தஞ்சாவூர் மக்களவைத் தேர்தல் முடிவுகள் 2024 (Thanjavur constituency lok sabha election results 2024)

தஞ்சாவூர் மக்களவைத் தேர்தல் தகவல்

விவசாயத்தை முக்கிய தொழிலாக கொண்ட தொகுதி இந்த தஞ்சாவூர் தொகுதி. காவிரி டெல்டா பகுதியின் முக்கிய அங்கமாக உள்ளது. நெற்களஞ்சியமாக போற்றப்படுகிறது. சோழ பேரரசின் தலைநகரமாக விளங்கிய தஞ்சை தமிழரின் கட்டிடக்கலையை பறைசாற்றும் நகரமாகவும் திகழ்கிறது. சோழர் காலத்தில் கட்டப்பட்ட வானூயர்ந்த கோவில்களையும் மன்னர் கால அரண்மனைகளையும் கொண்டு கம்பிரமாக ஏந்தி நிற்கிறது. ராஜராஜ சோழனால் கட்டப்பட்ட உலகப்புகழ்பெற்ற தஞ்சை பெருவுடையார் கோயில் தஞ்சாவூருக்கு கூடுதல் சிறப்பு.

தஞ்சாவூர் மக்களவைத் தொகுதியில் முன்பு ஒரத்தநாடு, திருவோணம், தஞ்சாவூர், திருவையாறு, பாபநாசம், வலங்கைமான் (தனி) ஆகிய 6 சட்டசபைத் தொகுதிகள் இடம்பெற்றிருந்தன. அதன்பிறகு புதுக்கோட்டை மக்களவைத் தொகுதியில் இடம் பெற்றிருந்த பட்டுக்கோட்டை மற்றும் பேராவூரணி தொகுதிகள் தஞ்சாவூர் மக்களவைத் தொகுதியில் புதிதாக இடம் பெற்றன. இதேபோல் நாகப்பட்டினம் மக்களவைத் தொகுதியில் இடம் பெற்றிருந்த மன்னார்குடி தொகுதி தஞ்சாவூர் மக்களவைத் தொகுதியில் இடம் பெற்றது.

மேலும் தஞ்சாவூர் தொகுதியில் இருந்த திருவோணம், பாபநாசம், வலங்கைமான் ஆகிய தொகுதிகள் நீக்கப்பட்டன. தற்போது தஞ்சாவூர் மக்களவைத் தொகுதியில் மன்னார்குடி, திருவையாறு, தஞ்சாவூர், ஒரத்தநாடு, பட்டுக்கோட்டை, பேராவூரணி ஆகிய 6 தொகுதிகள் இடம்பெற்றுள்ளன. இந்த 6 சட்டமன்றத் தொகுதிகளும், பொது தொகுதிகள் ஆகும்.

அரசியலை பொறுத்தவரை திமுகவுக்கு வலு சேர்க்கும் தொகுதியாக தஞ்சாவூர் மக்களவை தொகுதி உள்ளது. இந்த தொகுதியில் திமுக அசைக்க முடியாத சக்தியாக உள்ளது. திமுகவின் முன்னாள் மத்திய அமைச்சர் பழனி மாணிக்கம் தொடர்ந்து 5 முறை தஞ்சாவூர் மக்களவை தொகுதி உறுப்பினராக இருந்துள்ளார். காங்கிரஸ் கட்சியின் மூத்த தலைவர்களான சிங்கார வடிவேல், துளசி அய்யா வாண்டையார் போன்றவர்களை எம்பிக்கள் தந்துள்ளது இந்த தஞ்சாவூர் மக்களவைத் தொகுதி.

