மக்களவை தேர்தல் கருத்து கணிப்பு 2024

எக்ஸிட் போல் என்பது தேர்தலுக்கு பிந்தைய கருத்துக்கணிப்புகள் என அழைக்கப்படுகிறது. அதாவது, வாக்காளர்கள் தேர்தல் நாளன்று வாக்குச்சாவடியில் தங்களது வாக்குகளை பதிவு செய்து விட்டு வெளியே வரும் போது எடுக்கப்படும் கருத்துக்கணிப்பு ஆகும். இதனை செய்தி நிறுவனங்கள், அரசியல் ரீதியாக செயல்படும் அமைப்புகள், தனியார் நிறுவனங்கள், கல்லூரிகள் எனப் பலரும் எடுப்பர். இந்த தகவல்களை தொகுத்து பொதுமக்கள் பார்வைக்கு வெளியிடுவர். எந்தெந்த கட்சிகள் போட்டியிட்டன. அவை வெற்றி பெறக்கூடிய தொகுதிகள், பெறக் கூடிய வாக்கு சதவீதம் போன்ற விஷயங்கள் இடம்பெற்றிருக்கும். இவை குறிப்பிட்ட எண்ணிக்கையிலான நபர்களிடம் மட்டுமே எடுக்கப்படும். எனவே 100 சதவீதம் சரியாக இருக்கும் என்று சொல்ல முடியாது.