன. இந்த தொகுதியில் திமுக, 1967, 1971, 1980, 1996, 1999, 2004, 2009 மற்றும் 2019 ஆகிய மக்களவை தேர்தல்களில் திமுக வெற்றி பெற்றுள்ளது. காங்கிரஸ் கட்சியின் மரகதம் சந்திரசேகர் 1984, 1989 மற்றும் 1991 ஆகிய மூன்று மக்களவை தேர்தல்களிலும் தொடர்ந்து வெற்றி பெற்றுள்ளார். 1977, 1998, 2014 ஆகிய தேர்தல்களில் அதிமுக வேட்பாளர்கள் வெற்றி பெற்றுள்ளனர்.

மக்களவைத் தேர்தல் 1967 - சிவசங்கரன்- திமுக
மக்களவைத் தேர்தல் 1971- டிஎஸ் லட்சுமணன் - திமுக
மக்களவைத் தேர்தல் 1977 - சீராளன் ஜெகன்னாதன் - அதிமுக
மக்களவைத் தேர்தல் 1980 - நாகரத்தினம் - திமுக
மக்களவைத் தேர்தல் 1984 - மரகதம் சந்திரசேகர் - காங்கிரஸ்
மக்களவைத் தேர்தல் 1989 - மரகதம் சந்திரசேகர் - காங்கிரஸ்
மக்களவைத் தேர்தல் 1991 - மரகதம் சந்திரசேகர் - காங்கிரஸ்
மக்களவைத் தேர்தல் 1996 - நாகரத்தினம் - திமுக
மக்களவைத் தேர்தல் 1998 - டாக்டர் வேணுகோபால் - அதிமுக
மக்களவைத் தேர்தல் 1999 - அ . கிருஷ்ணசாமி - திமுக
மக்களவைத் தேர்தல் 2004 - அ . கிருஷ்ணசாமி - திமுக
மக்களவைத் தேர்தல் 2009 - டிஆர் பாலு - திமுக
மக்களவைத் தேர்தல் 2014 - கேஎன் ராமச்சந்திரன் - அதிமுக
மக்களவைத் தேர்தல் 2019 - டிஆர் பாலு - திமுக

கடந்த 2019 ஆம் ஆண்டு நடைபெற்ற மக்களவைத் தேர்தலின் போது 11 லட்சத்து 2 ஆயிரத்து 231 ஆண் வாக்காளர்கள் இருந்தனர். 11 லட்சத்து 8 ஆயிரத்து 288 பெண் வாக்காளர்களும் உள்ளனர். 332 மூன்றாம் பாலினத்தவர்கள் இடம் பெற்றிருந்தனர். தற்போது 5 ஆண்டுகள் ஆகியுள்ளதால் வாக்காளர்களின் எண்ணிக்கை மேலும் கூடியிருக்கும் என எதிர்பார்க்கப்படுகிறது.

கடந்த மக்களவை தேர்தலில் ஸ்ரீபெரும்புதூர் தொகுதியில் திமுக, பாமக, மக்கள் நீதி மய்யம், நாம் தமிழர் கட்சி மற்றும் அமமுக ஆகிய கட்சிகள் போட்டியிட்டன. இதில் திமுக 7,93,281 வாக்குகளும் பாமக 2,85,326 வாக்குகளும், மக்கள் நீதி மய்யம் கட்சி 1,35,525 வாக்குகளும் பெற்றுள்ளன. நாம் தமிழர் கட்சி 84,979 வாக்குகளை பெற்றது. அம்மா மக்கள் முன்னேற்ற கட்சி 41,497 வாக்குகளை பெற்றது. நோட்டாவுக்கு 23,343 வாக்குகள் கிடைத்தன.

ஸ்ரீபெரும்புதூர் மற்றும் அம்பத்தூர் ஆகிய பகுதிகளில் கார் தொழிற்சாலைகள், மொபைல் போன் தொழிற்சாலைகள் போன்றவை உள்ளன. ஸ்ரீபெரும்புதூர் தொழில் நகரமாகவும் உள்ளது. டெல் நிறுவனத்தின் கம்ப்யூட்டர் மற்றும் லேப்டாப் உற்பத்தி தொழிற்சாலை ஸ்ரீபெரும்புதூரில் இயங்கி வருகிறது. இதேபோல் ஹுண்டாய் கார் தொழிற்சாலையும், ஜெ கெ டயர்ஸ், செயிண்ட் கோபைன் பெயிண்ட் நிறுவனம், ஃபாக்ஸ்கான் மற்றும் சாம்சங் ஃபிரிட்ஜ் உற்பத்தி தொழிறுசாலைகள் ஆகியவை செயல்பட்டு வருகின்றன.

இவற்றில் ஆயிரக்கணக்கானோர் பணியாற்றி வருகின்றனர். தமிழ்நாட்டை சேர்ந்த தொழிலாளர்கள் மட்டுமின்றி பல்வேறு வெளி மாநிலங்களை சேர்ந்த தொழிலாளர்களும் பணியாற்றி வருகின்றனர். ஸ்ரீபெரும்புதூம்புர் மக்களவைக்கு உட்பட்ட மதுரவாயல் சட்டமன்ற தொகுதி தற்போது திமுக வசம் உள்ளது. திமுக சட்டமன்ற உறுப்பினராக கணபதி உள்ளார். அம்பத்தூர் சட்டமன்ற தொகுதியில் திமுகவிடம் தான் உள்ளது. ஜோசப் சாமுவேல் திமுக சட்டமன்ற உறுப்பினராக உள்ளார்.

ஆலந்தூர், பல்லாவரம் மற்றும் தாம்பரம் தொகுதிகளும் திமுக வசம்தான் உள்ளது. ஆலந்தூர் தொகுதி சட்டமன்ற உறுப்பினராக தாமோ அன்பரசனும், பல்லாவரம் தொகுதி சட்டமன்ற உறுப்பினராக ஐ கருணாநிதியும், தாம்பரம் தொகுதி உறுப்பினராக எஸ்ஆர் ராஜாவும் உள்ளனர். ஸ்ரீபெரும்புதூர் தொகுதி காங்கிரஸ் வசம் உள்ளது. அந்த தொகுதியின் சட்டமன்ற உறுப்பினராக செல்வபெருந்தொகை செல்வபெருந்தகை உள்ளார்.

திருவள்ளூர் | வட சென்னை | அரக்கோணம் | காஞ்சிபுரம் | தென் சென்னை | மத்திய சென்னை | சிதம்பரம் | கோயம்புத்தூர் | கடலூர் | தர்மபுரி | தூத்துக்குடி | கன்னியாகுமரி | கிருஷ்ணகிரி | மதுரை | மயிலாடுதுறை | தேனி | திருவண்ணாமலை | நீலகிரி | நாமக்கல் | ஈரோடு | விழுப்புரம் | கள்ளக்குறிச்சி | திருப்பூர் | இராமநாதபுரம் | ஆரணி | சேலம் | சிவகங்கை | ஸ்ரீபெரும்புதூர் | தென்காசி | தஞ்சாவூர் | திருநெல்வேலி | வேலூர்