மக்களவைத் தேர்தல் 1952 - இரா. வெங்கட்ராமன் - காங்கிஸ்
மக்களவைத் தேர்ல் 1957-இரா. வெங்கட்ராமன் - காங்கிரஸ்
மக்களவைத் தேர்தல் 1962 -வைரவத்தேவர் - காங்கிரஸ்
மக்களவைத் தேர்தல் 1967- கோபாலர் - திமுக
மக்களவைத் தேர்தல் 1971-எஸ்.டி.சோமசுந்தரம் - திமுக
மக்களவைத் தேர்தல் 1977 - எஸ்.டி.சோமசுந்தரம் -அதிமுக
மக்களவைத் தேர்தல் 1979 - (இடைத்தேர்தல்) -சிங்காரவடிவேல் -காங்கிரஸ்
மக்களவைத் தேர்தல் 1980 -சிங்காரவடிவேல்- காங்கிரஸ்
மக்களவைத் தேர்தல் 1984 - சிங்காரவடிவேல் - காங்கிரஸ்
மக்களவைத் தேர்தல் 1989 - சிங்காரவடிவேல் - காங்கிரஸ்
மக்களவைத் தேர்தல் 1991 - கே. துளசியா வாண்டையார் - காங்கிரஸ்
மக்களவைத் தேர்தல் 1996 - எஸ். எஸ். பழனிமாணிக்கம் - திமுக
மக்களவைத் தேர்தல் 1998 - எஸ். எஸ். பழனிமாணிக்கம் -திமுக
மக்களவைத் தேர்தல் 1999 -எஸ். எஸ். பழனிமாணிக்கம் - திமுக
மக்களவைத் தேர்தல் 2004- எஸ். எஸ். பழனிமாணிக்கம் - திமுக
மக்களவைத் தேர்தல் 2009 - எஸ். எஸ். பழனிமாணிக்கம் -திமுக
மக்களவைத் தேர்தல் 2014 -கு. பரசுராமன் - அதிமுக
மக்களவைத் தேர்தல் 2019 - எஸ். எஸ். பழனிமாணிக்கம் - திமுக

திமுக கோட்டையாக கூறப்படும் தஞ்சாவூர் தொகுதியில் 1977 ஆம் ஆண்டுக்கு பிறகு கடந்த 2014 ஆம் ஆண்டுதான் அதிமுக மீண்டும் வென்றது. இதுவரை ஒரு இடைத்தேர்தல் உட்பட 18 மக்களவைத் தேர்தல்களில் 2 முறைதான் அதிமுக வென்றுள்ளது. மற்ற அனைத்து தேர்தல்களிலும் திமுகவும் காங்கிரஸ்தான் வென்றுள்ளன.

கடந்த 2019ஆம் ஆண்டு நடைபெற்ற மக்களவைத் தேர்தலில் திமுக சார்பில் போட்டியிட்ட எஸ்எஸ் பழனி மாணிக்கம் 5,88,978 வாக்குகள் பெற்று வெற்றி பெற்றார். அவருக்கு அடுத்தப்படியாக தமிழ் மாநில காங்கிரஸ் கட்சி சார்பில் போட்டியில் நடராஜன் 2,20,849 வாக்குகளை பெற்றார். அமமுக சார்பில் போட்டியிட்ட முருகேசன் 1,02,871 வாக்குகளை பெற்றார்.

கடந்த 2021 ஆம் ஆண்டு நடைபெற்ற சட்டமன்றத் தேர்தலில் தஞ்சாவூர் மக்களவைத் தொகுதிக்கு உட்பட்ட மன்னார்குடி, திருவவையாறு, தஞ்சாவூர், பட்டுக்ககோட்டை ஆகிய 5 தொகுதிகளில் திமுக வேட்பாளர்கள் வெற்றி பெற்றனர். ஒரத்தநாடு தொகுதியில் மட்டும் அதிமுக வெற்றி பெற்றது.

திருவள்ளூர் | வட சென்னை | அரக்கோணம் | காஞ்சிபுரம் | தென் சென்னை | மத்திய சென்னை | சிதம்பரம் | கோயம்புத்தூர் | கடலூர் | தர்மபுரி | தூத்துக்குடி | கன்னியாகுமரி | கிருஷ்ணகிரி | மதுரை | மயிலாடுதுறை | தேனி | திருவண்ணாமலை | நீலகிரி | நாமக்கல் | ஈரோடு | விழுப்புரம் | கள்ளக்குறிச்சி | திருப்பூர் | இராமநாதபுரம் | ஆரணி | சேலம் | சிவகங்கை | ஸ்ரீபெரும்புதூர் | தென்காசி | தஞ்சாவூர் | திருநெல்வேலி | வேலூர்