மக்களவைத் தேர்தல் முடிவுகள் 2024 (Lok sabha election results 2024)

இந்தியா முழுவதும் 543 தொகுதிகளுக்கான மக்களவைத் தேர்தல் வரும் ஏப்ரல் மாதம் பல்வேறு கட்டங்களாக நடைபெற உள்ளது. ஒவ்வொரு வாக்குச் சாவடியிலும் வாக்குப் பதிவு காலை 7 மணிக்கு தொடங்கி மாலை 6 மணி வரை நடைபெறும். வாக்குப் பதிவு முடிந்ததும் வாக்கு பதிவு இயந்திரத்தை தேர்தல் நடத்தும் அலுவலர் சீல் வைக்க, பலத்த போலீஸ் பாதுகாப்புடன் வாக்கு எண்ணும் மையத்திற்கு கொண்டு செல்வார்கள். அங்கு வாக்கு எண்ணும் நாள் வரை துணை ராணுவம், தமிழ்நாடு சிறப்புக் காவலர்கள், காவலர்கள் என மூன்று அடுக்கு பாதுகாப்பு இருக்கும். முறைகேடுகளை தடுக்க அரசியல் கட்சிகளின் பிரதிநிதிகளும் அங்கு காவல் இருப்பார்கள்.